الموضوع: استلمت القشقاى يا رجاله

يا جماعه بجد انا اسف لانى لسا لحد النهارده مجربتش امشى بالعربيه لانى متعطل عشان الورق بتاعها كل الورق كامل و لسا شهاده البيانات متعطله و لما كلمتهم فى مودرن قالو ان الورقه دى بتيجى من الجمرك على المرور و هم بيستلموها من هناك فالمشكله ان لما حاولو يبعتهوها على مرور اكتوبر مرضيش يستلمها بيقول انها مش تبعه يبعتوها على بين السرايات يقولو نفس الكلام و انا مش عارف يعنى ايه تبعهم ولا مش تبعهم و بتوع مودرن كمان قالولى ان المشكله دى مش ليا لوحدى لا ده كل اللى حجزو القشقاى 2012 بردو عندهم نفس المشكله و ادينى مستنى لما يحلوها ربنا يسهلها بقى

كل يوم اتصل بمودرن و استاذ محمود مكاوى يقولى نفس الكلام النهارده خدت منه رقم المندوب اللى بيتابع الورق عشان افهم ايه المشكله بالظبط و لقيته بيقولى كلام مختلف تماما قالى ان المشكله اصلا فى اداره المرور اللى فى اسكندريه وحده الافراج الجمركى هناك مش عايزين يطلعو الورق و مفيش مندوب عايز يجى بيهم هنا لانهم خايفين من الطريق و ان اى حاجه تحصل فى الورق يعنى مش قصه مرور اكتوبر ولا مرور بين السرايات انا بصراحه مش عارف مين الصح و مين الغلط و اىا كان قصه تعطيل الورق ايه انا كعميل مهمه نيسان انها تتابع الورق و تخلصه انا مليش دعوه بقصص المرور دى اعمل ايع انا مش عارف اتصرف دلونى انتو..........