رجاء المساعده..انهى الافضل نوكيا n8 ولا سونى اريكسون xperia x10

**beshomilan** · 18-11-2011 04:57 PM

ياجماعة
انهى الافضل نوكيا N8 ولا سونى اريكسون XPERIA X10
النوكيا يتفوق فى الكاميرا بكتير والشاشة AMOLED وذاكره 16 جيجا
ولكن السونى يتفوق فى نظام التشغيل وال ram والبروسيسور وحجم الشاشه
ياريت ياجماعة اللى جربهم يفيدنى وياريت يذكر مزايا وعيوب كل حاجة فيهم بحياديه
لانى محتار اوى وخاصتا ان اسعارهم متقاربه جدا
متشكر ياجماعة

**aly_hosny** · 18-11-2011 05:17 PM

انا شايف ان حضرتك تخرج نوكيا كلها برا حساباتك و تخليك في الاندرويد و تدخل موبايلات تانية في المقارنة حسب الميزانية

**beshomilan** · 18-11-2011 05:40 PM

اشكرك للرد استاذى العزيز
بس ليه اخرج نوكيا؟؟؟هو نوكيا n8 يعيبه نظام التشغيل؟؟
طب وباقى الميزات؟؟؟
ممكن توضيح اكتر

**MOUSTAFA_SAAD** · 18-11-2011 06:00 PM

نصيحه خليك فى الاندرويد حيريحك كتير ودعم وابليكيشن بلا حدود

**aly_hosny** · 18-11-2011 07:42 PM

المشاركة الأصلية كتبت بواسطة beshomilan

اشكرك للرد استاذى العزيز
بس ليه اخرج نوكيا؟؟؟هو نوكيا n8 يعيبه نظام التشغيل؟؟
طب وباقى الميزات؟؟؟
ممكن توضيح اكتر

نظام التشغيل بتاع نوكيا "سيمبان" كان حلو زمان لما كان اخره ينافس ال "bada" انما دلوقتي ال انردويد عدا اوي
لو تعرف حد معاه موبيل اندرويد هتلاقيه على طول ماسك الموبيل وبيلعب او لو في واي في بينزل برامج :D
حاجة جامدة و معدية و سهل جدا في التعامل معاه
انا مثلا مغير سوفت وير لموبيلي اول ما جبته حوالي 6 مرات في اقل من اسبوع بسهولة
اي حاجة عايز تعملها هتلاقيلها ابليكاشن تعملها بيها

**D . a .\ AYMAN** · 18-11-2011 08:27 PM

أنا شايف إن السوني إريكسون يتفوق على النوكيا في كل شيء عدا حاجة واحدة مش متأكد منها وهى الكاميرا لأن الكاميرا بتاعة الـ إن 8 ماجربتهاش أصلا ومعرفش كفائتها

لكن لو المقارنة بين الإثنين دول ممكن ندخل فيها حاجات تانية من سوني إريكسون يبقى أقترح إنك تفكر في السوني إريكسون الآرك لأنه أفضل من الـ إكس 10 بكذا حاجة ومنها الشاشة بتدعم تقنية البرافيا بتاعة سوني وكمان رينج السعر بينهم قريب والكاميرا بتاعته أقوى

**beshomilan** · 18-11-2011 09:19 PM

اشكركم للردود بجد
بس يا د.ايمن كاميرا ال n8 جودتها 12 ميجا وعدسات CARL ZIES يعنى ممتازة بلا جدال
وكمان عشان ادخل حاجات تانى زى السونى اريكسون الارك فدا سعره 3500 يعنى اغلى بكتير من ال n8 اللى سعره 2900 او ال x10 اللى سعره 2850

**chicobon** · 18-11-2011 11:32 PM

والله لو حضرتك بترتاح في استخدام النوكيا جيبها عشان انت الي هتستخدم مش اي حد و بصراحة ديه مسئلة ازواق و انا بلنسبالي ارشح النوكيا و ديه وجهة نظري

**D . a .\ AYMAN** · 19-11-2011 12:15 AM

المشاركة الأصلية كتبت بواسطة beshomilan

اشكركم للردود بجد
بس يا د.ايمن كاميرا ال n8 جودتها 12 ميجا وعدسات carl zies يعنى ممتازة بلا جدال
وكمان عشان ادخل حاجات تانى زى السونى اريكسون الارك فدا سعره 3500 يعنى اغلى بكتير من ال n8 اللى سعره 2900 او ال x10 اللى سعره 2850

إيه ده أنا معرفش إن سعرهم نزل كدة أنا فاكر إن كل واحد فيهم لسة بثلاثة وشوية ... طيب ماهو لو كده ممكن تفكر بقى في الإكسبيريا نيو سعره 2500 بس شاشته أصغر شوية من الآرك 3.7 بوصة في حين الآرك 4.2 .. ولكن يتميز عنه بإنه فيه كاميرا أمامية وبرضه يتفوق على الإكس 10 ماعدا الشاشة

طبعا كاميرا الإن 8 أنا متخيل جودتها لأن كان معايا الإن 73 آخر موبايل نوكيا مسكته وأحلى حاجة فيه كان الكاميرا بتاعته وبصراحة عدسات كارل زييس بتفرق جامد في نقاء الصورة .. ولكن عدسات السايبر شوت بتاعة سوني واللى بتستخدمها دايما سوني إريكسون دلوقتي مش وحشة خالص

وطبعا في الآخر لازم تكون مرتاح تماما للقرار اللى هاتاخده لإن إنت اللى هاتستخدمه

**aelhossan** · 19-11-2011 12:46 AM

انا معايا ال N8 من زمان وشغال كويس بالسوفت وير الجديد ANNA
ولما السوفت وير الاحدث ينزل الموبايل هيبقي احسن و احسن اللي هوه BELLE
شوف اللينك ده
Nokia Europe - Symbian Belle
واعمل سيرش علي اليوتيوب وشوف السوفت وير الجديد عامل ايه

الموضوع: رجاء المساعده..انهى الافضل نوكيا n8 ولا سونى اريكسون xperia x10

LinkBack

أدوات الموضوع

عرض

-

-

-

-

المواضيع المتشابهه

ممكن اعرف انهى افضل موبايل بخطين..رجاء المساعده

للبيع سونى اريكسون xperia arc 2.3.3

للبيع سونى اريكسون xperia arc 2.3.3

مطلوب سونى اريكسون xperia 1

سونى اريكسون xperia

الكلمات الدلالية لهذا الموضوع

المفضلات

المفضلات

ضوابط المشاركة