-
استفسار عن عفشه النوبيرا
السلام عليكم
انا ببساطه لسه مركب تيل امامى اصلى وخلفى مش اصلى (بس نضيف) وبلى خلفى لعربيتى النوبيرا 2008 ومن ساعتها وانا حاسس ان فى حاجه غلط بحس بدردره جامده وكل يوم بحس انها بتختلف عن اللى قبله يعنى احيانا تزيد واحيانا تقل لكن اللى لاحظته على الطرق اللى فيها نقر بسيطه انها بتدبدب جامد من كام يوم ودى ظاهره جديده مع انى حريص فى سواقتى على الطرق الغير ممهده.
تانى حاجه فى ونه من ادام واضح انها من البلى لان انا غيرت اللى ورا بالغلط وطلع الصوت من ادام السؤال بقى ايه مخاطر خشانه البلى اللى ادام واسكت عليه لحد امتى؟ والدبدبه اللى فى العربيه ممكن تكون من ايه؟
وجزاكم الله خير
-
راجع على البلى الخلفى و شوف اذا كان فية بوش فى العجل ولا لا
MMamdouh
-
معلش يا باشمهندس محمد لان اخوك ضعيف فى المصطلحات يعنى ايه بوش فى العجل وهل ممكن البلى يكون راكب غلط؟
-
البوش كمصطلح بيعنى وجود حركة زائدة عن اللازم فى اى جسم
و المقصود بيها هنا هو وجود بوش بين الاكس و البلى و دة بيحصل نتيجة عدم ربط صامولة الصرة بشكل صح و ممكن اكشاف دة بانك ترفع العجلة الخلفية عن الارض و فرامل اليد نازلة و تمسك العجلة من اى جنبين و تحاول تلخلخها من مكانها... لو حسيت انها بتتحرك سنة كدة و بتلق فى مكانها يبقى فيه بوش و لازم تترجلش
الرجلشة هى عملية التخلص من البوش
MMamdouh
-
جزاك الله كل خير يا هندسه وربنا ما يحرمنا منك ومن زوقك
-
طب معلش يا باشمهندس ممدوح لو انا سيبت البلى الامامى شويه من غير ما غيره مع ان فى خشانه هل ده ياثر عليا فى حاجه؟
وكمان انا رفعت العربيه من ورا ولخلخت الفرد لقيتها تمام يبقى مفيش بوش تفتكر حضرتك البلى الجديد اللى ورا يكون راكب غلط؟ معالعلم ان العفشجى كبس البلى الجديد فى الظرف عند المخرطه
-
لف العجلة بايدك و العربية مرفوعة و حط ودنك على الرفرف... لو سمعت صوت نحر يبقى البلى فيه حاجة غلط... غير كدة يبقى البلى تمام
البلى الامامى لو صبرت علية كتير ممكن يفرط منك او يتلف الصرة
MMamdouh
-
تمام يا باشا فى صوت نحر خفيف فى البلى الامامى وبالنسبه للدردره العفشجى قالى سببها ان المساعدين خفاف ومحتاجين صدادات
-
تمام يا باشا فى صوت نحر خفيف فى البلى الامامى وبالنسبه للدردره العفشجى قالى سببها ان المساعدين خفاف ومحتاجين صدادات هل ده سبب ممكن؟
وبكام البلى اللى ادام وايه احسن نوع؟
معلش استحملنى دى اخر حاجه هسألها وجزاك الله خير
-
Content Relevant URLs by
vBSEO 3.6.0 PL2