كان عندك أيه قبل الدايو ومقارنة بسيطة

**Ahmed Nasser** · 19-11-2011 10:07 PM

النوبيرا بتقفل عدادتها
شوف فى عندك فى الفتيس

**elpasha1** · 19-11-2011 10:27 PM

اول عربية اركبها كانت كيا برايد 2000 جبت بيها 150 على طريق اكتوبر الواحات لمدة اقل من 10 ق
الثانيةكيا سيفيا مو 99 جبت بيها 180 على طريق الفيوم لاكثر من نصف ساعة واتباعت للاسف رغم عشقى للعربية دى بسبب التوكيل كان وقع فى فترة من حوالى 4 او 5 سنوات ومكنش ليها قطع غيار نهائى لا جوة التوكيل ولا برة
الثالثة دايو لانوس 150 على الصحراوى اسكندرية
الرابعة لانسر 98 اوتوماتيك بس بسة مجربتهاش لانى لسة جايبها لكن العربية كانت مشنشنة من تحت وجابت 125 بمنتهى السهولة ( ماشاء الله عليها الله اكبر ممتازة)

بالنسبة لى افضلهم هى السيفيا حتى الان

**osama.m** · 19-11-2011 11:04 PM

خد عندك
128 و 124 وكنت في ابتدائي لحد اخر الاعدادي .. طبعا مش فاكر عنهم حاجة وحتى لو فاكر :(
بعد كدا فيات ريجاتا كانت كويسة جدا
بعدها لانوس 1 وكانت تحفة ولحد دلوقتي زعلان جدا عليها .. ثابته جدا و اكتر حاجة مستغرب ليها انها فضلت 3 سنين و معملتش اي حاجة في فرامل اليد و كانت 3 تكات و العجل يقفش ازاي مش عارف
بعد كدا نوبيرا 2 .. ثبات قريب جدا من الالماني .. واسعة .. موتور قوي ولسة طالع من كروز :d وعقدتة .. قطع غيار رخيصة ومعمرة الى حد ما .. سواقتها ممتعة و مريحة
حكاية المرايات دي شوية وتتعود عليها بس اهم حاجة تكون الاصلي عشان لو عندك مراية اتكسرت و ركبت حاجة عادية مش هتشوف حاجة .. كنت في الاول حاسس ان العربية طويلة و عاملة زي السفينة و مش عارف ابعادها كويس بس بعد فترة خلاص الدنيا بقت تمام

**maka** · 20-11-2011 01:39 AM

المشاركة الأصلية كتبت بواسطة tarek_2005

فيات 127 توب ثم نصر 127 ثم فيات 125 بولندي ثم فيات 128 ثم لانوس
كل هذا وتم الاحتفاظ ب 127 نصر فقط مع اللانوس
وطبعاً هنا لايجوز المقارنة في هذه الحالة لان كلها لصالح اللانوس

عيب عليك يا طارق باشا ...... هو فيه زى الفيورا و ال 27

**amado318** · 20-11-2011 02:01 AM

انا اول عربيه ركبتها مازدا 929 2000 سى سى ودى مالناش دعوة بيها خالص علشان كانت وهميه كانت عندنا زيرو ---- ركبت ابيزا 94 بس كان 1600 سىسى مش 1300 الثبات كان خرافى والفرامل تحفه وانقذتنى من موت محقق -- المنقذ هوة الله---العربيه اولانى 50 تانى 90 تالت 130 بس اقصى حاجه شوفتها فيها 210 مع ان العداد 200 بس كسرت العداد كذا مرة - طلعتها بقه الى مش هقدر انسا ها بعلم 11 على الارض والكاوتش يشيط العربيه كانت فول انجكشين --- بس راحت لحالها وبعتها لظروف --بعدها -- هيونداى اكسنت موديل 99 كنت راكب الهوا كنت مسميها النعش الطائر جبت بيها 185 على طريق شرم بس ثبات فى الضياع وفرامل فى الباى باى بعدها لانوس استهلاك بنزين غبى تسارع بطىء سرعه قصوى 189 بس منزل العادى 185 فرامل مافيش بخاف اهجم واناور بيها مش بتسعفنى بمشى مؤدب ---علمتنى الادب يعنى ---بس بحبها جدا لان عمرها ما خذلتى واليوم الى اشتكت فيه اشتكت بعد اما كنت تحت البيت -اصيله والله الانوس -انا بحب الانوس - ماشى 398 الف كيلو ولسه فيها كمان

**medo_mero** · 20-11-2011 04:03 AM

فيات 128 صالون ديق قطع غيار ببلاش اى نجار يصلحها بتشم البنزين موتور ضعيف اقصى سرعة 130 140 بالميت بالعافيه مافيهاش اى انواع الكماليات
بولونيز 1988 بولندى عربية بنت حلال دباااااااااااااابة 1500 سى سى واسعة جدااا شنطة كبيرة وسوست ورا زى الربع نقل جبارة ثبات عالى جدا قطع غيار ببلاش ناشفة جدا صاج براميل اقصى سرعة 160 مشاكلها فعبشتها وعربية عاوزة واحد صحتة جامده يسوقها استهلاك بنزين غبى
نوبيرا 1 1997 عربية ماشاء الله ممتازة ثبات عالى عالى عالى امكانيات وكماليات كويسة تكييف محترم واسعة خالص شنطة كبيرة صالون مريح اقصى سرعة 215 كم/س ع طريق الكريمات قطع غيار متوفرة واسعار متوسطة استهلاك بنزين عالى شوية عربية ممتازة بصراحه

**ah-gawad** · 21-11-2011 11:20 PM

المشاركة الأصلية كتبت بواسطة ahmed nasser

ولو زوت مثلا لـ 190
بتزيد ولا بتفضل ثابتة على كدة

بصراحة مجربتش لاني مبحبش الحرارة تعدي النص ابدا

**tarek_2005** · 22-11-2011 11:37 AM

المشاركة الأصلية كتبت بواسطة maka

عيب عليك يا طارق باشا ...... هو فيه زى الفيورا و ال 27

ال 127 دي معقد بيها الشعب لغاية دلوقتي لاني معدل الفتيس بتاعها وعامله 5 غيار امامي ومعدل المحرك خارط الشمايز ومركب بساتم 060 وشنبر 060 ومغير الكرنك وموضب عفشتها كويس واقصي سرعة جبتها بيها 140 كم / ساعة علي طريق بني سويف الصحراوي الشرقي وسافرت بيها المنيا بسرعة 130 كم مستمر لمدة ساعتين وطبعاً مش هقولك علي الغرز بيها عاملة ازاي دا اصدقائي لقوا علامة علي سقفها من عند الباب الخلفي يمين ودا اثر غرزة من اسفل عربية نقل ووووووووووو لغاية بكرة هشكر فيها

**amado318** · 23-11-2011 12:35 PM

يا باشا كان ليا صاحب مركب مكنه 1600 فى 127 كان بيعدى بيها 200 ومافيش عربيه تسد معاه فى الطلعه --127 لما بتتظبط فعلا بتبقه تحفه -- تخيل راكب عربيه قديمه وبتعدى بيها عربيات احدث واكبر والناس تبص ليك باستعجاب --