مطلوب مساعدة ضروري بخصوص كيا شوما
[motfrk]الى أعضاء المنتدى الافاضل[/motfrk]
عاوز اشتري عربية اتوماتيك لظروف اصابة بالرجل اليسرى في حدود 40000 الى 45000 وفي هذه الحدود وجدت عدة سيارات هي كاتالي
- كيا شوما
- كيا سيفيا
- رينو ميجان 1
- نوبيرا 1 و2
انا بالعقل ميال للنوبيرا فقط لتوفر قطع الغيار مع اني مش واثق فيها كقوة وامان وسمعت عن مشاكل الاتوماتيك فيها
وبالعاطفة ميال للشوما والميجان خاصة اني راكب رينو ريمبو وعارف يعني ايه متانة وثبات بس برده خايف من الرينو تغلبني (خاصة اني مع الريمبو مرتبط بصنايعية معينين وأماكن قطع غيار معينة وانا ساكن في الهرم وطبيب ووقتي مزنوق جداً وده يوضع في الاعتبار)
وبعدين سمعت من ناس كتير عن الشوما وشكرهم فيها بس برده سمعت ان فيها نفس مشاكل الرينو من غلو قطع الغيار وعدم توافرها في كل مكان لذلك ارجو من مالكي الشوما انهم يساعدوني في هذا الاختيار لأنها بجد عجباني