انا اكتر حاجة بتضحكني
تيجي البطلة
تزعل
يغمن غليها
تلاقي الدكتور خارج م الاوضة
حاجة م الاتنين
يا اما يقول عندها انهيار عصبي
يا اما يقول مبروك المدام حامل
هههههههه
ما الواحد بيمر بظروف كتير في حياته
مش بيجيله انهيار عصبي ليه؟
عرض للطباعة
انا اكتر حاجة بتضحكني
تيجي البطلة
تزعل
يغمن غليها
تلاقي الدكتور خارج م الاوضة
حاجة م الاتنين
يا اما يقول عندها انهيار عصبي
يا اما يقول مبروك المدام حامل
هههههههه
ما الواحد بيمر بظروف كتير في حياته
مش بيجيله انهيار عصبي ليه؟
لما بشوف الافلام القديمة بستغرب كانو بيلاقو بعض ازاي من غير موبيل و تلاقيهم بيتصل في النادي او المطعم الي البطل فيه و يندهو عليه يقوم يرد عادي و الحياة فاضيه
[youtube]http://www.youtube.com/watch?v=5mfydXwInFU&feature=results_video&playnext =1&list=PL674884FC1772E19D[/youtube]
:O_stupid[1]:
واكتر حاجة بتغيظنى فى الأفلام لما يكون واحد وواحد ة بيحبوا بعض وبعدين البطل يكتشف ان صاحبه بيحبها قال ايه يضحى عشان سعادة صاحبه طب ما انت يا ابنى بتتعس نفسك وبتتعسه وبتتعسها هى بتحبك انت وهو حب من طرف واحد ايه الغباء ده
ومع ان مش مفروض الناس تاخد معلومات دينية من الأفلام بس مفروض تتراجع يعنى فى ناس مصدقة ان معنى ان العصمة فى ايد البطلة ان البطل ميقدرش يطلقها عشان طول الفيلم بيتحايل عليها طلقينى وهى مش راضية!!!
بمناسبة العام الهجرى الجديد كل سنة وانتم طيبين
فاكرين افلام ظهور الاسلام و الهجرة .. الممثلين كانت لغتهم العربية قوية و مميزة
بس الكفار كانت طريقة كلامهم فظة جدا و الميك اب بتاعهم مبالغ فيه ومثير للسخرية
فاكرين كمان أغنية "نحن غرابة عنه " ههههههههههههه ماكنتش بفهم هما بيقولوا ايه
أبوإياد من أيام الأفلام الأبيض وإسود؟؟
هههههههههههههههههه
طيب فاكرين حاجة مهمة
لما مثلا واحد ييجي يكدب ع البطل .. وتلاقي طريقة الشخص الكداب دي بتقول(انا كدااااااااااب)
وتلاقي كل المشاهدين للفيلم عارفين أنه بيكدب ... بس البطل زي الحمار مابيعرفش
دي حاجة
كل أوكار العصابات .. تلاقي فيها جنازير ع الحيطة
وتلاقي فيها عجلة عربية كارو قديمة أوي (إلي شبه عجلة التحكم بتاعت السفن )
وتلاقي فيها أشولة مرمية في كل حتة
كل أوكار العصابات كده بدون إستثناء
================
وأي بلطجي في الفيلم
لازم يكون لابس أساور عريضة على إيده ..ع الرسغ تحديدا مش عارف ليه.؟؟؟
================
مشاهد الحب المتكررة في الأفلام
لما البطل ييجي يبوس البطلة في أخر الفيلم(قبل إختراع البوس كنهاية سعيدة)..تلاقي البطل يلزق خده في خد البطلة والاتنين يبصوا للكاميرا
ليه مش فاهم
حب بقا نقول إيه؟؟؟
أقول كمان
ظابط الشرطة .. في الستينات
تلاقي الشنب الرفيع المتحدد .. والطاقية مايلة على جنب
وأول مايدخل يقول " إقبضوا عليهم "
بدون إختلاف.. كل المشاهد بتاعت ظباط البوليس كانت كده
=====
الأب لما يعرف إن بنته بتحب واحد
لو كان الأب حسين رياض .. يبقا يشجعها ويقولها فيما معناه (إنزلي فكي عن نفسك مع البوي فريند بتاعك)
لو كان الأب مش حسين رياض .. يبقا يحبسها ويضربها ويقعدها من المدرسة
وإلي كان بيضايق
إنك كنت تلاقي قصص حب بين بنت في مدرسة (يعني في حدود 16-17) سنة .. وبين البطل المهندس أو خلافه وسنه فوق الــ 30-35 سنة
فيه فيلم اسمه انذار بالطاعه
محمود حميده محامى بيحب طالبه فى الدبلوم
الطالبه ديه مين بقى؟؟؟ ليلى علوى فى عز مجدها و حجمها
تخيلوا ليلى علوى من 10 سنين فى الدبلوم!!!!!
حسن يوسف دايما ظريف و دمه خفيف و دايما حبيب
ظابط الشرطه دايما معلق وراه كلابشات
اكتر حاجه ممله و مكرره هى الاطفال و افيهاتهم
المكان الممل اللى على النيل اللى كل الناس فى الافلام بيقابلوا بعض فيه
الفيلا الممله اللى افلام المقاولات و افلام كتير جدا اتصورت فيها اللى فيها النافوه و الطريق اللى فيه التكعيبه
لما افضى هكتب اكتر عشان انا من محبى السينما و العياذ بالله