الموضوع: عملت حادثه ومحتاج اسعار رفرف واكصدام وفانوس ماروتي في اقرب وقت

الله يسلمك
الي حصل كالاتي بليل وماشي مولع نور واطي عادي
وداخل تقاطع هديت ورعشت وعديت متعرفش جه منين الموتوسيكل ده من فاتحه تانيه لان الشوارع بن كل عمارتين او تلاته وتقاطع وهو جه من الفتحه بسرعه وراح دب لابس فالرفرف الحمد لله ربنا جت في دماغي الف العربيه مع الخبطه فلفيت الدريكسيون معاه فحت فالرفرف بس الحمد لله بتقديري للموقف لو ملفتش كان زمانه هو الله اعلم حصله ايه وبسرعته ده كان الرفرف والكبوت وبس يا سيدي ده كل الموقف بالي فيه ونازل بقله انتا كويس بيقل ادبه تخيل البجاحه وبيقلي صلح الموتوسيكل طبعا انا اتجننت عليه :d والناس لمت بقى ووووو كالعاده

السلام عليكم

على فكرة الماروتى الرفرف بتاعها صغير و مش محتاج يتغير حتى لو اتعجن
روح عند سمكرى نظيف يرد الرفرف على السخن و يرشه

انا بشد الماروتى كلها دلوقتى عند السمكرى علشان هرشها و هو قالى اغير الكابوت علشان مخبوط كذا خبطه و انا قلتله لأ سمكره كويس و انا مش هشترى واحد

و الف سلامة عليك و على الماروتى

شكرا يا شباب انا كنت بفكر اجيب حاجه استيراد اذا بتبباع وبالنسبه للرفرف هو تقريبا اساسا مش موجود انا بس قلت لو في منه استيراد كدا يبقى هستغنى عن الرش لو نفس اللون او هرش زي نضافه كدا وتعتبر فبريقه علشان سعر العربيه ميقلش قوي واهو هيبقى احسن في كل الحالات لو استيراد
وبالنسبه للاكصدام فالحمد لله هو مش نافع تاني وفانوس الشابوره الصغير ده اتكسر
فانا عاوز اجيب غيره ولو الحاجه كلها استيراد وهتكلف احسن من اني اضيع تمن العربيه وكمان الموضوع بسيط انا اللانسر كلفتها 9 الاف جنيه من فتره بسي العربيه فابريقه بالكامل كلفت بسي احسن من الاكصدام للاكصدام اصلي

المشاركة الأصلية كتبت بواسطة karimfahmy99

الحمد لله و تصرفك سليم انك خدت اتجاة سيرة لتخفيف الخبطة بس طبعا فى عوامل تانية يعنى مثلا معرفش اى شارع اللى يعتبر رئيسى و اى شارع فرعى دى حاجة و المهم بتقول منور النور الواطى معرفش تقصد نور الكشاف الارضى و لا الصغير بس لو كان الصغير بس يبقى غلط لانك داخل تقاطع و المفروض تولع الكشاف لاظهار قدومك ع التقاطع و المفروض الموتوسيكل كمان يكون مولع كشافة خصوصا ف الليل - حكاية انة يتخانق معاك دى عادى و بشوفها كتير خدوهم بالصوت بس العوامل اللى قلت عليها هى اللى تحكم مين الغلطان هنا - قدر الله ماشاء فعل و الحمد لله



طبعا دا ممكن بس اللى يحددة السمكرى اذا كان ممكن و لا لأ

لا انا لو منور الصغير بس مكنتش اساسا هوصل الشارع قبل متخبط لا النور الواطي الي بيظهر مش الصغير الشبوره وهو اساسا معندوش كشاف اصلا
تخيل ماشي كدا هو الي اتنين فرعي عكس بعض الشوارع مش زي القاهره لا هنا زي المتاهه كدا
المهم هو اصلا انا بعدي ومكنش في حد بسي زي مقلت الفرق بين الفتحه والفتحه الي جه بيها هيا عماره بس فلو حد جه من الجنب سريع مش هيلحق يعمل حاجه والغريبه انه اساسا مضربش فرامل خالص خالص ولا اي حاجه زي ما بقلك كدا جه من العدم

نصيب بقى انا مش زعلان غير على حاجه واحده انه معندوش دم العربيه في داهيه جت فيها احسن متيجي فصحتي ولا في والدي او اخواتي او او او الحمد لله
يعني خبطني وانا نزلت اول حاجه عملتها بقله حصلك حاجه وخته قعدته على رصيف وبشوف رجله
واول لما قام شتم وقل ادبه ده كل الي حرقني

المشاركة الأصلية كتبت بواسطة alking_2006

السلام عليكم

على فكرة الماروتى الرفرف بتاعها صغير و مش محتاج يتغير حتى لو اتعجن
روح عند سمكرى نظيف يرد الرفرف على السخن و يرشه

انا بشد الماروتى كلها دلوقتى عند السمكرى علشان هرشها و هو قالى اغير الكابوت علشان مخبوط كذا خبطه و انا قلتله لأ سمكره كويس و انا مش هشترى واحد

و الف سلامة عليك و على الماروتى

الله يسلمك
فعلا هيا سهله اللعب فيها بس عندي تقريبا مش هتنفع بسي عامتا انا كنت عاوز اذا في حاجه استيراد بتكون احسن لانها اصليه من عربيه زيها
واللون هيبقى عادي وحتى لو هترش هتبقى نضافه وبكدا قللت الخساير في تمن العربيه ووقت ما تتباع يبقى اسمها فابريكه او رشه نضافه وقطعها اصليه
هيا تقريبا رشت الرفرف تكلف كام؟ لو عند حضرتك فكره