السلام عليكم,
عاوز افيم زجاج العربية بس ما اعرفش انواع او اسعار. شكرا لكم
عرض للطباعة
السلام عليكم,
عاوز افيم زجاج العربية بس ما اعرفش انواع او اسعار. شكرا لكم
الرول بيتباع ب 12 جنيه وتقريبا العربيه بتاخد 2 رول بس اللى بيفيم بياخد حوالى 80 جنيه بالفاميه طبعا وحسب المكان هو بيبدأ من 70 جنيه وانت طالع
طيب ممكن ترشيح اماكن كويسة لان فى مصر الجديدة ب 120 وفيه ضد الخدش ب 240.
متابع بأهتمااااااااااام شدييييييييييد
اية يا جدعان الاسعار دي دا الواحد ممكن يركبة بنفسة اية يعني لو ضيعت نص متر حتت متهدرة عشان مش خبير بس هتكون انت لي عاملة بنفسك
شكرا للردود
بس انا بابقى شايف كويس من جوة العربية ولا بيبقى فيه مشاكل في القيادة؟
و فيه فاميه بيبقى عامل زي المراية من برة ده نظامه ايه؟ و هل في انواع كويسة وانواع ردئية و لا كله واحد؟
الفاميه الرول بــ12-15 جنيه و العربية بتاخد 2 رول تقريبا ع حسب طبعا ممكن 3 لو عربية كبييرة
و بتتعمل في اي مكان من اول 40-50 جنيه و انت طالع ع حسب المكان و الصنايعي و الزبون و عربيته
بالنسبة الفاميه اللي عامل زي المرايا ده اسمه ع ما اتذكر سراب
و خلي بالك بالنسبة الرؤية لأن فيه درجات في الفيميه من الزيرو او اللي هي لايت لايت بلاك لغاية دارك بلاك
بتختار الدرجة اللي تريحك و تشوف بيها
بس بليل هتتأثر الرؤية حتي لو اخف درجة و خاصة لو بتلبس نضارة
و فيه حل تاني زي الفيميه و مكن تشيله في اي لحظة و هي الستاير الكبس و ديه بتعملها طبقة او طبقتين زي ما انت عايز ع مقاس الازاز و ممكن في اي وقت تشيلها :)
و ده موضوع تفاريح كده بمناسبة الفيميه هتلاقي جوة ازاي تعمله بنفسك
http://www.nilemotors.net/Nile/222768-a.html
و باقي السلسلة هتلاقيها في التوقيع ان شاء الله :)
طب ده تمنه كام بالظبط؟اقتباس:
المرايا دا حكااااااااااايه واحد صاحبي مركبه وهوا عربيته فراني اصلا لايق عليها اوي تحسها نازله بيه كدا ومن جوا الرؤيه حلوه اوي علي عكس الدارك ومن برا متشوفش حاجه طبعا الا لو منور نور جوا او كدا
ايه نظام الستاير دي اسمها ايه وبكام؟ وهل فيه انواع منها؟اقتباس:
و فيه حل تاني زي الفيميه و مكن تشيله في اي لحظة و هي الستاير الكبس و ديه بتعملها طبقة او طبقتين زي ما انت عايز ع مقاس الازاز و ممكن في اي وقت تشيلها :)
شكرا لمساعدتكم يا جماعة والله