ايهما افضل فيات بونتو كلاسيك و لا رينو كليو كلاسيك

**ayman_kamal** · 28-05-2008 09:40 AM

ايه ماحدش عنده جديد !!!!؟!!!

**hazem_khidr** · 29-05-2008 03:40 AM

ايه ماحدش عنده جديد !!!!؟!!!

جديد من ناحيه ايه بالضبط؟؟؟؟؟؟؟؟؟؟؟؟

**Chicco** · 29-05-2008 04:08 AM

جديد من ناحية الكليو يعني يا سنيور زيموس :)

أيمن باشا ....بص يا سيدي الفاضل كل عربية ليها مميزات و عيوب و كل مشتري ليه أولوياته ....أنا معايا كليو و مبسوط منها لحد دلوقتي الحمد لله .....كانت من أولوياتي توكيل محترم و مش فارق معايا قطع الغيار الأصلية الغالية شوية و زهقت من التعامل مع مكانيكية مش فاهمين لو إنت مقتنع بكلامي هات كليو ...مش مقتنع يبقى إسمع كلام حازم باشا و هات بونتو :)
ربنا يوفقك

**hazem_khidr** · 29-05-2008 05:08 AM

بونسيرا سينيوري.:)
يعني انت شايف الموضو و بتتقل علينا ;)
ماشي يا شيكو باشا .:)

**MoToRiZeR** · 29-05-2008 05:09 AM

انا برده نفس كلام شيكو .. و الكليو عربية حلوة و سواقتها ممتعة

**ayman_kamal** · 29-05-2008 10:18 AM

اولا شكرا جدا لكل الناس اللي شاركوا في الموضوع
معلهش يا جماعة اصل انا كنت في معرض الطارق يالاسكندرية (وده غير المعرض النصاب اللي في القاهرة)و كان في ناس بتسأل علي العربيتين دول وكانوا راكنين ادام بعض بس لائيت الراجل ال(Sales) هناك الرينو احسن بس معرفتش ليه و ده كان السبب اني حابيت اسال الناس هنا من واقع خبرتهم عن الموضوع وخاصة ان العربيتين سعر واحد تقريبا علشان الناس اللي بتبص علي (Nile Motors) تستفيد

**Nile_Storm** · 29-05-2008 03:24 PM

انا ارشح الرينو بصراحه

**Chicco** · 29-05-2008 06:39 PM

المشاركة الأصلية كتبت بواسطة hazem_khidr

بونسيرا سينيوري.:)
يعني انت شايف الموضو و بتتقل علينا ;)
ماشي يا شيكو باشا .:)

العفو يا سنيور زيموس ...لا تقل و لا حاجة بس يعني الصراحة بعد نصيحتك و أنت قلب هجوم و هداف نايل موتورز ما كنتش ناوي أقول حاجة لكن لقيت الأخ الفاضل مستني يسمع الرأي الأخر فتطوعت و قلته ... تشاو يا باشا :)