الموضوع: اشتريت صنى 2002 اتوماتيك

كل ده والعربية زى الفل ؟ طب تيجى ازاى !!!!!
طبعا المبلغ فلكى لو تبع التوكيل وشكلك هاتجيبها استيراد من الحرفيين وشكل اللى باع العربية ماغيرش فيها اى حاجة والمفروض الكشف ده كان قبل الشراء .. يلا الحمد لله على كل شىء
طبعا هاترتب اولوياتك من حيث الاهمية لقطع الغيار ومن وجهة نظرى كالآتى:
1- صوت تزييق الفرامل --- تغيير للطنابير والتيل امامى وخلفى لأن ده امان ليك ومفيش فيها تهاون
2- العفشة --- بعد ما حضرتك غيرت بيض مقصات وجلب وبارات يبقى ممكن تأجل تغيير المقصات وعلبة الدركسيون شوية كمان وتخلى اولوية لتغيير المساعدين وما تنساش ان العربية عاملة 130 الف كم والمساعدين المفروض يتغيروا كوقاية من 50 الف كم وماحدش بيعمل كده فالمفروض حد اقصى حتى 100 الف كم مع الاخذ فى الاعتبار ظروف قيادة طبيعية وهادية ومحافظة مش موجودة طبعا مع شوارع مصر الجميلة ومطباتها اللى بتبهدل اى عربية ونضيف عليها تغيير اولسيل كوبلن يمين بدل ما بالوقت تضطر تغير كوبلن كامل
3- الموتور --- عندك بقى قواعد الموتور لأنها بتقلل كتير من الاهتزازات اللى بتحس بيها والعربية دايرة وكمان اعتقد ان مشكلة الرجرجة وقت التشغيل بسببها وسندة سنة بنزين اللى قولتها عشان ما تبطلش منك دى من اولسيل الكرنك على ما اعتقد والله اعلم
وطبعا مفيش تنازل عن تيل اصلى انما الباقى ممكن حسب مقدرتك استيراد وبحالة جيدة
وربنا يعينك ويوفقك وتتمتع بالعربية

عين العقل وشهادة حق الصنى من العربيات المحترمة الاصيلة اللى لما بتغير فيها حاجة بتعيش فترة طويلة وتنساها
وطبعا مع استخدامك المعتدل هاتحافظ ع العربية واى عربية مستعملة لازم يبقى فيها اعطال ومشاكل خاصة انها 2002 يعنى بقالها 9 سنين كتر خيرها برضه
والافضل تكتب اولوياتك زى ما انا كتبت كده بالترتيب وكل فترة اعمل حاجة عشان ما تحسش بالمصاريف بس اهم حاجة اوعى تركب تيل فرامل غير الاصلى
وربنا يباركلك فيها وما تنسناش بالتقارير تباعا بعد كل تعديل والاسعار والمكان لافادة اعضاء ورواد المنتدى باذن الله