الموضوع: صور مختلفة .....................مش هتقدر تشم رجليك

السلام عليكم


حال المنتدى مش عاجبني
مفيش أكشــــــــــــن زي زمااان
مفيش مواضيع مميزة زي الأول .. المنتدى مريح أوي
مش عارف ليه
يمكن علشان فارما مش موجود
المهم
دي شوية صور من استوديو تليفوني
إتفرجوا عليها معايا


أول صورة
صورة العميل x
أهم عملاء الصيدلية عندي
شخصية مرعبة الحقيقة
حائز على بطولة شد أستك البتاع 5 مرات ع التوالي





الصورة التانية
صورة ليا وأنا ع البورش أياااام الجامعة
مش من زمان على فكرة
دكاترة زي الكتاب مابيقول أهوه



الصورة التالتة
كنت راجع من القاهرة زراعي الفجر
وقفت أشرب قهوة على قهوة لما الشمس طلعت في منيا القمـــح
صورة عربيتي في الخلفية على فكرة
جه الكتكوت ده وقف في وشي
لاحظت كلمة مكتوبة ع الازاز الأمامي
نزل الصورة وإعمل زووووووووووووووووم علشان تشوفها كويس
أكيد طبعا غير كلمة(إلا إله إلا الله)


الصورة الرابعة

صورة العميل x+1
تاني أهم وأخطر عملاء الصيدلية عندي
صفاته الشخصية : حازم جسور قوي الشكيمة
محترف من الفئة ك ع ش3 تربيع


الصورة الخامسة
ودي ممنوعة في قسم الهوندا
أي واحد عنده هوندا .. مايشوفهاش علشان ماتجيلوش أزمة كلبية





هوندا سيفيك .. حمراااااااا .. 1500 سي سي مايفك..فتحة سقف
وللأسف
البودي بتاع العربية كان بيأدي وظيفة الكارو .. والموتور المايفك الــ 1500 كان بيأدي وظيفة الحمااااااااااااااااااااا اار
العربية دي كانت(سارحة)الغيط وهي ساحبة وراها مكنة الميه , وخرطوم مكنة الميه الكبير كان داخل من فتحة السقف وطالع من الشنطة
الصورة (زي ماهو باين) مصورها من جوه عربيتي

ومش عاوز أقولكم إن صاحب العربية دي (وبدون مبالغة) مرشح نفسه لإنتخايات مجلس الشعب دايرة أولى الزقازيق ...خالد نوار