عرض للطباعة
السلام عليكم،
انا لقيت اعلان على موقع اسمه لقطة عليه منتج باسم معالج الاطارات السريع وهو بخاخ يتم تفريغه فى كاوتش العربيه عن طريق بلف الكاوتش وديه مواصفاته
علاج سريع للثقوب وتسريبات الهواء البطيئة دون حاجة لخلع الاطار.
سهل الاستخدام بخرطوم مرن.
لا يحتاج لرافع أو أى أدوات مساعدة.
يستخدم لاطارات السيارات والموتوسيكلات والدراجات الكهربائية.
خالي من أى مواد سامة أو عديمة الرائحة.
لا يسبب أى تآكل أو تلف للإطار.
هل في حد جربه يقولنا هل الكلام صحيح ولا لأ
كان فيه موضوع هنا قديم بيحذر من الاثار السلبيه ليه اللي منها انه بيبرجل العجله جامد جدا
كلام صحيح يامعالي الباشا وانا معايا واحدة ف العربية وشريها من حوالي 3 شهور وتمنها 60 جنية وهو منتج تركى واحنا جربنها علي طريق مارينا العالمين واحنا مسافرين وكانت عاربية واحد صاحبي اوكتافيا والعجلة عملتها مننا واستخدمنا المنتج دة وصمد معانا لحد موصلنا
111111111111اقتباس:
المشاركة الأصلية كتبت بواسطة abou-yahia
شكرا على ردك بس لو ممكن رابط للموضوع القديم لو ممكناقتباس:
المشاركة الأصلية كتبت بواسطة abou-yahia
شكرا على ردك الجميل يامعالي الباشا بس هل كان ليه اي اثار سلبية؟اقتباس:
المشاركة الأصلية كتبت بواسطة ahmedaglan
المنتج ده بوظ عربية واحد صاحبي قبل كده وبرجلها ولما راح التوكيل قالوله ايه اللي انتى عملته ده المنتجات دي سيئة وبتضر العجل
ابدا ياباشا محصلش اي حاجةاقتباس:
المشاركة الأصلية كتبت بواسطة icahmed
الترا سيل ومنتجاته سيئة جدا بتعمل غربلة على السرعات وبتبوظ الكاوتش ومستحيل تنقل الكاوتش لجنط تاني لو حصل اي عيب في الجنط
اي سائل جوة الكاوتش بيعمل كدة
انا عملت حاجة جديدة تماما
متجي جيلاتيني من شركة راينو العالمية
الفردة بتتكلف حوالي 150 جنية للمتوسط المقاس ال 15
ضمان مدي عمر الكاوتش
مشيت بيه لغاية سرعة 180 كم ومفيش اي اهتزاز بالعربية
ضربنا مطواة في الكاوتش ومفيش اي هواء اتسرب
الشركة اسمها ttp
والمنتدى اتعاقد معاهم وهما بيجهزو موضوعهم الاعلاني فعلا
حتى لو اتضرب طلقة على الكاوتش مش هاياثر تقريبا لان معمول في النص والاجناب
ولما موضوعهم ينزل هارفع صور لعملية التسليح وفيديو وكمان فيديو من سرعة 60 الى 180 لعجلة القيادة انها ما بتتهزش اطلاقا عكس السوائل اللي ماتنفعش غير للنقل التقيل
طيب ده يبقه حاجه جامده جدااقتباس:
المشاركة الأصلية كتبت بواسطة karim_monir
ربناا يباركلك يا كريم
أنا فعلاً كنت قرأت إعلان الشركة ديه في أخبار السيارات ،،،،، ربنا يسهل لو المنتج كويس الواحد يستعمله إن شاء الله
abou-yahia شكرا جزيلا وانا جربته في نفسي رغم اني مركب كاوتش جديد بريدجستون الفردة ب 600 جنيه عشان اطمن على باقي الاعضاء اولا
BMW5260 هما فعلا والتعاقد تم الاسبوع اللي فات اعلانيا مع المنتدى ولكن جاري التجهيز للحملة بالكامل قريبا جدا
خلتنى اقلق كدة يااستاذ كريم انا لسة عامل من يومين الالترا سيل وقبليها من اسبوعين شارى اربع فرد كوتش جدد ب 2100 جنيهاقتباس:
المشاركة الأصلية كتبت بواسطة Karim_Monir
مع ان حضرتك كنت مرشح موضوع الجراج وموضوع الالترا سيل:Copy of majd(4):
الشركة الى حضرتك بتقول عليها مش الى موجودة فى ابو رواش ؟ لو هية انا كنت عملت موضوع عليها باسم كاوتش ميتخرمش قبل مااعرف الالترا سيل
لاء الله يكرمك ما تولنيش حاجة ما قولتهاشاقتباس:
المشاركة الأصلية كتبت بواسطة el_nahal2004
انا عامل اعلان للجراج كار كير
وهو مايقدرش يتكلم عن الالترا سيل في الاعلان بتاعنا لان اعلانه عن كار كير فقط
وانا ماجبتش سيرة الالترا سيل ده ومعرفش انه بينزله عندة
انا اعرف انه بينزل زيوت فالفولين ولما رجعت لوكيل فالفولين عرفت انه مش موزع معتمد شيلت انه موزع زيت فالفولين
وهي فعلا الشركة اللي في ابو رواش
بالفعل حضرتك مجبتش سيرة عن الالترا سيل بذاتهاقتباس:
المشاركة الأصلية كتبت بواسطة karim_monir
انا كنت بس بحسب لما حضرتك عملت اعلان عن الجراج,انك عملت اعلان بمنتجاته كلها
وبعدين خير إن شاء الله انا بتناقش عادى
وإن شاء الله هجرب موضوع غربلة العربية ده على سرعة لو كدة طبعا هشيله
بس ممكن اعرف هو السوائل دى بتبوظ الكاوتش ازاى ؟
السوائل عامة غير ثابتة فيزيائا ولما تتحط في جسم متحرك بسرعة عالية زي فردة الكاوتش
لازم يعمل رجرجه وغربلة
عشان كدة بيحصل رجرجه في السرعات بداية من 60 كم ده اولا
ثانيا ضغط الهواء جوة الكاوتش في عربيات الركاب العادية بيكون ف يالمتوسط 30
وده مش كافي لدفع السائل السميك من الثقب
عشان كدة ممكن يشتغل مرة ومرة لاء
لكن السائل مناسب جا لسيارت النقل
اولا مش هاتحس بالرجة دي مع السرعات لكبر الاطار وكبر السيارة ككل
ثانيا ضغط الهواء جوة الاطار بيكون 60 تقريبا وده بيدفع السائل لسد الخرم بسهولة
نصيحة شيلة من كاوتش العربية في اقرب فرصة ونضف مكانة ببنزين كويس
هاتبقي عملية مرهقم بس ربنا يعوض عليك
شكرا على المعلومة يااستاذ كريماقتباس:
المشاركة الأصلية كتبت بواسطة karim_monir
هشيله انشاء الله فى اقرب وقت
الواحد مبيتعلمش ببلاش:11:
متابع ++++++++
بحمد الله تم تسليح الكاوتش لعربيتى و التفاصيل ف الرابط مشاركة 129
http://www.nilemotors.net/Nile/242028-a-13.html
يا جماعة إحنا الحمد ل الله جالنا أعضاء كتير من المنتدياقتباس:
المشاركة الأصلية كتبت بواسطة karimfahmy99
و انا بشكرهم كلهم على اهتمامهم بالمنتج و ثقتهم الغاليه فينا.
و بتمني ان اي عضو يجرب المنتج بتاعنا يكتب رأيو عليه بمنتهي الصراحة و كمان يقول لنا إقتراحاته و شايف ان في حاجه إحنا ناسينها أو يفضل تعديلها.
و طبعا طبعا انا بشكر أ/كريم جزيل الشكر علي المشاركة الرائعة اللي هو كاتبها علشان هي مفصلة جداً بحيث ان اي حد ها يقرأها ها يقدر يتخيل المكان فين و الموضوع عامل إذاي و ها ياخد وقت أد ايه.
و علي فكره بقي يا أ/كريم انا مستني مشاركات حضرتك أكتر و يا ريت تتابعنا أول بأول بأي ملاحظات تشوفها (حلوه أو وحشه طبعا)
و ان شاء الله نكون عند حسن ظن الأعضاء
تحياتي
محمد يسري
مدير المبيعات و التسويق