انا كنت فكيت كلمة هيونداى اكسنت من على الشنطة عشان كنت برش الشنطة
بس كلمة هيونداى متفككة حروف
وكلمة اكسنت متجمعة
بس مش عارف كيفية لصقهم مرة اخرى عشان ما يتفكوش تانى
فكنت عاوز طريقة اللصق والمادة المستخدمة
وشكرا
عرض للطباعة
انا كنت فكيت كلمة هيونداى اكسنت من على الشنطة عشان كنت برش الشنطة
بس كلمة هيونداى متفككة حروف
وكلمة اكسنت متجمعة
بس مش عارف كيفية لصقهم مرة اخرى عشان ما يتفكوش تانى
فكنت عاوز طريقة اللصق والمادة المستخدمة
وشكرا
فى حاجه اسمها دبل فيس هو دى اللى بيلزقوا بيه الحروف اصلا فى الشركه بس دور على نوع محترم
فى كارفور هتلاقى فى القسم بتاع العدد مواد لاصقة كتيييير منها مواد للصق على السيارات
طيب وهو السيليكون مايلزقش على البوية
هات كلمة هيونداي جديدة وخلاص بل ما تقعد تجرب كتير وتبوظ شكل الشنطة
انا جايب sunny ب8 جنيه من التوفيقة ... وبتتسرق وبجيب تاني عادي يعني
اتصل بخدمة العملاء وحاول توصل لنمرة قسم الهياكل واسال على اسم المادة اللى بتلزق العلامة وهى مادة لونها رمادى غامق مائل للاسود وشفتها مرة عندهم وللاسف مش فاكر اسمها.
انا كنت جربت مادة " الايبوكسى" وديه عبارة عن مادة بتيجى فى حقنة كبيرة ليها فتحتين كل واحدة فيها مادة بيتخلطوا على بعض والزق اللى انت عاوزه وبتلزق زى الحديد بس خلى بالك اوعى تسيل لانها مبتطلعش لو نشفت والحق امسحها علطول.
أنا مع فكرة إنك تشترى الكلمة جاهزة للصق ، وكمان غير إنها ذاتية اللصق هى بتيجى فى حاوية فوم محطوطة بشكل مظبوط كل ما عليك إنك تشيل الشريط وتحطها وتضفط عليها كويس وخلاص .. سعرها فى التوكيل حوالى 50 جنيه ، وأكيد برة هتكون أرخص ،،،، وريح دماغك.
تحياتى
محمد
معالى الباشا مش هتلاقيها غير فى التوكيل او اى مركز معتمد
واللى بتتباع بره تعبانه وبتبهت اوى من الشمس وكمان بتتشال لانها بلاستيك والاصليه نيكل