ازاى اشتكى الباركنج اللى بالكروت فى وسط البلد لحماية المستهلك

انا عايز ابقى ايجابى شوية وبصراحة زهقت من كمية الاستغلال والنصب اللى بقت فى كل حاجة فى البلد
انا بشتغل فى وسط البلد وبركن فى جراج بس ساعات بضطر اركن فى اماكن تانية فببقى دايما جايب كارت من الانتظار فى الشارع بتاع شركة
اسمها "سيدو" واخدة شوارع طلعت حرب وقصر النيل كلها
الكارت جميل اوى اللى بعشرة جنيه بيتباع ب 16 جنيه لو اول مرة وبعدين لو رجعت الكارت بعد ميبقى فاضى بيدولك الكارت ب 11 جنيه؟؟؟؟؟؟؟؟؟
ما علينا نظام غريب بس مش دى المشكلة
المشكلة ان مفيش مرة اشترت الكارت ده وال استخدمته مرة ولا اتنين والاقيه باظ ايا كان الرصيد اللى فيه كام
ناهيك عن حركات العمال بتوع الشركة انهم يقنوعك ان الكارت باظ علشان تشترى واحد جديد

الحكاية اتكررت بشكل بقى سخيف اوى واظن من حقى انى اشتكى لحماية المستهلك
حد ممكن يقولى ايه الاجراءات وبتتعمل ازاى ولا ده مش حاجة تبعهم؟

والله يا باشا انا ليا واحد صاحبي عنده معرض بدل عند سنتر شامله

بروح اقوف العربيه بحيث انها تطلع من غير ما العصايه تأثر فيها بعوجه شويه

يا إما بقف فوق العصايه

و معايا كرت في جيبي :)


عشان اي حد منهم لو وجع دمافغي اوي او حصل اي حوار يبقا معايا كرت

و بنفض لاي حد بيجي المهم بس ماتكونش اتلعربيه طالعه لبره

:)

بلطجه بأه :) بس هوا دا ايلي نافع في البلد دي

هى مش موضوع بلطجة
بس انا راى أن دى خدمة بيقدموها (سواء كانوا حرامية او لا) وبالتالى لازم ادفع حقها لكن لو بيتجاوزوا يبقى لازم يبقى فى حساب من جهة ما

لازم كلنا نكون إيجابيين طبعاً، رقم تليفون جهاز حماية المستهلك هو 19588 وعنوانه 96 شارع أحمد عرابى – المهندسين - الجيزة أتصل بيهم وأستفسر عن كيفية تقديم الشكوي، والله الموفق.

اقتباس:

---

المشاركة الأصلية كتبت بواسطة AhmedElsayed

انا عايز ابقى ايجابى شوية وبصراحة زهقت من كمية الاستغلال والنصب اللى بقت فى كل حاجة فى البلد
انا بشتغل فى وسط البلد وبركن فى جراج بس ساعات بضطر اركن فى اماكن تانية فببقى دايما جايب كارت من الانتظار فى الشارع بتاع شركة
اسمها "سيدو" واخدة شوارع طلعت حرب وقصر النيل كلها
الكارت جميل اوى اللى بعشرة جنيه بيتباع ب 16 جنيه لو اول مرة وبعدين لو رجعت الكارت بعد ميبقى فاضى بيدولك الكارت ب 11 جنيه؟؟؟؟؟؟؟؟؟
ما علينا نظام غريب بس مش دى المشكلة
المشكلة ان مفيش مرة اشترت الكارت ده وال استخدمته مرة ولا اتنين والاقيه باظ ايا كان الرصيد اللى فيه كام
ناهيك عن حركات العمال بتوع الشركة انهم يقنوعك ان الكارت باظ علشان تشترى واحد جديد

الحكاية اتكررت بشكل بقى سخيف اوى واظن من حقى انى اشتكى لحماية المستهلك
حد ممكن يقولى ايه الاجراءات وبتتعمل ازاى ولا ده مش حاجة تبعهم؟

---

للأسف يا باشا البلد دي مينفعش فيها الايجابية اللي ينفع الدراع و البلطجة :chris: بس

أخى الكريم انا معى كارت ولكن بـ22 جنيه بيتباع بـ27 عشان تحافظ عليه بعد مايدخل الكرت فى المكنة انتظر يطلع فوق الرصيد الحالى انتظر شوية لغاية خصم المبلغ وعلى حسب الصبح 1 جنيه والمغرب بـ 80 قرش المهم يخصم الفلوس وخلاص فى ناس تعمل تحط الكارت وتسحبه بسرعة قبل الخصم وبعد كده الكرت يبوظ

اقتباس:

---

المشاركة الأصلية كتبت بواسطة gbyte

أخى الكريم انا معى كارت ولكن بـ22 جنيه بيتباع بـ27 عشان تحافظ عليه بعد مايدخل الكرت فى المكنة انتظر يطلع فوق الرصيد الحالى انتظر شوية لغاية خصم المبلغ وعلى حسب الصبح 1 جنيه والمغرب بـ 80 قرش المهم يخصم الفلوس وخلاص فى ناس تعمل تحط الكارت وتسحبه بسرعة قبل الخصم وبعد كده الكرت يبوظ

---

+100000000

تمام بس ساعات برضه لما بياخد منك الكارت علشان يحطه فى الجهاز بيغيره بكارت تانى فاضى و يحط كارتك الى فيه رصيد فى جيبه و يقولك " الكارت فاضى يا بيه " اشترى كارت جديد ، بيعملوا كده علشان لما يحب يخرج عربيه حد معهوش كارت و ياخد منه الى فيه القسمه.

او فيه حاجه ممكن اى حد يعملها ان المصد الى بيطلع ده له من تحت سوسته راكبه على حته حديده صغيره لو جبتها على جنب المصد هاينزل على طول و بكل سهوله.

انا ساكن فى شارع قصر النيل و عارف كل الاعيب العدادات دى.

معلش بس انا عايز اسال سؤال بس

انا من بورسعيد ومعندناش الحاجه دي

بس عايز اسال مش ده شارع عمومي؟؟ يعني بتاع الحكومه؟؟

ليه تدفع فلوس علشان تركن؟؟

يعني ايه الخدمه الي بيديهالك علشان تدفع فلوس طالما انت تركن في شارع عمومي بتاع الحكومه

انا مش فاهم ياريت حد يفهمني معلش

ولكم تحياتي

اقتباس:

---

المشاركة الأصلية كتبت بواسطة MeshoMicra

معلش بس انا عايز اسال سؤال بس

انا من بورسعيد ومعندناش الحاجه دي

بس عايز اسال مش ده شارع عمومي؟؟ يعني بتاع الحكومه؟؟

ليه تدفع فلوس علشان تركن؟؟

يعني ايه الخدمه الي بيديهالك علشان تدفع فلوس طالما انت تركن في شارع عمومي بتاع الحكومه

انا مش فاهم ياريت حد يفهمني معلش

ولكم تحياتي

---

ههههههههههههههههههههههههه ههههههههههه بجد والله إنت هلكتني من الضحك.أنا بجد حاسس إنك مش من مصر
يا فندم ده الحكومة لو طالت تبيعنا في مزاذ علني مش هتتأخر:)
وبعدين ده علشان بتاع الحكومة فهي باعته أو بمعنى أصح إدت حق الإنتفاع بتاعه لشركة علشان تعمل كده.

الحكومة ماجرالهم الشارع وهما عاملين الات انتظار وبتدفع القيمة بالكارت

بالنسبة للأخوة الافاضل انا بستنى تماماً لغاية لما المصد ينزل نهائيا وبعدين اشيل الكارت وجربت اخلى العامل هو اللى يحط الكارت بنفسه برده نفس الحكاية

لكن كل مرة لازم يبوظ لما بقت حاجة مقرفة

خلى بالكم برده اوى من حكاية العامل دى لانهم نصابين درجة اولى وبيبقى عايز يبنلك ان الكارت بايظ او خلص باى طريقة لان تقريبا ليهم فلوس على كل كارت بيتباع
المرة دى بيحاول يستهبل وبدخلى الكارت بالعكس ويقولى الكارت بايظ

الناس بقت غريبة اوى تقريبا الواحد لازم يعد صوابعه بعد كده بعد ميسلم على حد


على العموم انا حتصل بحماية المستهلك واشوف حيتصرفوا ازاى

أستاذ أحمد هل بعد ما تدخل الكارت ويفتح (على إفتراض إنه سليم وشغال)بيطلعلك وصل؟؟؟؟؟ولو طلع وصل هل بيبقى مكتوب فيه المبلغ المتبقي في الكارت ولا لا؟؟؟؟
الفكرة اللي عندي هي إنك تشتري مثلا كارت جديد وتشغله.وطبعا أول مرة هيشتغل عادي جدا المهم تاخد الوصل اللي هيطلع وتعمل العملية ده كذا مرة لحد ما الكارت يبوظ وبعدين تروح بالكارت والوصولات للجهاز تقدم الشكوى علشان تبقى الشكوى مكتملة الجوانب.
وعلى فكرة من يوم ما عملوا الموضوع ده وناس كيتير قوي بتشتكي من الحكاية ده وطبعا لا حياء لمن تنادي.

اقتباس:

---

المشاركة الأصلية كتبت بواسطة elpasha009

أستاذ أحمد هل بعد ما تدخل الكارت ويفتح (على إفتراض إنه سليم وشغال)بيطلعلك وصل؟؟؟؟؟ولو طلع وصل هل بيبقى مكتوب فيه المبلغ المتبقي في الكارت ولا لا؟؟؟؟
الفكرة اللي عندي هي إنك تشتري مثلا كارت جديد وتشغله.وطبعا أول مرة هيشتغل عادي جدا المهم تاخد الوصل اللي هيطلع وتعمل العملية ده كذا مرة لحد ما الكارت يبوظ وبعدين تروح بالكارت والوصولات للجهاز تقدم الشكوى علشان تبقى الشكوى مكتملة الجوانب.
وعلى فكرة من يوم ما عملوا الموضوع ده وناس كيتير قوي بتشتكي من الحكاية ده وطبعا لا حياء لمن تنادي.

---

مفيش وصل ولا الكلام ده ، ده جهاز بدائى جدا و ساعات كتير بيكون معلق وممكن يعطلك لو مستعجل و عندك مشوار

انا انهارده الصبح مثلا و انا رايح الشغل جيت احط الكارت فى الجهاز الكارت مرضيش يدخل اساسا و جالى العامل بتاع الشركه من نفسه و نزل المصد من غير ما اقوله ولا كلمه علشان عارفنى ( لأنى اتخانقت معاهم قبل كده علشان لما الجهاز بيعلق كده بتاخر على شغلى ) و معنى انه بينزله عادى من غير ما احط الكارت ، يعنى مفيش متابعه والدنيا سايبه و سايبنهم يعملوا الى هم عاوزينه فى الناس.