الموضوع: ثانى التقرير الحصريا كيا سبورتاج 2012 هاي لاين صور + تقرير مفصل

المشاركة الأصلية كتبت بواسطة scobedo

السلام عليكم .
هي لونها زي ما الأخ الكريم قال فضي معدني mineral silver ونسبة الإنضغاط 11 اللي هي ال compression ratio , والصح بتاعها بنزين 95 عشان تاخد اقصى اداء من الموتور بس 92 مش هيقول لا وانا جربته وزي الفل بس بصراحة بحط 95 للحفاظ على العمر الإفتراضي للموتور . و مفيهاش زينون بس فوانيس عدسات . و مكتوب في الكتالوج عند تركيب اضواء مبهرة اللي هي الزينون ممكن ان تؤثر على الأجهزة السمعية الكاسيت والفلاشة وكده يعني وكان ناس في المنتدى اشتكت من ان الفلاشة بتعمل ريستارت مع تشغيل الزينون . يعني الناس مبتكدبش

هوا لو استخدمت بنزين  العمر الافتراضى للماتور هيقل؟؟؟ ياترى ده مكتوب فى مانيوال العربيه؟؟ شكرا لرحابه صدرك لاسئلتنا

والله يا استاذى كتر الف خيرك بجد
هو الموضوع مش منظم نهائيا :) ولكن,,
اسئلة الاعضاء جعلت من الموضوع كنز
انا حاجز فيات برافو وكان معايا قبلها دايهاتسو تيريوس
وقلبت بيها فرمضان
ودلوقت بعد بحث فى النت ملقيتش موضوع مفيد اكتر من موضوعك عن العربية وردك للاسئلة
انا قررت اشترى كيا سبورتاج هاى لاين وهحجز ان شاء الله وهلغى حجز الفيات برافو
انا كلمت محل بيع سيارات واتفقت معاها على الحجز وكله
الف شكر اخى الكريم,

المشاركة الأصلية كتبت بواسطة occullt

هوا لو استخدمت بنزين  العمر الافتراضى للماتور هيقل؟؟؟ ياترى ده مكتوب فى مانيوال العربيه؟؟ شكرا لرحابه صدرك لاسئلتنا

معلش الكلام مابنش كله انا كنت عايز اسئل
هوا لو استخدمت بنزين 92العمر الافتراضى للماتور هيقل؟؟؟ ياترى ده مكتوب فى مانيوال العربيه؟؟ شكرا لرحابه صدرك لاسئلتنا

-------------------------------------------------------------------------------------------------

المشاركة الأصلية كتبت بواسطة wessamsheta

انا عضو جديد فى المنتدى و فعلا انا سعيد للمواضيع الشيقة فعلا مثل هذا الموضوع لان الكيا سبورتاج عربية شيقة شكلا و مضمونا
المهم استفسارى هو كالاتى:
كنت مع احد اصدقائى كان بيشترى سيراتو و رجل المبيعات قالنا ان السيراتو 2012 مختلفة عن 2011 فى توزيعة الاوبشنز يعنى هيحطوا اوبشنز اكتر فى الموديلات الاقل مثل lx & ex و فرق تمن قليل جدا مثل ان البلوتوث من الدريكسيون فى كل الموديلات ماعدا المانيوال مش زى زمان فى الهاى لاين بس و اوبشنز تانية كتيرة نفس النظام.
المهم انا سألت هل برضه ده هيحصل فى السبورتاج 2012 لان اللى فى السوق حاليا تعتبر 2011 بانسبة للخارج هى نازلة من اول السنة
الرجل قاللى معرفش المهم دعبست على النت لقيت فى بعض المواقع ان 2012 فيها فعلا بعض التغييرات فى توزيعة الاوبشنز على كل الموديلات و هى تغييرات مؤثرة فعلا
برجاء الافادة و لو كده متوقع امتى هتنزل لان حرام الواحد يشترى حاجة دلوقتى و بعد 4 الى 5 شهور تتغير للاحسن و بفرق تمن قليل.

و شكرا

ايه يا جماعة الاخبار, مفيش ردود ليه على موضوعى
برجاء الرد , ارجوكم

المشاركة الأصلية كتبت بواسطة araaesh

والله يا استاذى كتر الف خيرك بجد
هو الموضوع مش منظم نهائيا :) ولكن,,
اسئلة الاعضاء جعلت من الموضوع كنز
انا حاجز فيات برافو وكان معايا قبلها دايهاتسو تيريوس
وقلبت بيها فرمضان
ودلوقت بعد بحث فى النت ملقيتش موضوع مفيد اكتر من موضوعك عن العربية وردك للاسئلة
انا قررت اشترى كيا سبورتاج هاى لاين وهحجز ان شاء الله وهلغى حجز الفيات برافو
انا كلمت محل بيع سيارات واتفقت معاها على الحجز وكله
الف شكر اخى الكريم,

السلام عليكم جميعا

متشكر جدا لزوق حضرتك وبالنسبة لموضوع التنظيم ده فأعزرني لأنه كان اول تقرير اعمله بنفسي والناس ساعدتني في عملية رفع الصور وطلعت شاطر الحمد لله ونفذت كل الخطوات بنجاح .

وعلى فكرة كان في رد من احد مشرفي قسم كيا وقالى هارفعلك الصور في اول الموضوع بعد الإنتهاء من رفعها جميعا وفعلا رفعت كل الصور وخلصت ورديت عليه وقولتله الموضوع بتاعكو تشيلووه تنسقووه تثبتووه براحتكوا ...................... ولا حياة لمن تنادي .

رغم الإشادة بالموضوع والمرفقات من اكثر من عضو وزي ما حضرتك تكرمت وقولت عليه كنز وده شيئ يشرفني ومع ذلك لم يتم تنسيقة او تثبيته من قبل الإدارة معلشي بقى اعمل خير و.................. انت عارف بقى .

و الف سلامة على حضرتك وفداهية اي عربية المهم سلامتك .

واحب اباركلك مقدماً وعلى فكرة الهاااااااااااااااااااااا ااااااااااي لاين هتعجبك اوي وهتحس بفرق جامد اوي عن الفئات الأقل وكل جنيه هتدفعه فيها هتاخد مقابله ( اساسيات زي الثبات الإلكتروني وده لوحدة كفاية وكذلك المساعدة في المنحدرات و كمان هتاخد كماليات زي الليدات والسقف البانوراما والفرش الجلد والكرسي الكهرباء الخ الخ......... ) واكبر دليل ان كل الناس اللي اشترت دفعت اوفر برايس نظراً لتميز العربية حتى الفئات الأقل بيدفعوا 20 الف اوفر وده اكبر دليل .

اي استفسار انا في الخدمة .