كان عندك أيه قبل الدايو ومقارنة بسيطة
عايزك تقول كدة وتدينا المقارنة ... يعني فروقات خفيفة كدة :)
انا معايا حاليا نوبيرا 1
عربيتي انا اللي فاتت كانت أكسيل
بتاعة البيت كانت أوبترا وقبلها صني
هقارن كدة في السريع
قبل كل حاجة انا ليا طريقتي الخاصة في تفتيح الموتور ... اللي أثناء التليين وده الأساس وبعدها التفويق اللي كل فترة
الأوبترا والصني كانوا من الزيرو
هبقي أكتب موضوع فيه الطريقة بتاعة التفتيح
المهم
التسارع ...
صني وأوبترا كانوا الملوك
كانوا في أسوأ الحالات من 0 ل 100 في 10 ثواني
وبعدهم الأكسيل والنوبيرا في 11
النوبيرا لسة مافوقتهاش ... بس العربية ده مجرد مابنكشها بتستغبي وممكن تقفل عدادها بسهولة
الثبات
نوبيرا ... جايب 210 وزي الفل
بعدها الصني وده انا بحترمها قويييييييييي
أوبترا ... بعد ال 160 ببقي ماسك كويس
أكسيل ... من ال 140 بمسك كويس جدا :)
أقصي سرعة لكل عربية
أوبترا وصني ونوبيرا ... أتقفل عداداتهم
الأكسيل ... 180 وخفت أزود
الفرامل
صنييييييييييييييييييييييي ييييييييي ... أحسن فرامل جربتها في العربيات اللي تحت ال 100 ألف
ويمكن أحسن من عربيات أغلي منها بكتير
بعدها الأوبترا ومش زي الصني خالص ... أقل بكتير
ثم أكسيل
ثم نوبيرا
التكييف
أقواهم الأكسيل ... انا كنت مستغرب الحقيقة .... بس كان مفتري جدا وسقعته تجيب برد في عز الضهر ... انا مركبتش أكسيل أبداااا وكان تكييفها كويس غير اللي كانت معايا
الصني والنوبيرا والأوبترا مش حاسس بفروق غير ان الصني كان أسرعهم في التبريد
سهولة القيادة
مش بحس بفروق غير في المرايات
أحسنهم الأكسيل والصني وبعدهم الأوبترا
النوبيرا مراياتها تيييييييييييييييت
الأضائة
صني
أوبترا
نوبيرا
أكسيل
الوسع
أوبترا ونوبيرا زي بعض ... واسعين من ورا وقدام
بعده صني ... كانت ضيقة جدا من ورا
أكسيل كانت برضه ضيقة من ورا ومش قوي من قدام
ده كدة ملخص .. أكيد في فروقات كتير
وأعتقد الموضوع ده هيتغير بعد ماعمل تفتيح للموتور بتاع النوبيرا