متابع عشان عايز اجيب حاجات من AMAZON.com و مش عارف ازاي.
في ناس بتشكر في خدمه ادفعلي بس نفسي اعرف بياخدوا عموله قد ايه؟؟
Edfa3ly.com - The ultimate Internet Shopping Solution
عرض للطباعة
متابع عشان عايز اجيب حاجات من AMAZON.com و مش عارف ازاي.
في ناس بتشكر في خدمه ادفعلي بس نفسي اعرف بياخدوا عموله قد ايه؟؟
Edfa3ly.com - The ultimate Internet Shopping Solution
انا دلوقتى فية كاسيت جايلى من امريكا عن طريق USPS و دة البريد الأمريكى
انا مش عارف حيوصلنى ازاى :( !!!!
لو حد عندة فكرة ياريت يفيدنى
و بالنسبة لأدفعلى انا عامل اوردر لحوالى 7 حاجات من ebay و فية حاجات منهم وصلت و حاجات لأ
الى وصل الى كان الشحن فية لأمريكا سريع يعنى الحاجة توصل لأمريكا فى خلال 4-5 ايام ( الحاجات دية وصلتلى مصر بعد اسبوعين ) و الحاجات الى بتتأخر فى الشحن داخل امريكا ( اسبوعين او 10 ايام ) لسة موصلتش بس تقريبا هية فى طريقها للوصول يعنى ان شاء الله اسبوع 10 ايام بعدها الحاجة التانية توصل
يعنى من الأخر حط فترة من اسبوعين ل شهر بالكتيير اوى علشان الحاجة توصلك مصر
و بالنسبة لتجربتى حاول تخلى الحاجات الى حتجيلك من ادفعلى وزنها خفيف و سعرها مش غالى اوى
يعنى تجيب اكسسوارات رفايع علشان هما بيحسبو الكيلو ب 10 دولار و حوالى 10% او اكثر جمارك على سعر الحاجة ( حسب انت بتشترى اية )
و لو دخلت على موقعهم حتقدر تحسب السعر التقريبى الى حتوصلك بية الحاجة ( الى غالبا بيبقى صحيح )
و حاول تعمل الطلبية كلها فى Order واحد علشان مش كل Order يبقى علية fees 5 دولار
يعنى لو طلبت 5 حاجات فى اوردر واحد بتبقى ال fee 5 او 6 دولار لكن لو طلبت كا حاجة فى اوردر لوحدها حيبقى ال Fee 5 دولار X عدد الحاجات الى انت طالبها
ياريت تكون فهمت قصدى
و ياريت لو حد يعرف موضوع الكاسيت الى جايلى من USPS دة حستلمة ازاى او حيوصلنى ازاى و الجمارك حتبقى قد اية تقريبا
مع العلم ان الكاسيت مستعمل و معوش علبتة
و الله عيب اوووى لحد دلوقتى مفيش pay-pal لمصر
طيب محدش رد عليا !!!
اية الـ standard hk delivery
انا عايز اشتري دي
AU-MY Basket & Checkout
وارخص من الـ DHL بكتير ..
خلييك مع اراميكس لو هتشترى من امريكا او بيرطانيا او الصين
احنا عايزين حد مجرب يكتب موضوع بخطوات منظمه علشان الكل يجرب...
لو هتشتري من امريكا و عندك امكانية اختيار شركة الشحن> اختار USPS Unites States Postal Service
ودة عشان لما تيجي مصر هتتعامل مع البريد المصري-- الفرق بيكون في مصاريف التخليص الجمركي و دي حاجة غير الجمرك نفسه
يعني في البريد بتكون ٥ جنيه و كلام فاضي
لكن DHL , FEDEX و الشركات الخاصة مصاريف التخليص بتبدآ من ١٥٠ جنيه
لو شاكك اتصل بفرع الشركة في مصر قبل ما تشتري و تشحن
الرسوم في مصر عبارة عن جمرك + ضريبة مبيعات
الجمرك من ١٠ لغايت ٣٠ في المية من السعر الاصلي عالفاتورة و ضريبة المبيعات من ١٠ ل ٢٥ في المية
السادة الافاضل بتوع الجمارك في مطار القاهرة بيطخوا اي كلام
ساعات الطخة تيجي في العالي و ساعات في الواطي
و على مسؤوليتي،، بتوع الجمرك يعرفوش ايه اللي في البوكس في اوقات كتير و بيرزع اي جمرك و السلام
يعني مرة جبت بيرفيوم ٥ قزايز دفعت ٨٠ جنيه جمرك، مرة ٣ قزايز دفعت ٦٠٠ جنيه
الحل الاحسن انك لو تقدر تخلي الل بايعلك او باعتلك يقلل السعر في الفاتورة المرفقة في الطرد
عشان الجمارك الاغبياء مرة اشتريت حاجات عليها خصم و مكتوب في الفاتورة السعر الاصلي و الخصم .. دفعوني الجمرك على السعر قبل الخصم..
و عموما متشتريش من EBAY لو انت مش فاهم بتعمل ايه بالضبط.. عشان هيتنصب عليك و انت مش واخد بالك
لو عرفت تحل موضوع paypal خلي بالك من وصف المنتج كويس جدا اقرا مرة و اتنين
اي استفسار انا تحت امركم ebay, amazon او اي موقع تاني
و لو حد لسة قلقان و محتاج يشتري اونلاين اول مرة انا ممكن اقابله في الاسكندرية و نقعد سوا و نعمل الاوردر
و شكرا للجميع