استشارة عاجلة قبل ما ادبس ( جوان وش سلندر)
السلام عليكم ورحمة الله وبركاته
انا من وقت ما اشتريت العربية وانا كل الناس بتشتغلنى :angel10::angel10: واغلب المشاكل اللى بتظهر عندى بعد كل مرة ادبس الاقيها كانت حاجه تافه بس عشان ماكنتش بعرف الميكانيكية كانت بتخيطنى
المهم دلوقتى ظهرت عندى مشكلة جديده وخايف الميكانيكى يشتغلنى تانى قولت اعرض عليكم المشكلة يمكن يكون فى حل تانى والمشكلة هى
كان عندى مشكلة من فترة وهى نقصان المياة فى القربة بشكل يومى عملت كل شى فى دورة المياة وبردك المشكلة زى ماهى المياة بتنقص
رحت لواحد ميكانيكى تانى قالى ده جوان وش سلندر
الاعراض اللى ظهره عندى فى العربية دلوقتى
1- نقصان مياة القربة
2- دخنة فى اول الدوران للعربية
3- كبس هواء فى القربة عند تزويد المياة
4- العربية بتغيب جامد عند الدوران ( لسه مغير طقم بيجوهات ولسه المشكلة )
5- رجه جامده فى العربية عند الدوران
هل ده فعلا جوان وش سلندر ؟
