الموضوع: استفسار صغير يا عصابه

الوصلة موجوده جاهزة فى التوكيل بس مش عارف سعرها كام ، وممكن تجيبها استيراد من الحرفيين من عند فيصل

المشاركة الأصلية كتبت بواسطة szaalouk

دلوقتي الهوندا lxi الجيل الثامن بينزل النظام الصوتي بتاعها بدون aux in
فهل يا تري بيتباع حاجه جاهزه في السوق تركب عليه علشان تديني مدخل ليه ولا لأ
و هل فيه ادابتور مثلا يخللي نظام الصوت يتحكم في الآي بود ولا لأ .
ارجو الرد لأنني بصراحه لو موصلتش لحاجه حاضطر استعين بوحده الأف ام ترانسميتر و دي لا افضلها لعدم جوده الصوت مقارنه بالتوصيل المباشر .
كنت قريت موضوع في المنتدي عن تفصيل وصله بس انا لا افضل الحل ده و بافضل لو فيه وحده جاهزه يعني يادوب تشيل فيشه و تركب واحده جديده .
ارجو من اخواتي هنا يفيدوني و تقبلوا مروري .

شريف باشا اولا انا اسف انى مش باركتلك علاى العربيه قبل كده و ده لقله دخولى لكن مبروك ياباشا

اولا الوصبه بتاعت الاي بود كانت بتتباع فى التوكيل فعلا بس ده قبل ما ينزلوا الكاسيت الجديد اللى هو بشاشه و دى فى دى لان الكاسيت ده بقى فيه فلاش ميموري و يو اس بي و خلافه و ده هيغنيك عن الاي بود

قدامك ياباشا حل من اتنين يا اما تستسلم للامر الواقع
يا اما حضرتك تدور على الكاسيت زي اللى بيركب فى التوكيل بره و هيكون سعره ارخص ان شاء الله
انا كنت شايفه عن حماده غزي فى الويب بتاعه على الفيس بوك فى حدود ال 4000 جنيه زي اللى فى التوكيل ابو 6600 فممكن تجرب الحل ده

و لو الكاسي عندك سي دي يبقى افضل ان شاء الله لان نقاء الاوديو ممتاز جدا بالنسبه لباقى الصوتيات اما لو شرايط فحضرتك ممكن تنزل عند بتوع الكماليات هتلاقى الشريط الى بيركب ده و بيبقى فيه سلك و بيتوصل على ام بي ثري او ايبود و حل ظريف مش وحش

المشاركة الأصلية كتبت بواسطة szaalouk

يا باشا الله يبارك في حضرتك و شاكر ليك مقترحاتك.
انا الجهاز عندي mp3 cd و ده طبعا احسن بكتير من الشرايط .
و شكلي كده حاضطر اجيب الموديوليتور بتاع الأف أم طالما ان البديل مش متاح .
انا سألت واحد مركب الجهاز الموتيفو اللي في التوكيل و عيبه الرئيسي ان الشاشه وحشه جدا بالنهار و ده طبعا غير مقبول و انا متأكد ان احنا لو في بلد عدله كان التوكيل جاب الأصلي من اليابان و اكيد الشاشه كانت تبقي حلوه و تلاقي فيها مثلا تعديل لزاويه الميل علشان تبان في الشمس لكن بيتهيألي حرام ادفعلي حسبه 4000 جم في جهاز اساسا يعتمد علي الشاشه و بعدين تبقي ضعيفه بالنهار ولا ايه؟! .
مره ثانيه شكرا علي اجابتك يا باشا .

كلامك منطقى جدا يا باشا و حرام طبعا الفلوس على الفاضي او فىلا حاجه مش مقتنع بيها 100/100

عموما نصيحه منى ليك اعمل اسطواناتك ام بي ثري عاديه جدا و خلى بس الاغانى اللى عليها كواليتى عالى و اشتغل بيها صدقنى ده هيكون من ارقى الاصوات اللى ممكن تسمعها حتى لو العده مش اد كده

جرب و قولى و السي دي بياخد اغانى كتير يعني 700 ميجا مش شويه برده
يعني 3 او 4 سيديهات هيظبطوا معاك الاداء