السلام عليكم ..............عندى استفسار عن الهوندا افرقا توين (afric twin) 750 مش لاقيه فى مصر خالص ولو موجود بيتباع فين وايه هيه مشكلته واسعاره ايه . ولكم جزيل الشكر .
عرض للطباعة
السلام عليكم ..............عندى استفسار عن الهوندا افرقا توين (afric twin) 750 مش لاقيه فى مصر خالص ولو موجود بيتباع فين وايه هيه مشكلته واسعاره ايه . ولكم جزيل الشكر .
حط صورة لية كدة
السلام عليكم
africatwin موتسيكل جميل جدا موجود فى القاهرة بس محدش بيشتريه عشان
مبيتبعش وسعره بيبدا من 20 الى 25 بيكون افراج و فبريكة
الموتوسيكل ده من نوعية الدويل سبورت Dual Sport معظم موديلاته في التسعينات
الموتور 2 سلندر علي شكل v و بزاوية 90 درجة زي مواتير الديوكاتي
طرازه XRV750 و هو ملائم للراليات و الطرق الغير ممهدة و كان منافسا في رالي باريس داكار بالرغم من تفوق الياماها السوبر تينيريه Yamaha Super Tenere الدائم عليه بسبب الوزن
وقف أنتاجه علي ما أعتقد في 1999 و تم أستبداله بالهوندا الفاراديرو Varadero وتم تزويده بموتور أكبر 1000 سي سي و أصبح طرازه XLV1000 و أصبح أكثر ملائمة للطرق العادية
الموتوسيكلات دي من النوع أللي بيحب السفر و المسافات الطويلة و مريح و ثباته ممتاز
عموما النوعية دي من مواتير هوندا من أفضل المواتير حيث أنها قوية جدا و عمرها طويل و قليلة الأحتياج لصيانات و نادرة جدا في الأعطال
أسعار الأفريقيا توين أعتقد من أول 30 ألف و قد تصل لأكتر من 35 ألف في الحالات الممتازة
الفاراديرو الجيل الأول (من موديل 98 حتي 2002 ) يبدأ من 32 ألف و يصل حتي 45 ألف علي حسب الحالة و الكماليات
الفاراديرو الجيل الثاني ( من موديل 2003 و حتي يومنا هذا ) يبدأ من 55 ألف و أنت طالع
خد بالك جدا من هذه الموتوسيكلات علشان عايزة أرجل طويلة و قوية علشان وزنها تقيل موت
بس علي الطريق ممتعة للغاية و بالذات في الطرق الوعرة
الله ينولر يا تيتو
وعايز اضيف ان الافريقا توين اعتماديته اكتر من الفراديرو
مساء الخير يا عمدتنا
طبعا الأفريقيا توين أعلي حاجة بسيطة في الأعتمادية علشان هو مقصود أنه يبقي أوف رود أكثر من الفراديرو
أنا بأعتبر الفراديرو موتوسيكل تورينج بس عالي شوية زي العربيات ال 4x4 كده أللي عمرها ما نزلت الصحراء و بتمشي علي طول أسفلت
تعرف أني معايا فراديرو دلوقتي ؟ موديل 2001 و الحمد لله حالة تحفة عاملة فقط 14 ألف كيلو و الحالة العامة فائقة الجودة المشكلة كانت أني مش طويل و أخدت وقت كبير علشان أقدر أتأقلم عليها و أقدر أتعامل معاها
بس بعد كده زي الفل و أداء منقطع النظير دي مهما كانت 1000 سي سي و موتور v2 زاوية 90 درجة يعني Torque بلا حدود و أحساس بالقوة غبواة
عارفه ومجربه بيرفع من كبسه بنزين عيبه الوحيد انه عالى
الافريقا توين عمر منصور بيقول فيه اشعار
هي فعلا رهيبة علي الطريق
و مشكلة العلو عن الأرض بالتعود بتبقي أفضل بس المشكلة الحقيقية في الزحمة علشان بأضطر كل شوية أنزل رجلي و أسند 279 كيلو عليها
أنما من ضمن المميزات أنها 2 رادياتير يعني التبريد رائع و مافيش مشكلة سخونة نهائي حتي في عز الزحمة تلاقي مؤشر الحرارة علي النصف و ثابت تماما
و حكاية تنك البنزين أنه 25ليتر يعني كل فين و فين علي ما تحتاج تمون
بصراحة موتوسيكلات جميلة و ممتعة (طبعا أجمل لطوال القامة أللي فوق 180 سم)