دواسة البنزين للفليشيا97

**popi** · 20-11-2011 08:22 PM

السلام عليكم بعد غسيل السيارة من داخل و خارج السيارة و بعد غسيل كل ماهو داخل الكبوت بالماء و الجاز فى احدى البنزيمات لاحظت الأتى :
1- دواسة البنزين بها بوش جامد يعنى بتتحرك جامد بمشط القدم
2- مؤشر rpm يهتز بسرعة خاصة عند تغيير النقلات بمعنى اخر اننى متعود على نقل الغيار من الثانى الى الثالث عندما تكون السرعة عى 40 و مؤشر rpm على 30 لفة و الرابع على 60 و مؤشر rpm على على 30 لفة و الخامس على سرعة 80 و مؤشر rpm على 30 لفة
بعد غسيل السيارة لاحظت عدم ثبات مؤشر rpm قبل مايصل لسرعة التغيير المطلوبة 40 للثالث مثلا و مؤشر rpm بدأ يعدى 30 لفة بصورة كبيرة و مهتزة و غير ثابتة
لتفادى اهتزاز المؤشر rpm كان عليا التغيير فى النقلات قبل الوصول للسرعة المطلوبة--- بمعنى التغيير للثالث من من سرعة 37 بدل من 40 و الرابع من 55 بدل 60 و الخامس من 75 بدل من 80
و السؤال اسباب هذا التغيير فى السيارة ايه؟

سكودا فليشيا 97

**AhMeD MeTwAlY** · 20-11-2011 10:19 PM

راجع الاسلاك بالكامل الموجوده في الكابوت عشان مع ضغط المايه والجاز ممكن يكون في سلك وقع من مكانه اتهز من مكانه
كنت بنضف العربيه بردو كده وبعدها رجعت لقيت العربيه حاجه فستك مفيش لمبه من منوره في الطبلون والعربيه بتشتغل بمزجها وبتنتش وعليها
ولما روحت لميكانيكي قالي كنت سبتها نشفت وبعدين مشيت بيها

**popi** · 21-11-2011 12:17 AM

الموضوع ده من أكثر من اسبوع و مازالت حتى الأن و معرفش العمل ايه و خايف اروح لواحد من الصنيعية يخرب الدنيا و يجرب و تزداد المشكلة و خايف ليكون عيب ديسك و سطوانة الدبرياج

**popi** · 21-11-2011 12:19 AM

فين الرد ياسادة لو سمحتوا

**benmatar** · 21-11-2011 09:59 AM

السلام عليكم
بالنسبة لدواسة البنزين... أعتقد إن مسدس رش المياه بالمحطة ربما كان قوي شوية فمن الممكن إنه حرك حاجة من مكانها زي سلك البنزين مثلا أو خلاه سايب، وأنصح حضرتك تشوف ( كاوتش لافيه) سلك البنزين وده مكانه إنك تقف بجوار البطارية (الناحية اليمين من العربية) وتلقي نظرة من تحت علبة فلتر الهواء (العمة السوداء) هتلافي كاوتش اللافيه وللتوضيح هي قطعة كاوتش دائرية (شبيهة بجلدة الحنفية بس أكبر) وبتكون هي المثبتة لجراب سلك البنزين بقاعدة حديدية، وده شيء وارد الحدوث، والله أعلم.
وبالنسبة لموضوع rpm فهو أهم وأخطرلإن معنى الكلام ده إن الرطوبة أو المياه وصلت للموبينة، لأن عند حضرتك السلك الموصل للإشارة بتاعة rpm خارجة من الموبينة وهي السلك الرفيع اللي خارج من الموبينة، المهم جففها كويس بهواء أو قماش تجفيف تام بفك السلك وتجفيف الأطراف (والعربية مطفية طبعا) وبالتوفيق ولعل الأمر خير.

**shfee** · 21-11-2011 02:21 PM

او روح لاقرب جهاز كشف اعطال لانه ربما _لا قدر الله _ وصلت مياه الى لوحةالكمبيوتر الخاص بالعربية

**popi** · 21-11-2011 03:18 PM

يعنى عرضها على الكمبيوتر و هذا يتم فين عند مكانيكى و لا عفشجى و لا ظبط زوايا

**sakr_skoda** · 22-11-2011 07:46 PM

المشكلة ممكن يكون سببها انسداد البيك ممكن تروح لميكانيكى ينظف البك ويظبط الهوا بتاع العربية (الكربرتير) وظبط الكهرباء ....

**benmatar** · 23-11-2011 10:19 AM

السلام عليكم
صوت الموتور على السلانسيه لو عادي ومعدل التسارع والمشي العادي سليم؟؟؟؟؟ لو كده هيكون المشكلة قراءة rpm خاطئة وده بسبب وصول مياه أو سلك مش راكب كويس، حضرتك راجع الوصلات وأتأكد من جفاف الموتور والكهرباء وممكن تسيب الكبوت مفتوح ساعة في الشمس لأن الجو اليومين دول بارد.