أنتخب مين؟ وليه؟
أنا معرفش حد من الناس الى مرشحة نفسها اعمل ايه؟
والى مش هينزل ينتخب هيبقى عليه غرامة ولا لأ؟
عرض للطباعة
أنتخب مين؟ وليه؟
أنا معرفش حد من الناس الى مرشحة نفسها اعمل ايه؟
والى مش هينزل ينتخب هيبقى عليه غرامة ولا لأ؟
انا برضه مش عارف مين المرشحين وخصوصا انهم معظمهم أسماء جديدة
بس افضل برنامج انتخابي عجبني بتاع عمرو حمزاوي لما كان عامل مناظرة مع اسماء محفوظ كنت باتمنى اني ابقى تبع دائرة مصر الجديدة
بالنسبة لل 500ج اعتقد دي احدى افتكاسات الشعب المصري وافتكاسات أحزاب علشان الناس تنزل كلها للانتخابات
بص ياباشا اختار اللي ترضي تجوزه لبنتك او لأختك ...
وسيبك من البرامج والكلام ابو بلاش دور واعرف ده مين ..ومتتعصبش لحد معين او تختار فلان علشان كرهك لفلان ..خلي كل الخيارات متاحه لحد متلاقي نفسك استقريت وواثق ان ده الاختيار الصح
المهم انك تكون مختار عن اقتناع ...لو كده روح وابطل صوتك المهم تروح ...
وانا كمان زيك
متختارش افراد بعينهم ..الاول شوف الاحزاب وبرامجهم واتجاهتهم وشوف اقرب حاجه مناسبه لفكرك لان الافراد الى زوال ..بعد ما تحدد الحزب اللى هتنتخبه شوف القايمه بتاعته ودى هتبقى ثابته وشوف الافراد الفردى اللى تبع الحزب ودور عليهم كويس واعرف معلومات عنهم وعن ماضيهم وعن اللى هيقدموه وتوكل على الله
إذا كان صوتي امانة فلابد أن اجتهد لاختيار الافضل وفق معايير واضحه اقترحها عليكم كوسيلة للمقارنه بين الاحزاب بحيث ساعطي لكل حزب درجة من عشر درجات وفي النهاية اقرر بيني وبين ضميري
1- المرجعية الاسلامية
2- الخبرة السياسية
3- الكفائة المهنية والادارية
4- القدرة التنظيمية
5- القدرة علي توحيد الكلمة
6- استقلالية الفرار الوطني
7- محاربة الفساد
8- التضحيات المقدمة
9- الوعي باولويات المرحلة
10- التفاعل مغ مشاكل الموطن البسيط
11- برنامج واصح واقعي قابل للتنفيذ
منقول
فى الشغل مديرى يقولى الوفد احسن حزب واعرق حزب وبالتالى كله الوفد الوفد اروح البيت والدى بيحب الاخوان ويقول عليهم ناس منظمة وناس لها شعبية وارضية وناس بتحب تخدم وفى البيت برده ساكن معانا خالى سلفى اصيل هو واولاده حزب النور لتطبيق شرع الله لازم تنتخب حزب النور اروح عند اهل خطيبتى كلام تانى خالص المهم انا مش عارف زيك انتخب مين لان من الاخر اللى مترشحين كتير ومش معروفين
انا الحمد لله مش ناوي ارشح حد ومفيش حد يستاهل فيهم اني انزل من بيتي احنا خلصنا من الوطني وطلعلنا الف حزب وطنى كله بيجري ورا مصلحته للاسف سواء كان بيسمي نفسه ديني او الطرف الاخراللي بيسمي نفسه شنكوتي