الموضوع: بنزينك ايه؟

المشاركة الأصلية كتبت بواسطة ashraf_ibrahim

بستعمل 92 من ساعة ما جبت الفيرنا وجربت مرة ال 90 لقيت ان السحب مش كويس خصوصا مع التكييف بقت العربية بتكركر جامد
فطبعا ما جربتش اني احط 90 تاني وبقيت مستمر على 92 على طول

انا حصلى قبل كده ان مكانش فيه 90 ولا 92 و فولت 80 مقولكش بقا العربية بقت بتزغرط و هى ماشية فى الشارع فضحتنى
متشكر لمرورك

المشاركة الأصلية كتبت بواسطة yoko

95
مجبر أخاك لا بطل

ربنا يعينك و متشكر لمرورك

المشاركة الأصلية كتبت بواسطة moh19227

عندكوا ازمه ولا ايه ؟
وانا رأيي ان 92 سعره اغلي 10 قروش عن ال 90 بس افضل وهيديلك الاداء القياسي للعربيه بتاعتك
ثم اهم حاجه لما تيجي تشتري عربيه تعرف بتاخد بنزين كام علشان لو 95 متجبهاش احسن
والـ 95 بقي بكام دلوقتي؟

انا الصراحه بعمل كده بدل ما اقول 90 ازود 2 جنيه للصفيحه يعنى 4 جنيه للتفويلة كلها و يكون انضف شوية بس
متشكر لمرورك

المشاركة الأصلية كتبت بواسطة minicooper20

92
بس هو ال فى مصر 92 اصلن 92
دنا بحس انو بيتزود ميه والله

فى حاجه غريبة تحس ان 92 بيطير بسرعه اكبر من ال90 و ال80
متتشكر لمرورك

المشاركة الأصلية كتبت بواسطة ahmod

انت بلامانة ربنا يكون في عونك

ده انا بحط 92 ب 1.85 ونفسي اولع في البنزين ومؤشر البنزين

بتجيلي حالة عصبية لما بشوف لمبة البنزين بتنور

عايز اقولك ان اكتر حاجة مهدياني وبتخليني ماجريش وامشي على مهلي هي البنزين

ايه اللى يخلني على سبيل المثال يعني احرقلي بتاع 10 لتر بنزين في مشوار لو مشيته على الهادي مش هيستهلك اكتر من 5 لتر ! ! !

بلاش تخلى المؤشر ينزل لتحت حالص كده و اللمبة تنور علشان الرواسب الى ممكن تكون موجوده فى التانك تسد المواسير او الرشاشات بلاش يعنى كده كده هتمون العربيه مونها و هى فى النصف
و متشكرين لمرورك

المشاركة الأصلية كتبت بواسطة ahmedbasto

80 والحمد لله فى الشاهين وزى الفل ولا مانع من شوية كركرة

الشاهين الاصل برضه
هو مفروض الكتالوج للشاهين بيقول كام البنزين الى يتحطلها؟

المشاركة الأصلية كتبت بواسطة romieh

بنزين 80 طبعا ، دى دوجان

بس كل لما يحصل ازمة فى البنزين ال 80 بضطر احط 90 ومش بحس بالفرق فى السحب

الفرق الوحيد اللى بحسه هو الاستهلاك، بيزيد مثلا بتاع 30 - 40 كيلو فى الصفيحة

الفرق ده سعات ناس بتقول عليه انه البنزين الاعلى بيطير بسرعه اكبر بش متاكد من الكلام ده

شكراا لمرورك