الدبرياج والفرامل نزلو فى الأرض ، لانوس 1

**pro_samir** · 21-05-2008 04:48 PM

السلام عليكم

بصراحة أول مرة اشوف موقع فية كمية معلومات عن العربيات بالجمال دة

وكويس ان العربية خربت علشان اعمل سيرش علشان الاقيكم هههه

المشكلة باختصار
اخويا الصغير كان راجع من السفر بالعربية لانوس 1
بعد ما وصل عند البيت و وقف الدواسات الدبرياج والفرامل هبطو خالص فى الأرض والعربية دايرة عادى خالص

المهم اتصل بيا ، قلتلة بطلها شوية بطل ودور الأكسراتير كمان ابتدى يهيس

بطل وسابها شوية و دور اتظبطت الحمد لله

يا ترى حد عندة فكرة المشكلة من اية ؟

انا كنت سمعت عن الموضوع دة مرة واحدة بس من ميكانيكى اوبل كنا بنعمل شغل فى فيكتر وكان بيتكلم عن بوردة الكمبيوتر لما بتتحرق العربية بتعمل كدة ، كل حاجة بتفصل والدواسات بتهبط فى الأرض

يا ترى البوردة كان فيها حاجة علقت برضو ولا اية اللى حصل ، صعب شوية بتهيألى

واللى قالقنى احسن تحصل و الواحد على الطريق تبقى مشكلة

يا ريت لو فى اى حد عندة معلومات

وشكرا

**pro_samir** · 21-05-2008 04:49 PM

ملحوظة: مش عارف العربية كانت سخنة ولا لأ ... لأنة مبصش على الأمبير

**pro_samir** · 21-05-2008 05:35 PM

عمال ادور على ايكونتعديل المشاركة مش لاقيها

المهم

توضيح بسيط ، لما جة فهمت منة ان الدواسات مهبطتش فى الأرض خالص

هيا كانت عادية فى المستوى بتاعها بس خفيفة جدااااا بيدوس عليها كأنها سايبة

وحتى بعد ما اتعدلت الفرامل برضو فضلت واطية زى ما تكون واخدة هوا

مع انة لسة ساحب منها الهوا من يومين