عرض للطباعة
السلام عليكم ورحمه الله وبركاته
زى ماهو باين ف العنوان انا عاوز اجنط من 13 ل 14 . عربيتى فيرنا 1600
اولا كنت عاوز اعرف الجنط ال14 هيأثر ع العفشه زى ماسمعت ولا عادى؟ لان الفيرنا الاتوماتيك نازله ب 14 . ولو حبيت اغير ايه افضل نوع جنوط وافضل نوع ومقاس كاوتش والاماكن المضمونه اللى اشترى منها كل الحاجات دى
للعلم انا م الزقازيق وكل يوم ف مدينه نصر وحابب اعرف الاماكن اللى اشترى منها ف الزقازيق واى مكان ف القاهره مش شرط مدينه نصر بس
ايه ياجماعه 24 مشاهده ولا واحد رد؟ ايه سالت عن حاجه مش موجوده ولا لسه جديده (-:
شكرا للمنتدى الجميل
اهم سؤال اسال لو جنطت 14 هتخرج من الضمان ولا لأ .... اسال فى غبور الاول
هو افضل مقاس 14/185/60 دة افضل مقاس وممكن لو غرفت توقع جنط oz او bbs
اهتم ان الoffset فى الجنط الأصلى يعادل الجنط الجديد و ممكن يبقى أقل ب10 مللى بالكتير قوى
الoffset دة رقم محفور على الجنط, مكانه بيختلف , و رمزه ET
كل ما الرقم قل, كل ما الجنط أصبح بارز لبرة العربية
شكرا على الاهتمام ياجماعه.. وحابب اعرف افضل مكان اجيب منه الجنوط فين ؟؟؟
أشرفكو الحى السابع و ليهم فرع فى شبرا, مش فاكر تفاصيل للأسف
هما واخدين توكيل الجنوط التيوانى و التيلاندى و الإندونيسى
و طبعا إبعد عن أى جنط صينى
يعني أشرفكو ده كويس ؟؟؟؟؟؟؟؟
مش عارف ليه حاسس انه أغلى من الناس بتوع شارع احمد سعيد و بيومي اللي في الدقي و لا أنا بيتهيألي بس كده
اشرفكو اغلى من سمير بيومى فى الجنوط و الكاوتش
احمد سعيد مليان صينى
MMamdouh
فعلا أشرفكوا عايز فصال كتيييير جدا
أنا إشتريت منه جنط ب2100 زمان بعد نص ساعة فصال لأن السعر كان 2700
ممكن كل المعلومات عن سمير بيومى ؟
سمير بيومى: المحل اصلا اسمة شركة الايمان و مكانة فى شارع التحرير بالدقى تحديدا اما برج ساريدار الطبى الناحية التانية على نفس صف جاد
هو بيبيع جنوط سبور فى محل و كاوتش و بطاريات فى المحل التانى.. اول ما هتسالة على سعر جنط 15 مثلا هيقولك دة بمليون جنية و 40 قرش و علية خصم 700 الف جنية يبقى ب300 الف و عشانك انت يبقى ب 1800 جنية... اخر رقم هيقولة هيبقى اقل رقم هتسمعة فى السوق فعلا فا متتخضش من كل الارقام اللى قالها فى الاول
MMamdouh
هاهاهاها, حلو قوى الوصف دة, يعنى هو بيفاصل مع نفسه!
انا اشتريت من ارابكوم مدينة نصر جنوط HRS تايواني كان تمنهم 1750 وكاوتش بريدجستون my01 مقاس 185\60 كانت الفردة ب 450 جنيه من بريدجستون عمارات العبور هم كانوا في الاول ناشفين بغباوة بس دلوقتي بعد 12000 كيلو بقوا أطري بشكل ملحوظ جدا والجنوط كويسة مش وحشة الاسعار اللي قلتها لحضرتك دي كانت في شهر 5 اللي فات اكيد كل حاجة زادت دلوقتي
يمكنك الاستفادة من المعلومات الموجودة بالموضوع التالى:
http://www.nilemotors.net/Nile/267915-16.html
حاجة زى كدةاقتباس:
المشاركة الأصلية كتبت بواسطة Moe86
هو زى ما تقول بيصدمك الاول بمبلغ كبير و بعد كدة يفرحك ان فية خصم وواجب... لكن من التجربة الشخصية (كذا مرة) السعر اللى بيقولة فى الاخر بيبقى اقل سعر فى السوق سواء جنوط او كاوتش او بطاريات
MMamdouh