للاسف بعد تركيب السيراميك وتشطيب الشقة المياه جوة الشقة ضعيفة والسبب ان اللحامات في المواسير البولي كتيرة فمضيقة وصول المياه
ما الحل؟
عرض للطباعة
للاسف بعد تركيب السيراميك وتشطيب الشقة المياه جوة الشقة ضعيفة والسبب ان اللحامات في المواسير البولي كتيرة فمضيقة وصول المياه
ما الحل؟
هل فى ماتور للمياة ولا لا
احد الأسباب هو فوهة الحنفيات بتكون مسدودة بالصدأ اللي بيملأ مصفاة الحنفية
ازاي لحامات مسدوده
اي سباك بعد مابخلص شغل في مرحله التأسيس بيكبس المواسير كلها بعد ما يطبب الفتحات و يسبها فتره علشان يطمن ان مفيش تسريب من اي لحام و كمان بيجرب بحنفيه مكان كل طبه ان فيه مياه واصله لكل مخرج
ممكن تكون الميه ضعيفه لو مثلا استخدمت قطر قليل من المواسير (دايما بينصح ب 3/4 بوصه لمواسير اللحام)
ممكن يكون فيه حاجه من بواقي التشطيب(حته محاره او زلطه) دخلت المواسير. فممكن تحدد ايه المخارج الضعيفه او المسدوده و ايه اللي شغال و طبعا انت عارف مسار المواسير فتخمن السدد فين و تحاول تسلكه بضغط عالي او حاجه
كان الله بعونك انت كنت لازم تجيب سباك معرفة عشان في ناس مش فهمة شغلها صح حاول تنضف المحابس يمكن الزلط الصغير عامل اعاقة
انت في الدور الكم ولازم لو في انسداد يحصل تكسير للاسف
حصلت لنا قبل كده
بعد ما ضطبنا لاشقه فضلت فتره مقفوله
ولما سكنا فيها اكتشفنا ان صرف البانيو مسدود
تجيله يمين تجيله شمال مفيش فايده
وفي الاخر البانيو اتفك والرخام اتكسر مكان ما الصرف ماشي وطلع البيه الحمار مركب انبوبه صرف زي بتاعه الحوض واتسدت من الرمل اللي عليها والاسمنت لما بلطوا الارض
وطبعا فك وتركيب وتكسير وتشوين وحرقه دم
لأسف ملهاش غير كده
وكنا جربنا كل حاجه تسلك المواسير بما فيها ميه النار
:(
الحمد لله علي كل شئ وكل واحد بياخد نصيبه لكن في الحقيقة المشكلة عموما ان في ضعف في مياه الشقة وفي حتة معينة المياه فيها ضعيفة جدا وهية حنفية الفول اوتوماتيك وحنفية البارد بالبانيو