مشكلة تويوتا محدش عرف يقولي حلها ايه

**boing** · 18-11-2011 04:33 AM

السلام عليكم

انا عربيتي كوورلا 2006 عندي مشكله رحت لميكانيكية كثير ورحت توكيل الاسكندرية ومحدش عرف يعمللي حاجه ويريحني من المشكلة دي
المشكله هيا
ان العربية وهيا ماشية وواخده سرعتها تماويج على الطريق بيخليها تتنطط وتتشال وتتحط مع وجود رجة وهزة في الطارة..بالاضافة لوجود صعوبة وعضه في نقل الغيارات لانها مانيوال وبحس في اوقات كثير برجه لما باجي اشيل رجلي من على الدبرياج او بمعنى اخر بحس ان العربية بتنتش مع كل غيار لدرجة ان بقيت بكره انقل الغيارات والله

على فكرة
انا جايب 4 مساعدين جداد اصلي ومغير 2 كاوتش امامي وعارف ان المشكله مش ترصيص ومغير بيض المقصات واذارعة الميزان ومغير طقم دبرياج

كل ده بسبب فتاوي الميكانيكية والتوكيل ولحد دلوقتي المشكله زي ماهي بل بالعكس بتزيد كل يوم عن الثاني لدرجة اني كرهت العربية وعاوز ابيعها

اسف ع الاطاله بس محتاج اللي عنده فكرة يفيديني ويقولي تشخيص الورطه دي

**zonfuly** · 18-11-2011 07:47 PM

حصلت معايا وكنت مشتري كاوتش جديد وعربيه تويوتا برضه بس الكاوتش مشكلته باظ بعد 20 يوم وظهر في فرده منه حته بارزة لبره السلك ضرب فيها وقعدت فترة عشان اعرف ايه اللي فيها وفي الاخر غيرت الفرده والعربيه بقت زي الفل والكاوتش اللي عندي كان هانكوك

**m_mekkawy** · 19-11-2011 08:14 AM

على فكره مشكلة الفتيس حاجه والرجه حاجه والتنطيط حاجه
نبدأ بالرجه اولا تتأكد من تاريخ تصنيع الكاوتش ومدة صلاحيته وان كان سليم تروح تظبط زوايا ع الكمبيوتر وترصص ع (الحصان) لازم (الحصاااااااااااااااان) يعنى الترصيص يتم والكفر راكب مكانه
الفتيس والغيرات دى حصلتلى مع الألنترا الـ2008 والدنيا كلها احتارت فيها وفى الأخر طلع العيب فى دواسة الدبرياج كانت قعدتها مكسوره فانت شيك عند ميكانيكى ع الأستوانه والديسك والبدال ودايرة الهيدروليك بتاعة الدبرياج
بالنسبه للتنتيط شوف المساعدين بتاخد وتدى من ورا ولا لا جلد القواعد بتاع المساعدين سليم ولا لا جلد المقصات واخيرا حاجه تافهه وهيه ضغط الكفرات بردو ممكن يكون عالى