الموضوع: توكيل غبور

مساء الخير على الجميع ....... انا الحمد لله معايا الالنترا ال 2012 GLS وانا ساكن فى القاهرة بس شغلى فى الغردقة ولما جيت اعمل صيانة ال 1000 قالولى ان احسن مكان ابو رواش او قليوبوتوكلت على الله وعملتها فى قليوب ... وعند صيانة ال 5000 كنت فى الغردقة وقلت اروح توكيل غبور اشوف الاول وبعدها اقرر ولقيت :
1 - توكيل محترم جدا
2- امكانيات هايلة ( بشرية - معدات )
3- ناس كلهم ذوق وبشوشيين وبيسمعوا منك كل حاجة زى الدكتور كده
4- بتتفرج على كل اللى بيحصل لعربيتك وانت جالس فى مكان شيك بتشم فيه رائحة النظافة
5- مكانه مش بعيد هو فى المنطقة الصناعية وبيسموها جهينة

عملت صيانة ال5000 فى اقل من ساعة وبلغتهم ان قفل الحزام مش شغال ( السوستة بتاعة اللوك الحمرا قفشت )
على طول خدوا الملحوظة وكلمونى بعد 10 ايام وقالولى ان قطعة الغيار وصلت (طلبوها من كوريا ) وروحت النهاردة وركبتها وكله تمام الحمد لله .

سالتهم عن ال DVD او ال النور الزينون لو عاوز اركبهم فقالى المهندس هانى عزت ان العربية دى بالذات ممنوع اللعب فى الضفيرة لان الضفيرة عليها Safety control والى لعب فيها بيبرجل العربية ولا ينصح تماما بتركيب اى اضافات

أرجو ان اكون قد افدت البعض بهذه المعلومات وشكرا للجميع ولادارة النتدى الحترمة

مبروك صيانة ال 5000 وشكراً على المعلومات الخاصة بالكهرباء لأن أنا كنت لسة بظبط نفسي علشان أروح أركب زينون بس كدة هستنى أشوف أيه حكاية الSafety control ده وبصراحة مشوفتش ولا ألنترا جديدة مركبة زينون .