تجربة سيئة مع محل الأخلاص بمول سوق التوفيقية
الموضوع وما فيه، انى كنت بعمل تجديد لعفشة العربية، وكان فاضل لى المقصات وعلبة الدركسيون (عربية هيونداى أكسيل).
نزلت أحمد سعيد ولقيت المقصات الكورى، بس العلبة ملقتش منها الكورى، لقيت التيوانى والصينى
الميكانيكى دلنى على محل فى التوفيقية، أسمه الأخلاص
نزلت، وسألت فين محل الأخلاص، قالوا لى الدور الاول، لقيت المحل، أتنين وقفين بيتعاملوا مع الناس، وست كبيرة شكلها صحبه المكان قعدة جوة
واحد من البيعين عمال يشد ويعلى صوته ويقول مش كلام ومش بيعه دى ومش عارف ايه.
انا مفهمتش حاجة، بس قلت اعذره يمكن فى مشاكل فى الشغل
وانا واقف، لقيت واحد بيسأله، عندك شمبر لانسر ، مش عارف 4 ولا اية (قاله على رقم)
قله اه، بكام ،بـ 170 (رد عليه بصوت واطى، علشان البياع كان جوة المحل بيجيب حاجة) خلهولك
سألته: سلامو عليكم، فيى علبة دركسيون اكسيل ؟؟؟
قال لى: الصينى بكذا (مش متذكر الرقم)
قلت له: انا عاوز الكورى.
قالى: موجود بــ 750 (كنت سأل فى أحمد سعيد قال لى 650، بس كان خلصان)
قلت له: طب والبارات؟؟
قالى: كورى بـ 55 ( فى احمد سعيد بـ 90)
فأنا قلت أكلم الميكانيكى استفسر منه، قالى فاصل معاه، وقول له أنك من طرفى
رجعت له، واتكلمت معاه، من عنيا ومش عارف اية
كام بقى الحاجة، 830.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!
ازاى 830؟؟؟ قال مهو العلبة بـ 770 والبارات بـ 60
ازاى يا أبن الناس، انت مش لسه قايل تمن
ها ومش ها، وحرام ومش كل زبون ومش عارف اية
قلت له خلاص خلاص، وخدت من الحاجة وحسبته ومشيت
طبعا ندمت انى خدت الحاجة، كنت المفروض أسبها له وامشى، بس خفت انى ملقهاش برة واضطر ارجع له تانى
المهم يا جماعة، انا حبيت احكى القصة علشان الناس تبقى تاخد بلها من المحل دة