عاوز رأيكم وبصراحة أنا هاشترى عربية زيرو اليومين دول وبفاضل بين لانوس ولوجان وفيرنا حد يدلنى على الأحسن لو سمحتم
عرض للطباعة
عاوز رأيكم وبصراحة أنا هاشترى عربية زيرو اليومين دول وبفاضل بين لانوس ولوجان وفيرنا حد يدلنى على الأحسن لو سمحتم
والله كل واحدة ليها مميزات و عيوب ...حسب استخدامك للعربية . فمثلا لو انت استخدام شاق و مش بتفكر فى بيع فى خلال 10 سنين يبقى تجيب اللوجان بدون تفكير ..لان مميزاتها معروفة مش هنقولها تانى ...لكن لو انت استخدامك استخدام تجارى يعنى بتمشى بالعربية 100 الف كيلو و تبيعها مستعملة بعد 3-4 سنين يبقى اللانوس او الفيرنا تكون افضل لك و ربنا يوفقك فى اختيارك.....
يا راجل ..... بعد 10 سنين .........
اصلا احنا بنقول لو مش بيفكر يبيع بعد 3 - 5 سنين يجيب اللوجان .؟ بتهظر انت
وبعدين 100 الف كيلو اية ( كدة كد اى عربية لو جابها ممكن يبعها قبل 100 الف كيلو ) ومش هيخسر كتير ...
وبعدين المقارنة دى احتسمت من زمان
جديد ويبيقى زيرو فى فئه الـ 70 الف ( رينو لوجان ) وسعر اعادة بيها متقلقش منوا لانها غالية وكل يوم سعرها الزيرو بيغلى !!!!
دى حاجات انا اكتشفتها فى رينو لوجان وكنت بكتب الرد كتير اوى لكل من يسال عن اللوجان بينها وبين عربية تانية
شوف انت الحاجات دى وقارنها بالانوس ........ !!!!!! :rfds:
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 3
جبت من الااااااااااااااااااااااا ااااخر
اللوجان افضل اللاختيارات
بس مسألة تانك البنزين ده بمفتاح غيظاني مووووووووووت
لسه شاريها واحد صاحبي وكان حاطط الثلاثه في المقارنه
وكان في البنزينه بيفول وطبعا المفتاح مع عامل المحطه
وواحد راجع عليه بعربيته وصاحبنا يزعق ويخبطله علي عربيته
والتاني ولا هنا ومش قادر يتحرك لان العربيه بدون مفتاح
بس الحمد لله جت سليمه خربوش في الاكصدام
ياريت تلاقولها حل بجد
علي فكرة ده اعلي فئه ب 72 الف
ممكن يتعملها شدا جنب الكرسي زي بقيت العربيات
ويتغير غطاء التانك بدون مفتاح
او تستغني عن المفتاح اللي في غطاء التانك وتغير الغطاء بس
ماشاء الله,
العربية ثابتة أوى (بصرف النظر عن ان الصحراوى فيه حتت بتاع 200 كم/ س)..!!
وكمان الموتور يعتبر مستريح أوى.. 180 كم/س على 5000 rpm تماااااااام أوى.
طبعا مش محتاج أقول ان اللانوس على 140-150 كم/س بتبقى هتطير :36_1_1[1]:
أنا واحد صحبى كان نفسه فـ هاتشباك فى حدود 70 ألف.. نصحته بالسانديرو وجابها, بس مكنتش أعرف ان موتور اللوجان-سانديرو (اللى هو موتور ميجانI) جراى كده..؟!!
أستاذ ayman1204
- أنا ملاحظ فـ الفيديو انك tension شوية, دايما لما تجرى بسرعات عالية.. خليك هادىء ومركز..:120105~352:
- حاول تلبس Sunglasses لما تسوق عـ الصحراوى فـ الوقت ده من النهار, بتفرق جااااااااااامد فـ الرؤية..!!
وربنا يستر طريقك وطريقنا isA
لانوس وريح دماغك. اللوجان قطع غيارها أغلى وصيانتها برضه.
Edit: نسيت أقول للأستاذ mohamed_rhem
أن موضوع فتح تنك البنزين بالمفتاح ده.. مش أزم يعنى..؟!!
البونتو أيفو, البرافو وعربيات أوروبى كتيييييييييير مفيهاش فتح تنك البنزين من الداخل..؟؟!!!
أعتقد دى Specs فى بعض دول Western Europe أو EU15+EFTA
هى مش غلاسة, :mahf(5): بس ممكن يكونوا عاملينها Safety.. عشان يجبرك تطفىء الموتور (تبطل العربية) أثناء ملء التانك بالبنزين..؟!!
وبالنسبة للتعديل (الشدة) اللى بتقول عليها.. أعتقد ماينفعش, عشان غطاء التنك بيبقى فيه Valve لأبخرة البنزين أو سحب الهواء..؟؟!!!
والله أعلم,