افيدونى...الجنط الاستبن عايم فى بركة مياااااة

يا جماعة من كام يوم الكاوتش نام منى عالطريق وجيت انزل الاستنين عشان اركبة لقيتة غرقان فى مية لغاية نصة كدة بمعنى ان فى مية دخلت منين مش عارف اتجمعت فى المكان بتاع الاستبن ومية نضيفة يعنى يا مية شتا يا اما من الغسيل .المهم فضيتها ونشفت المكان وقفلت حاجتى طبعا الدنيا فضلت تشتى طول الليل والنهار وتانى يوم بفتح اطمن لقيت المكان فية مية كتيرة اوى ....المشكلة ان الارضية لما نضفتها لقيتها مصدية شوية يعنى المية دى قديمة وانا مكنتش واخد بالى ...روحت لاتنين سمكرية معرفوش وواحد قاللى نغير جلدة الشطة ونجرب والتانى قاللى طب نفك الفوانيس ونقفلهم كويس ونجرب المهم انا مش عارف اعمل اية ..لو روحت التوكيل هايحلوها ولا هايشتغلونى؟

أخى الكريم لازم تتأكد من الطبب بتاعة الشنطه انها مغلقه تمام لانها لو مفتوحه وحضرتك مشيت فى بركة مياه اكيد هتطرتش ولو عميقة شويه يبقى اكيد هتدخل بكثافة ولو الطبب مغلقة وكاوتش الشنطه مقطوع وحضرتك غسلت العربيه او الدنيا مطرت يبقى برده الشنطه هتتحول لبركه وفى حاجه كمان دايما بتحصل ومحدش بياخد باله منها وهى جركن المياه الاحتياطى ساعات بيكون الغطاء مش محكم وينزل مياه فى الشنطه وحضرتك لما تيجى تزود مايه للمساحات مثلا تلاقيه ناقص فتملا ه وتزود وبعدين تملاه وتشيله يقوم منزل حبه تانيين وهكذا وخاصه ان حضرتك بتقول ان الارضيه فيها صدأ يعنى المايه قديمه
فنصيحتى تتأكد من طبب الشنطه ومن كاوتش الشنطه ومن جوانات الكشافات وده احتمال ضعيف شويه لانها عاليه ومش هتملى الشنطه كده وتتاكد من جركن المايه الاحتياطى ولازم تعالج الصدأ بدرى بدرى قبل ما ينتشر زى السرطان ويوصل للعضم وربنا يوصلك للسبب وتعالجه بإذن الله
ولو موضوع الوكيل انا بفضل فى الحاجات دى انى اكتشفها بنفسى عن طريق التجربه والخطأ لان معندهمش وقت يعملوا تجارب اعتقد كل اللى هيعملوه الفحص بالعين وحضرتك تقدر تعمل كده
وتقبل تحياتى

أختبرها بنفسك
أفرد الكنبه الخلفيه وخليك فى العربيه وخلى حد من بره يرش ميه عالعربيه بخرطوم وأعرف الميه بتدخل منين

سؤال معلش خارج الموضوع ... ياترى الاستبن عندك شكله ازاي ... يعني نفس الجنط العادي ولا شكله غير ... لاني من كم يوم الكاوتش نام الظاهر دست على مسمار ومشيت بيه وهوة نايم ... فالظاهر انه عمل بلالين وهيترمى ... المهم لما نزلت الاستبن لقيته عامل زي بتاع الموتسيكلات ولونه اصفر عقيم ... ياترى ده بتاعه ولا ايه ؟؟؟ حاجة تانية الراجل بتاع الكوتش قاللي هعملك شمبر لغاية ما تغير الفرد ... فانا وافقته وقاللي ممكن تمشي عليها كدة 20 يوم ولا حاجة .. ياترى كدة صح ولا غلط .. وربنا يهدينا ويهديك للصواب ...

اقتباس:

---

المشاركة الأصلية كتبت بواسطة ahmed_h_g

أختبرها بنفسك
أفرد الكنبه الخلفيه وخليك فى العربيه وخلى حد من بره يرش ميه عالعربيه بخرطوم وأعرف الميه بتدخل منين

---

امبارح نزلت وعملت كدة و فردت الشنطة وخليت واحد يغرق العربية بالخرطوم بس مشوفتش اى مية داخلة خالص بس لما فتحت الشنطة لاحظت انها بتدخل من جبي الفوانيس ومش بتطلع تانى ولا بتنزل من تحت العربية عالارض فكدة اعتقد ان جلد الفوانيس مثلا فية حاجة

اقتباس:

---

المشاركة الأصلية كتبت بواسطة eng_hatemfathy

أخى الكريم لازم تتأكد من الطبب بتاعة الشنطه انها مغلقه تمام لانها لو مفتوحه وحضرتك مشيت فى بركة مياه اكيد هتطرتش ولو عميقة شويه يبقى اكيد هتدخل بكثافة ولو الطبب مغلقة وكاوتش الشنطه مقطوع وحضرتك غسلت العربيه او الدنيا مطرت يبقى برده الشنطه هتتحول لبركه وفى حاجه كمان دايما بتحصل ومحدش بياخد باله منها وهى جركن المياه الاحتياطى ساعات بيكون الغطاء مش محكم وينزل مياه فى الشنطه وحضرتك لما تيجى تزود مايه للمساحات مثلا تلاقيه ناقص فتملا ه وتزود وبعدين تملاه وتشيله يقوم منزل حبه تانيين وهكذا وخاصه ان حضرتك بتقول ان الارضيه فيها صدأ يعنى المايه قديمه
فنصيحتى تتأكد من طبب الشنطه ومن كاوتش الشنطه ومن جوانات الكشافات وده احتمال ضعيف شويه لانها عاليه ومش هتملى الشنطه كده وتتاكد من جركن المايه الاحتياطى ولازم تعالج الصدأ بدرى بدرى قبل ما ينتشر زى السرطان ويوصل للعضم وربنا يوصلك للسبب وتعالجه بإذن الله
ولو موضوع الوكيل انا بفضل فى الحاجات دى انى اكتشفها بنفسى عن طريق التجربه والخطأ لان معندهمش وقت يعملوا تجارب اعتقد كل اللى هيعملوه الفحص بالعين وحضرتك تقدر تعمل كده
وتقبل تحياتى

---

واللة يا باشا انت معاك حق طبعا انى لو جربت بنفسى احسن بس المشكلة انى مش عارف فعلا اكتشفة بنفسى فاعتقد اروح التركيل اشوف كلامة بس

اقتباس:

---

المشاركة الأصلية كتبت بواسطة a7mednour

سؤال معلش خارج الموضوع ... ياترى الاستبن عندك شكله ازاي ... يعني نفس الجنط العادي ولا شكله غير ... لاني من كم يوم الكاوتش نام الظاهر دست على مسمار ومشيت بيه وهوة نايم ... فالظاهر انه عمل بلالين وهيترمى ... المهم لما نزلت الاستبن لقيته عامل زي بتاع الموتسيكلات ولونه اصفر عقيم ... ياترى ده بتاعه ولا ايه ؟؟؟ حاجة تانية الراجل بتاع الكوتش قاللي هعملك شمبر لغاية ما تغير الفرد ... فانا وافقته وقاللي ممكن تمشي عليها كدة 20 يوم ولا حاجة .. ياترى كدة صح ولا غلط .. وربنا يهدينا ويهديك للصواب ...

---

اة هو دة الاستبن بتاعها الاصفر اللذيذ دة.....هو مسخرة فعلا بس شغال انا قبل كدة مشيت بية شهر كامل وكنت بسافر بية كمان بس هو مكتوب علية ان ماكس 80 كم فمتزودش سرعة علية