النترا 2012 خليجى ولا وكيل
الاخوة الهيونداوية
انا كنت عايز اعرف هو العربيات الالنترا الخليجى ينفع تعمل صياناتها فى مراكز الخدمة المعتمدة بتاعه هيونداى ولا لآ
لانى انا عايز اشترى النترا فى حدود 145 الف والحقيقة الثمن ده فى الخليجى بيجيب عربية اوبشنز فيها كويسة زى الجنط 17+ الفتحة + 2 ايرباج + abs + تكييف تاتش + سنسور وحاجات تانية كتير واهمها الفرامل الخلفية ديسكات
انا كنت خايف اشترى خليجى ومعرفش الاقى قطع غيار فين خاصة تيل الفرامل الخلفى لاختلافه عن الوكيل اللى بتنزل طنابير وكمان خايف يكون فى عيوب صناعه او حاجه تتطلع مفاجاه فى العربية
عشان كده كنت محتاج نصيحة الاعضاء عن كيفية صيانه الخليجى ومدى توافر قطع الغيار وفين المراكز اللى ممكن اعمل فيها الصيانه الدورية
لانى فى الحقيقة عايز اشترى عربية يكون فيها اوبشنز محترمة مقارنتا بالفلوانس اللى تقريبا بنفس السعر ان لم يكن اقل كمان
شكرا