عندى نفس المشكله فى الاوبل والعفشه سليمه
طب ايه السبب وليه اليمين ؟
يعني دلوقتي اجيب الجلده دي والزقها بكولا في الكاوتشه اللي زي السوسته وبس
يعني مش بعد ما الزقها في السوسته ملزقهاش في البطاحه؟
يعني الجلده يكون فيها لزق من الناحيتين ولا من ناحيه واحده؟
من ناحيه وحده فقط و تلزقها فى البطاحه طبعا و تكون خامة الكوتشه كويسه طبعا و تستحمل
الصورة مبينها انها تتلزق في كوتشة المساعد ... بس اكيد الصح انها تتلزق في البطاحة طبعا .. وهل نعمل كدة في المساعد اليمين بس وﻻ المساعدين الاتنين ؟
ومشكورين جدا علي الموضوع الهايل ده بس ياريت حد يقولي من الاعضاء اللي ركبوا الكوتشة دي هل التزيق راح ولسة ؟؟ ﻻن موضوع التزيق ده هيجنني
الصور موضحه انها تتلزق فى البطاحه اقرا الكلام كويس جدا و هتفهم اكتر
و تعمله فى المساعد اليمين و الشمال .
انا لما عملتها بنوع كوتشه بس ضعيف الصوت راح لمدة اسبوع او كذا يوم و رجع تانى و لما رفعت العربيه لما الصوت رجع لقيت مفيش كوتش اصلا ههههههههههههههه اتاكلت لانها طريه جدا و ضعيفه .
المهم نلاقى نوع كويس و محمل و يتركب صح و خلاص
بصراحة يا جماعة انا بشكركم جميعا علي هذا الموضوع الجامد جدا وخصوصا صاحب الموضوع له مني جزيل الشكر وربنا يباركله ويجازيه خيرا ، واحب ان انقلكم تجربتي عن اللي عملته حتي يستفيد الجميع لحل تزييق عفشة السيراتو حل جزي ان شاء الله
اولا : غسلت العربية في البنزينة بالماء والصابون فقط غسلة محترمة بعد ما غمزت الواد بتاع البنزينة باللي في النصيب وغسلها مرتين صح ، وارجوكم ابعدوا عن الجاز او الشحم او اي حاجة تانية لانها هتاثر علي العفشة والجلب في القريب او البعيد وده عن تجربة
ثانيا : اخذت العربية بعدها علي طول ونزلت الجراج عندي ورفعت العربية علي الكوريك وبدأت اشتغل في اضافة الكوتشة اياها ، والموضوع مخدش نص ساعة للاتنين المساعدين
ثالثا والاهم : تفتكروا انا جبت الكاوتشة منين ؟ اللي عنده فلتر مياه تانك الثلاث مراحل هيعرق كويس لاني وانا بغير الفلاتر لقيت الكوتشة اللي في الصورة بالظبط بنفس المقاس بالظبط بس لونها ابيض فاخذت اتنين منها وجبت لصف الدبل فيس ( اللي لونه اسود وعليه شريط اخضر ) وقعد اقصقص اللصق علي اد الكوتشة من ناحية واحدة طبعا .... وعملت زي اللي في الصور بتاعة الموضوع بالظبط ...... وانا بشتغل لقيت الكرتيرة بتزيق وبتخبط كل لما اخبط فيها فجبت كيس قط ابيض وقعد احشي الفراغات اللي في الكرتيرة اللي بتعمل صوت لغاية لما ما بقاش فيها اي صوت خالص
اخيرا خرجت اجرب العربية بفضل الله اولا وصاحب الموضوع ثانيا الحمد لله العربية حاجة تانية خالص طبعا انا جربت العربية لمدة ربع ساعة فقط ولسة طالع البيت حالا ، واكيد لسة هجربها الفترة اللي جاية وهقولوكوا اذا كان في اي جديد
مرة اخري شكرا لكل من ساهم بصغيرة او كبيرة في هذا الموضوع ويارب اكون قدرت اضيف شيئ واسف علي الاطالة
مش عارف انزل الصورة .... الكوتشة بتيجي مع الفلتر الجديد اللي بتشتريه ، وبتبقي موجودة الفلتر القديم اللي بتغيره .... بس بصراحة صوت التخبيط بالذات ناحية المساعد اليمين رجع تاني مع المطبات مش عارف اذا كانت الكوتشة دي وقعت ولا سمكها صغير اركب عليها واحدة كمان مثلا خصوصا ان حاسس ان المساعد كويس .. مستني ارفعها في بنزينة واشوف
انا هتجنن حد يقولي انزل الصورة ازاي .... كل ما احمل الصورة يقولي فشل عملية التحميل ... ممكن تقولولي علي طريقة تنزيل الصور
تدخل و تختار الصور من جهازك على الموقع دا
مركز تحميل نايل موتورز
و بعد كده هتترفع على الموقع و تاخد رابط المنتديات و تعمل copy و تعمل paste هنا فى الموضوع
يا رب اكون قدرت افيدك
الموقع دا لزيز و بيحمل لحد 10 صور فى نفس الوقت
و ممكن تضيفنى على الفاس بوك و تشيرها على الفاس و انا انزلها
و ممكن اكلمك على تليفونك و افهمك الطريقه
يا باشا كتر خيرك علي المساعدة .... وطبعا يكون لي الشرف اننا نتكلم في اي وقت وهبعتلك رقم تليفوني في رسالة خاصة ..... اما بالنسبة لموضوع الكوتشة هية قعدت تقريبا 3 اسابيع وفي خلال الثلاث اسابيع الصوت كان قل بنسبة 70% بس رجع تاني وبصراحة الكسل والمشغوليات الكتير خلاني لا اتابع الكوتشة اذا كانت وقعت ولا لسة موجودة بس الخبط اللي ناحية اليمين مضايقني اوي وانا متاكد ان المساعد مفهوش حاجة
السلام عليكم انا عارف ان الموضوع قديم بس انا لسه شارى سيراتو 2014 جنط 17 إلعربيه الحمد لله العفشه ممتازه بس لاحظت نفس الموضوع عندي فى العربيه بس هو صوت دبدبه على خفيف فى النقر صوت بس مش محسوس فى الطارة من الناحيه اليمين فهل الموضوع ده حد وصل معاه لحل و الاهم نفسى اعرف ليه فى الناحيه اليمين اكتر من الشمال هل ده تربيط مساعد و عفشه لانى ربط العفشه بس من عير تربيط المساعد وشكرا مقدما
انا هرد على نفسي على موضوع اشمعنى الناحية اليمين الفكره حقيفي قالي عليها فى منتدى امريكى ان علشان تكشف على نظام التعليق لازم الوزن يكون متساوي فى العربيه وبالفعل انا بركب العربيه لوحدى قعدت صاحبى جنبى نفس الوزن اختفىى الصوت تماما علشان كده لما تيجى تكشف او نشك فى صوت من strut لازم الوزن يكون متساوى فى جميع اركان العربيه وشكرا
و الله مش عارف بس اصلا المشكله دى كانت فى 2009 الى موديل 2010 فقط يعنى انا ركبت سيراتو 2013 الشكل القديم و كانت ناعمه و مفيهاش اى مشكله
بالنسبه ل 2014 محدش جربها و اشتكى من نفس الكلام بتاع حضرتك
ممكن ترفع العربيه و تفك عجله يمين او ـشمال و تشوف كده لو الكوتشه مش موجوده ابقى ثص حته كوته على قدها و ركبها
و حليتها ازاى .يا ريت تفيدنا لو سمحت .و اكون مشكور ليك جدا
يا باشا انا كل اللى بقوله انى كنت بركب العربيه لوحدى فلما كنت بعدى على فاصل كوبرى مثلا كنت بحس بدبه فى الناحيه اليمين فكنت مستغرب اشمعنى اليمين ولما سالت فى منتدى امريكى كان الرد ان علشان تعرف لو عندك مشكله فى العفشه لازم توزع الوزن فى العربيه وبالفعل لما قعد حد جنبى على الكرسى يمين السواق معدش فيه الدبه اللى من الناحيه اليمين فانا كان استنتاجى ان الصوت ده كان ان الحمل اللى على الجنب الشمال بس فلما اتساوى الضغط على اليمين والشمال راحت الدبه شوية ملاحظات اضافيه العربيه عامله 2000 كم فقط فلسه بتلين الصوت غير مسموع الا فى الهدوء الشديد و انت قافل الازاز و قافل الكاسيت وصوت بسيط جدا اخيرا العربيه مش معايا علطول بتاعت اخويا مش باركبها كتير فمش مركز معاها اوى يعنى الصوت ممكن يكون راح لوحده بعد التليين او بسبب توزيع الضغط اللى بقول عليه والله اعلم واسف على رفع موضوع قديم و على تعبك معايا
تحت امرك فى اى وقت و احنا موجودين عشان نفيد بعض و اللى عنده معلومه يفيد التانى
ممكن تجرب تقص حته كوتش ارما فليكس بثمك 7ملى و تلزقها فى سقف البطاحه او تحط سيليكون بنفس الثمك و السيليكون هيكون افضل من كل النواحى بس سيليكون نضيف بتاع الارنديت الحرارى عشان لما بينشف بيبقى عامل زى الكوتش و تمام .
للرفع لاهميه الموضوع
اليكم الاخبار الجديده :
رحت اشترى بلى بطاحات اللى هو بيتلزق فيها الكوتشه .
لقيته بيديهالى جايه جاهزه ملزوقه فيها الكوتشه هههههههههههههههه
100%
من الجندى فى شارع دمشق
الله ينور