استفسار عن الملكة e39

**AAAPRD** · 18-11-2011 10:32 PM

السلام عليكم يا فرسان البى ام
عندى كام استفسار عن الe39
1- هل يوجد منها مانيوال؟
2- متوسط اسعارها كام لانى بلاحظ تفاوت كبير جدا من 80 الف لموديلات من96 الى 99 وفوق ال 120 الف لموديلات اللى بعد 2000
3-هل لها قطع غيار جديدة اصلية لكل من البودى و الميكانيكا و الكهرباء و لا هنتزنق مع بتوع الاستيراد؟
و لكم جزيل الشكر

**boozoo2010** · 18-11-2011 10:41 PM

بص يا باشا العربية دى هيلة و قطع الغيار موجودة بس اكيد مش رخيصة اما موضوع الاستيراد دول هينفعوك جدا فى العفشة اكتر حاجة و اى حاجة مهما تكونن صغيرة و تفها هتلاقيها عندهم اما الاسعار ف دة على حسب الموديل و الحالة و السي سي بتعها و فى منها مانيوال بس بلاش تلعب بالملكة حرام عليك ;-))

**AAAPRD** · 18-11-2011 10:45 PM

مش مشكلة الاسعار يا باشا
المهم هو :
هل يوجد قطع غيار للصاج و الميكانيكا و الكهرباء جديدة ولا لأ ؟
انا ما بحبش الاوتوماتيك و بعشق المانيوال
انت متأكد انه فى منها مانيوال؟
ولا قصدك تبترونيك؟

**boozoo2010** · 18-11-2011 11:00 PM

1- ايوة فى جديد متقلقش من دى و انا متاكد ان فى منها مانيوال بس قليل لان العربية كبيرة و السواقة بيها مانيوال فى الزحمة هيبقا متعب و كان معروض وحدة مانيوال فى contact cars

**TheBuccaneer** · 19-11-2011 02:15 PM

المشاركة الأصلية كتبت بواسطة aaaprd

السلام عليكم يا فرسان البى ام
عندى كام استفسار عن الe39
1- هل يوجد منها مانيوال؟
2- متوسط اسعارها كام لانى بلاحظ تفاوت كبير جدا من 80 الف لموديلات من96 الى 99 وفوق ال 120 الف لموديلات اللى بعد 2000
3-هل لها قطع غيار جديدة اصلية لكل من البودى و الميكانيكا و الكهرباء و لا هنتزنق مع بتوع الاستيراد؟
و لكم جزيل الشكر

ال e39 لا يوجد منها مانيوال. و إن وجدت مانيوال اكيد معدله فتيس

و الفارق فى السعر بسبب المحرك فى البدايه كان ال m50bxx و ال m52bxx ال "سينجل فانوس" و تقريبا من عام 1999 - 2000 زودت بالمحرك ال m52bxx ال "دبل فانوس" طبعا فيه اختلافات فى شكل الفوانيس و الجنوط لكن اعتقد إن الإمكانيات واحده

بالنسبه لقطع الغيار جديده هتجد لكن المشكله تكمن فى سعر قطعة الغيار!!! يعنى لو هتغير عفشتها جديده هتتكلف على حسب سمعى 18000 جنيه

تجار الأستيراد و قطع غيار الأستيراد ليست مشكله كام متصور لأن كثير ممن يمكلون البى إم دبليو إن لم تكن موديل جديد بيتعاملوا فى الحرفيين و مع تجار الأستيراد بتكون أوفر فى السعر بشكل كبير جدا, و بعدين هناك أشياء تشترى جديد و أشياء تشترى استيراد يعنى اما يكون زوج الفوانيس الرينجات الأماميه استيراد ب 3000 جنيه تفتكر حضرتك هتكون جديده ب؟؟؟ و الفانوس ممكن يكسر لا قدر الله فى خبطه من طوبه متطايره على طريق سريع, علية الدركسيون ب 2600 جنيه تقريبا استيراد يعنى جديده تفتكر حضرتك ب؟؟؟ ما دامت تتعامل مع تاجر محترم و قطعة غياره نظيفه تعامل معه و هم بيتعاملوا بنظام التجربه

**inspiron** · 19-11-2011 05:17 PM

لا يوجد e39 منوال..ولو كانت نزلت منوال كانت تطيير.
هي نازلة بفتيس أوتوماتيك تيبترونيك 5 سرعات أمامية وسرعة خلفية + النظام الرياضي DS

زي ما قال لك الأخ الفاضل أستاذ عمرو.قطع الغيار موجودة ولكن مشكلتها سعرها.أنا عربيتي إتكلفت عفشة أكتر من 16000 جنيه.بس مع مراعاة إنك تنساها بقي.
يعني عربيتي 2001 غيرتلها عفشة من أقل من سنة.

**farahat** · 24-11-2011 08:12 PM

المشاركة الأصلية كتبت بواسطة medo20000

بس أنا شوفت منها مانيوال .....

الإجابة بتاعت الزملاء تعني إن مافيش منها مانوال في مصر، لكن مش معناه انها مش موجودة خالص :)

أكيد بتنزل برة بفتيس منوال إلى جانب الاوتو ، كل العربيات في الدنيا بينزل فيها منوال وأوبشن اوتو عشان إلي محتاجه ، احنا هنا في مصر بنفضل الأوتو وبالتالي كل إلي بيجيبه التوكيل بيكون اوتو ، لكن ممكن تلاقي عربية استراد أو حاجة تكون منوال .