الموضوع: w202 ولا ً124 ؟؟

المشاركة الأصلية كتبت بواسطة silverlite

بص ! هى w202 اشيك و احدث اصغر ! بس اعتقد ان الوالد هيختار ال w124 لانها هتكون لايقه عليه اكتر - الا اذا كان ناوى يروش !!-وطبعا قيمتها فيها - زى ما BMhead قال- لكن لو انت اللى هتركب ! اعتقد هتختار c 180 -العيون يا باشا ليها سحرها ! -موديل 2000 بدايه العيون فى c180و لا هى الشكل القديم ؟؟-تحياتى

شكله كده بيفكر يروش :))

و الله مع الظروف و الاحداث دى الوالد مش عارف ينزل يتفرج على العربيه لان صاحبها فى ميدان لاظوغلى عند وزاره الداخليه ... و ال c180 موديل 2000 الشكل الجديد .. بس مش عيون :)

المشاركة الأصلية كتبت بواسطة walidadel

هو الغريب في الموضوع بعد اذن صاحب الموضوع السعر لان ال w124 سعرها علي النت و كونتاكت كارز ال 94 فيها كل حاجه و حاله زيروا بيطلبوا فيها 130-140 الف ليه ماعرفش لان بدور علي واحده حاله نضيفه اوي مش لاقي و كان اقل سعر شفته كان 115 في واحده 93 و مقعدتش ماشاء الله ربنا يبارك لصاحبها كانت محطوطه في معرض و الاعلان اتحط علي النت الصبح و اتشال بليل
فمش عارف خالي بالك بس ياباشا لحسن تكون متعدله و هو بيقولك كده و خلاص و تلاقيها 89 لان ده سعر ال89 ملحق اللي هيا اول الباكيتات العريضه

عيب يا باشا لا تقلق احنا بنركب مرسيدس من زمان :)

السلام عليكم و رحمة الله و بركاته

أولا, ألف مبروك مقدما على العربية اللى هتجيبها ان شاء الله.

اللى أنا أعرفه, أن فيه من انتاج الزلمكة الw124 لحد 1996 و طبعا أنا من رأيى أنك تجيب الزلمكة أحسن ما الc180 بكتييييييييييييييييييير أوى.

أنا من رأيى أنك تكشف عالعربية دى كويس أوى أوى جدا خااااااااااااااالص لأن العربية دى لو حالتها ممتازة أوى زى ما أنت بتقول, مش هتعمل أقل من 140000 جنيه, فحكاية أن صاحبها يطلب 100000 جنيه بس, دى حاجة تقلق شوية, بس على رأى المثل, حرص و لا تخونش و ربنا ييسرلك الأحوال و زى ما الأخوة قالولك, لو لقيتها نظيفة و ب 100000 جنيه بس, اشتريها و من غير ماتفاصل فى جنيييييييييييييييييه وااااااااااااحد, لأنك لو فاصلت معاه و حد معدى فى الشارع و سمع السعر ده فى العربية دى -اللى أنت بتقول عليها ممتازة- هيدخل و يشتريها ب 110000 جنيه و من غير ما يفاصل, بس اكشف عليها كويس و اطمن على الورق كويس أوى أوى أوى و اتأكد أن البيانات اللى فى الرخصة بتاع العربية فعلا و أن الورق سليم و الكلام اللى أنت عارفه ده.

ملخص م تم النهارده

داخلين انا و الحج بعد م اقنعته بالزلموكه ملقيتش غير ال c هى اللى واقفه .. بس الله ماشاء الله العربيه زيرو ... مفيهاش الهوا غير بعض الحاجات المصريه العاديه .. يعنى الاكصدام اللى ورا مجرح من الركن .. و الكنبه ورا الجلد تحس انه هيبدء ينشف علشان صاحبها دايما كان راكنها فى الشمس ..

و بعد كده الزلموكه جت ..... مش هقول غير انها اوحش عربيه مرسيدس شوفتها فى حياتى لدرجه انها من كتر م هى حالتها وحشه مقومتش اتفرج عليها ,,, و بابا قام بس علشان صاحبها ميتحرجش
اولا البويه رشه و اللى راششها عايز قطع ايديه و رجليه ..
فتحه السقف الازااز مشروخ و الفرش من جوه مفيش ..
التابلوه مرشوش اسود
الفرش دايب .. معرفش كان بيحط فيها ايه دى و هبطان لتحت
عصايه الفتيس مكسوره و ملزوقه بسلوتيب
العربيه ريحتها حتى وحشه
الموتور : مرشح زيت من تحت و الكرونه كذلك و صوت التكاهات مسموع و بوضوح شديد
جسم العربيه من الخارج : مفيش اى علامه تدل انها مرسيدس كله مخلع
الفانوس اللى ورا شمال مكسور
الشبكه راششها اسود
الكاوتش عامل بيه 100 الف كيلو

طبعا اكيد بعد كل الكلام ده .. و الحمد لله رسينا على ال c180

المشاركة الأصلية كتبت بواسطة omar_fekry

ملخص م تم النهارده

داخلين انا و الحج بعد م اقنعته بالزلموكه ملقيتش غير ال c هى اللى واقفه .. بس الله ماشاء الله العربيه زيرو ... مفيهاش الهوا غير بعض الحاجات المصريه العاديه .. يعنى الاكصدام اللى ورا مجرح من الركن .. و الكنبه ورا الجلد تحس انه هيبدء ينشف علشان صاحبها دايما كان راكنها فى الشمس ..

و بعد كده الزلموكه جت ..... مش هقول غير انها اوحش عربيه مرسيدس شوفتها فى حياتى لدرجه انها من كتر م هى حالتها وحشه مقومتش اتفرج عليها ,,, و بابا قام بس علشان صاحبها ميتحرجش
اولا البويه رشه و اللى راششها عايز قطع ايديه و رجليه ..
فتحه السقف الازااز مشروخ و الفرش من جوه مفيش ..
التابلوه مرشوش اسود
الفرش دايب .. معرفش كان بيحط فيها ايه دى و هبطان لتحت
عصايه الفتيس مكسوره و ملزوقه بسلوتيب
العربيه ريحتها حتى وحشه
الموتور : مرشح زيت من تحت و الكرونه كذلك و صوت التكاهات مسموع و بوضوح شديد
جسم العربيه من الخارج : مفيش اى علامه تدل انها مرسيدس كله مخلع
الفانوس اللى ورا شمال مكسور
الشبكه راششها اسود
الكاوتش عامل بيه 100 الف كيلو

طبعا اكيد بعد كل الكلام ده .. و الحمد لله رسينا على ال c180

ههههههههه ..انت كنت مفروض تنادي صاحبها و تقولوه ايه اللي علي الموتور دا اول ما يبص ..تقفل الكبوت علي دماغوا عشان بعاني زي ما الموتور بيعاني بالظبط ..هههه
مبروك عليكم الc ربنا يبارك فيها و يكفيكوا شرها .

مبروك
ربنا يديك خيرها ويكفيك شرها
ال c مش وحشة
انا لي رأي على فكرة
ان ال c عبارة عن s صغيرة مع الفارق الكبير بينهم طبعا
الف مبروك مرة تانية