عاوز اشتري بورا بس مااعرفش حاجه عن عيوبها او قطع غيارها اوصيانتها
ايه اخبارها هل فيها عيوب ؟ وصيانتها اخبارها ايه؟
وقطع غيارها فين وايه اخبار اسعارها؟
وسعر البورا النضيفه هاي لاين يعمل كام؟
وشكرا
عاوز اشتري بورا بس مااعرفش حاجه عن عيوبها او قطع غيارها اوصيانتها
ايه اخبارها هل فيها عيوب ؟ وصيانتها اخبارها ايه؟
وقطع غيارها فين وايه اخبار اسعارها؟
وسعر البورا النضيفه هاي لاين يعمل كام؟
وشكرا
العربية ممتازه عن تجربه
بس عن تجربه بردو كل حاجه فيها غالية بمقارنتها بالعربيات اللى بنفس سعرها.
غير ان مش اى ميكانيكى او كهربائى بيفهم فيها.
ولو اصريت تجيبها متجيبش غير حاجه حالتها فوق الممتازه وتكونش ماشيه كتير وطبعا موتورها متفكش قبل كده.
وربنا يوفقك للى فيه الخير لحضرتك.
انا أسمع انها كوبي من الأوكتافيا a4 و بالنسبة للسعر تبدأ من 60 ألف و تتطلع حسب الحالة
السيارة لو دخلت مقارنات مع سيارات مماثلة مش هتلاقى قطع الغيار غالية (ميجان- مازدا 3 - بيجو 307).
عيوبها من وجهة نظرى:
- المقاعد الخلفية ضيقة جدا و لو انتا طويل ممكن محدش يعرف يعد وراكز بس فى مقابل كده عندك شنطة كبيرة مقارنة بحجم العربية.
- فى معظم العربيات الركبتها واء بورا او باسات قديم بيبقه فى صوت تزييق من التابلوه الأمامى و الأبواب (لما تيجى تشترى اقفل الزجاج و الكاسيت و امشى فى شوارع مكسرة شوية عشان تشوف الأصوات زيادة ولا ممكن تتعود عليها عادى),
- لو هتجيب الأوتو فالعربية مزعجة لبع الناس على السرعات (على سرعة 100 ك ال RPM بيكون 3200 لفة عكس عربيات تانية ال RPM مبجيبش 2500 لفة على سرعة 100ك) و طبعا مع تزويد السرعة ال RPM بيزيد. هى مش مشكلة اوى لأن مسمعتش ان المواتير ديه تعبت من كده بالعكس مواتير معمرة جدا و الصوت العالى لو فتحت كاسيت مش هتحس بيه اوى.
- المواتير ديه بتاكل زيت بسيط و ديه طبيعتها متقلقش (كنت سالت كذاحد على القصة ديه و اتقالى كده و فعلن موتورى كان حالة ممتازة و مفيش دخنة خالص و كان بياكل زيت حاجة بسيطة).
المزايا:
- سيارة ممتعة جدا فى سواقتها و مش فاهم ليه
- شكل مبيقدمش و ماظونش هبالغ لما اقول ان التصميم الخارجى احلا من الجيتاز
- لو السيارة عفشتها و كاوتشات و شاسيه مضبوط, هتلاقى ثبات ممتع جدا فى المناورات و على سرعات.
- توافر قطع غيار الاستيراد و الجديد بوفرة و بأسعار مناسبة مقارنة يالسيارات الذكرتها قبل كده.
- العربية نسخة محسنة من الأوكتافيا a4 موتور و عفشة و شاسيه واحد (كنت جايب مساعدين مونرو للأوكتافيا فى عربيتى) و تتميز عنها بجودة و شياكة الخامات الداخلية, مساعد لفتح الكابوت.
الاسعار تبتدى فعلن من 60,000 ج للمانيوال (بس أشك فى حالتهم) لغاية متوسط 70,000 ل 72,000 ج للحالات الجيدة و ده لغاية موديل 2002.
لازم تكشف على العربية كويس جدا فى عربيات انصاص كتير فى السوق و عربيات هلكانة.
العربية ديه بتتصنع فى المانيا لغاية م 2001 بعد كده فى اختلاف (تشيكى أو مكسيكى مش متأكد).
مشكوووووور والله يعطيك الف عافيه