السلام عليكم..
السؤال للناس اللي جابت السبورتاج.. يا ريت تعطونا تقرير صغير عن حالة العربية دلوقتي من وجة نظركم
العربية عاملة كام كيلو دلوقتي و هل نظرتكم ليها اختلفت بعد التجربة بفترة (بشكل احسن من المتوقع ولا اقل) ؟؟
و شكرا
السلام عليكم..
السؤال للناس اللي جابت السبورتاج.. يا ريت تعطونا تقرير صغير عن حالة العربية دلوقتي من وجة نظركم
العربية عاملة كام كيلو دلوقتي و هل نظرتكم ليها اختلفت بعد التجربة بفترة (بشكل احسن من المتوقع ولا اقل) ؟؟
و شكرا
((ربنا يبارك لاى واحد راكب العربيه دى)) بس فى نقطه 1600على عربيه بالحجم ده صعب قوى ده انا عايز اجيب الكارينز وتعتبر اخف من السبورتاج وعلى 1600 سى سى بردو وخايف اجيبها بسبب الموضوع ده وليه مجبتش الشيفورليه كابتيفا والفرق حوالى 50 الف بس
السلام عليكم .......
اسف يا جماعة انا كنت مسافر بقالي فترة ولسة راجع فمكنتش متابع المنتدى .
الف شكر لأدارة المنتدى لتثبيت الموضوع .
بالنسبة لموضوع الموتور انا مش حاسس بأي تقل او عائق . انا كنت مسافر الغردقة والعربية خمسة افراد وشنط الخمسة وتكييف شغال في عز الحر وماشاء الله لاقوة الا بالله راحة مابعدها راحة في الشد والسحب والثبات . وعن تجربة مش ندمان خال اني جبتها وفي عربيات كتير بعدى منها بسهولة مابصدقش اصلا اني عديت .
اي استفسار انا في الخدمة .
عربية جميلة بسم الله ما شاء الله ربنا يبارك لك فيها ويديك خيرها ويكفيك شرها والف مبروك
السلام عليكم ...
الجديد العربية عاملة دلوقتي 18500 كم وكل يوم بحترمها اكتر عن اليوم اللي قابله حمالة قسية فعلا . الحاجة الوحيدة اللي حاسس انها ناقصة فيها الزينون بصراحة مهم جدا في شوارع المحروسة . وانا مسافر الغردقة قرصت شوية جبت بيها 197 كم/ساعة وبصراحة العربية تمام بس مرضتش ازود لأن السرعة القصوى اللي في الكتالوج تقريبا 180 كم حفاظا على سلامتنا وسلامة العربية منا مش راكب طيارة يعني .
انا ماشي بنزين 92 زي مانا وزي الفل . العفشة جميلة وناعمة بشكل مرضي جدا و السحب بقى ممتاز بعد العشرة الاف الأولى .
وكل حاجة بالمحافظة بتعييش وتعمر . سلامي للجميع