منصور شيفورلية خلو بالكم من التوكيل مفيش ضمير

الوضوع ان عندنا عربية شيفورلية افيو اشتريناها زيرو وحاليا عاملة 20 الف كيلو المهم وطبعا الصيانة كلها عند منصور والمهم انا بتكلم تحديدا على فرع الطيران وابورواش الى فى طريق مصر اسكندرية مش هقول ان من اول ماجبنا العربية ان لازم الحاجة تتعمل على مرتين بس هقول ان اخر حاجة لولا ستر ربنا لكنا ضعنا مش هطول عليكو
رايحين العبور وطبعا الطريق سريع وكلة نقل واكيد لازم يكون معاك فرامل والطريق مرة واحدة يقف وتلاقى العربية مع دوس الفرامل ولاالهوا وصوت يخض والحمد لله

الناس المفروض المحترمة اخر صيانة كان فيها تغيير تيل فرامل باين اتزنقو فى الفلوس فدفعنا احنا تمنة وسابو التيل زى ماهوة .التيل متغيرش والى يموت يموت
دة غير انى بكلم الواد فى الصيانة على جمب لما لقيتة بيحط زيت 3000 كيلو بقولو مش دة تلاتة ازاى اول صيانة على 5000 قالى خليها على الله

انا حبيت انبة الناس وربنا يسترها عليكم اجمعين والى يعمل حاجة عندهم ياريت يتاكد ان الحاجة دة اتغيرت فعلا او اتعملت

اولا الحمد لله ان ربنا سترها وان شاء الله متتكررش تاني هما فعلا مبقوووووووووووووش محترمييين زي الاول وصبااح الكروووتة انا كنت بعمل انة ال35
عاوز اقولك استخسسسر ينضف الفلتر ويربط على العفششششة بقولة هو اية دة؟؟؟ بيقولي مش محتاجر تربييييط قولتللة !!!!!!!!!!!!!!!!!!
روحت للمهندس وزبببطة ورجع عملهالي الشاهد ان مفش حد بيعمل حاجة بضميييييييييير ويافرحتي بعملها في التوكيل ومنصوور بيحط ايدي في جييبك وياخد منك 160 اللي هو ربطلك ونفختلك في الكاوتشااات وهيييييييييييييييييييية ابررررز يامعللللم انا والله نفس بس الاقي ميكانيكي فاهم فييها وانا مستعد اوديهالة كل اول صيييانة بس كون فاااااهم

روح اوتوماستر او مقار او الكيلو 4

مقار أنظف بكتييييييير من الكيلو 4.5 دول

يا ر يت الحاجة تتعمل من مرتين ... ده في المنصورة بإعترافهم ما بيعرفوش أي حاجة في العربيات دي ... لدرجة إن المهندس وهو بيغير فلتر البنزين كسر فبر خراطيم البنزين وجبت غيرهم علي حسابي بحوالي 480 جنيه بالمصنعية ... ده غير إللي لغي لي حساس tps وبلف الأيدل ... والله حرام ...وعلشان نكون مطمئنين نجيب قطع الغيار الأصلي من التوكيل ونصين بره.

مقار اي حاجه في الميكانيكا و الصحراوي و اوتوماستر اي حاجه الكترونيه ده من خبرتي في الافيو

بالنسبة لموضوع التيل المفروض لما يغير التيل بيحط التيل القديم فى شنطة العربية أى حاجة بتتغير لازم بيحطلك احاجة القديمة فى العربية
انا بعمل صيانتى فى مقار وبحس بإختلاف فى العربية خليك فى مقار أحسن

دا اول مرة رحنا التوكيل بقول للواد فى صوت فى المساعد الخلفى قالى وانت شايف ممكن يكون من اية ولمة زعقت وقلتلة انا الى اشوف طب روح هتلى عفريتة بقة قالى انت زعلان لية انت welcome
كان اول مرة اسمع انت ويلكم دية تحس انة مش مهندس استقبال تحس انة نجار مسلح

منتشر جدا موضوع تزييق المساعد الخلفي ده اعتتقد في اللانوس و الفيرنا و الاوبترا و الافيو .....غالبا بيركبوا مساعدين ناشفين .....المهم بالنسبه لصيانات المنصور للسيارات ( من واقع تجربتي و خبرتي معاهم ععلي مدار 15000 كم ) يعني 3 صيانات :
1- الصيانه الاولي 5000 أو 4 شهور ايهما اقرب .....المصنع حاطط زيت موبيل xhp ....و دة المفروض بيمشي 5000 كم و لكن من وجهه نظري كفايه اوي 3000 كم عليه .....أول صيانه دي مجانيه بيتغير فيها الزيت علي حساب العميل لانه من المستهلكات .....و فلتر الزيت كذلك .....يتم تربيط العفشه و الكشف علي السوائل ..رجلاش فرامل ..كشف علي زيت فتيس لو انت طلبت ...تنظيف فلتر بنزين ...فلتر هواء ...... و سماع اي شكوي من العميل .....و عشان يهتموا باالعربيه ككل لاازم تكون حاجز معاد الصيانه عن طريق الخط الساخن 16424 .

2- ملحوظه : منصور من أول ما مسك توكيل شيفروليه عموما في مصر من السبعينيات تقريبا و هوة متبع نظام الصيانه االاولي بعد 5000 كم مش بعد 1000 كم ....و سألتهم قالولي انهم بيعتمدوا علي ان الزيت المستخدم من المصنع مش زيت تخزين يعني مش لازم ينزل بعد 1000 كم ..... و دي وجهه نظر شركتهم ( انا معترض طبعا علي دة )
ملحوظه أخري : من حقك في اي وقت و بدون حجز التوجه للتوكيل لما تظهر اي مشكله في العربيه أو انك شاكك في حاجة وعاوز تتطمن ....بس تروح بدري ( و ياريت تكون واخد أجازة من الشغل ) و مش من حق مهندس الااستقبال يقولك مش فاضيين ....و مش حتلاقي مهندس يقولك كدة لانهم خلاص فهموا و أدركوا ان الناس فهمت حقها فين .

3- صيانه ال 10000 .....نفس اللي بيتعمل في صيانه ال 5000 كم ....بالاضافه انك ممكن تغير تيل زي ما حصل معايا دة لو استخدامك قاسي للفرامل ( و لو اني مش عارف يعني ايه استخدام قاسي للفرامل ..عمري ما بقف امريكاني ابدا )

4- صيانه ال 15000 كم ....نفس الكلام في البندين السابقين ....و المفروض طبقا لكتيب الصيانه ( بالنسبه لعربيتي اللانوس ) انه يتغير زيت الفرامل لان مكتوب في ظروف الاستخدام القاسي يتغير زيت الفرامل كل 9 شهور او 15000 كم ....قلت للمهندس ف بص علي لون الزيت و قاللي مش ضروري ....حاولت اقنعه ان الموضوع مش بلون السائل ....و الموضوعع بتتغير خواص السائل ( لكن لا حياه لمن تنادي ) ....قلت مش مهم اغيره عند 20000 كم .

5- غسيل الموتور مجااااااااااااااانا يا جماعه في الصيانات عند طلب العميل .

اعتقد لو كل مصري عرف حقه فين بالظبط .....حيقدر ياخد حقه .
مش معني مشاركتي ان الحياه وردي معايا عند المنصور للسيارات .....انا واجهت بعض القطع فيها عيوب صناعه و اتخنقت ....بس لما بيلاقوا عيب صناعه بيغيروا بصراحة علطول ....بس الرخم عندهم ان لازم يكون العيب ظاهر 100% ......مينفعش حاجة مثلا بايظه نص نص ....

اتمني اكون اضفت اي افاده لأي عضو
تحياتي
عمرو ابراهيم

بعد تجارب كتييييييير بالسيارتين(أوبترا 2009 أتوماتيك وأوبل أسترا 2003 اتوماتيك) أحب أنور هيئة المحكمة وأقول انهم عالم نصابييييييييييييييييييييي يييييييييين وحراميه وياريت حد يبلغهم بالكلام ده على لساني ولسان السادة الأعضاء.
وبانسبة لكل السادة الأعضاء اللي بيعملوا صيانة عاديه أبلغكم بالخطه:
الحاجات اللي لازم تعملها جوه التوكيل هي تغيير السيور وبلي الشداد بطلمبة المياه و تيل الفرامل على ان يتم كل ذلك أمام عينيك أما جميع السوائل والفلاتر المصاحبة والغير مصاحبه فخارج التوكيل أفضل بكتييييييييير
وبعد تنفيذي لهذه الخطة المكتشفه بعد مرمطه كتيييره اوضح سيادتكم اني مرتاح آخر راحه على كده ومطمئن جدا لسيارتي
وحسبنا الله ونعم الوكيل