من فضلكم يا جماعة ناوى ان شاء الله اركب فرش للعربية للحفاظ على القديم هو مش جديد بس انتو عارفين الاولاد ... وكمان كنت عايز اركب انذار وريموت ... ايه رايكم اعملهم فين ولو ممكن التكلفة حتى التقريبية ولكم جزيل الشكر
عرض للطباعة
من فضلكم يا جماعة ناوى ان شاء الله اركب فرش للعربية للحفاظ على القديم هو مش جديد بس انتو عارفين الاولاد ... وكمان كنت عايز اركب انذار وريموت ... ايه رايكم اعملهم فين ولو ممكن التكلفة حتى التقريبية ولكم جزيل الشكر
الفرش من عند أي حد بتاع أكسسوارات و طبعاً في التوفيقية ,
و انصحك بفرش قطيفة بلون الفرش الأصلي و سعره من 200 الى 250 بس متركبهوش في التوفيقية , لكن روح لفني يركبهولك علشان لو فيه أي زيادة يظبطه ,
و بالنسبة للإنذار فاكتر نوع منتشر و الناس بتشكر فيه و انا مركبه في عربيتي فهو الوولف و ده بـ 155 ج و السنتر بـ 90ج غير التركيب , و لو الإزاز عندك كهرباء يبقى لازمك وحدات رفع و بتجيب وحدة بـ25ج تقريبأ للبابين يعني وحدتين للأربع أبواب ....
يعنى ايه وحدة رفع
وحدة كهربائية بتتولى عملية رفع الزجاج الكهربائى عند تامين الانذار
MMamdouh
خلى بالك ان لو عربيتك لسه فى الضمان فتركيب اى جهاز يتداخل مع الضفيرة بتاعة العربية بيسقط حقك فى الضمان على هذا الجزء.اقتباس:
وكمان كنت عايز اركب انذار وريموت
لا الكلام ده فعلا سليم ، و هو ان تركيب اجهزة الانذار تجعل السيارة خارج الضمان فى حالة حصول اى عيب فى السيارة ، حيقولولك احنا مش مسئولين عنه لانك ركبت جهاز انذار
انا كنت هناك السبت اللى فات و حضرت مناقشة بين احد الاشخاص اتعرفت عليه هناك فى توكيل ابو رواش و بين مهندس الاستقبال ، حيث ان صاحب السيارة كان يعانى من ان الاشارة الشمال لا تعمل اطلاقا يعنى الدراع شغال يمين و مش شغال شمال ، و فى التوكيل بعد الكشف اللى دام ساعات طويلة نظرا لعدد الناس الهائل هناك ، قاله مهندس الاستبقال ، فيه عيب فى الضفيرة او الاسلاك الموصلة للجانب الايمن للاشارات و و احنا مش مسئولين عنها لانك ركبت جهاز انذار فى السيارة و هو اللى سبب المشكلة ديه ، و مع الخناق و المشاحنات لم يستطيع ايضا اقناعهم باصلاحها ، مع انه عامل 2000 كم و لسه فى اول صيانة و من حقه طبعا علاجها فى التوكيل على حسابهم فى الاحوال العادية ، و الظريف اصلا انه قالى ان العيب ده كان ظهر معاه قبل ما يركب الانذار ، بس الان ملوش حق المطالبة لذا الحرص واجب على الجميع هذه القصة حدثت السبت الماضى فى ابو رواش
اقدر اروح عند مين فى التوفيقية حد موثوق فيه ... ولو ممكن رقم تليفونه
هشام لهيطة فى شارع ذكى
MMamdouh
روح ميدان التحرير و منة الى شارع رمسيس... اول ما يبقى سنترال رمسيس على شمالك تبقى منطقة التوفيقية على يمينك
شارع ذكى اتجاة واحد خارج الى شارع رمسيس فا حتلف من اول دخلة يمين من شارع رمسيس فى يمين تانى فى يمين كمان عشان تدخل شارع ذكى من اولة
افتح المرفق ببرنامج جوجل ايرث عشان تشوف المكان بالضبط
MMamdouh
متشكر جداااا لحضرتك