ثانى التقرير الحصريا كيا سبورتاج 2012 هاي لاين صور + تقرير مفصل

**scobedo** · 30-11-2011 03:26 PM

المشاركة الأصلية كتبت بواسطة fgfg1975

اطالة ايه يا باشا ده انت كتر خيرك
نقايس و نتكل على الله فى الهاى لاين
هى فعلا فروق تستاهل
واشكر حضرتك جدا و ربنا يبارك لك فيها

توكل على ومش هتندم . وابقى افتكرني

**aafawaz** · 30-11-2011 11:41 PM

هل يوجد بالسياره جهاز انذار

**scobedo** · 01-12-2011 09:42 AM

المشاركة الأصلية كتبت بواسطة aafawaz

هل يوجد بالسياره جهاز انذار

لا يوجد جهاز انذار وممكن تركيبة في التوكيل ب 400 جم وبيشتغل مع ريموت العربية الأصلي .

**occullt** · 01-12-2011 05:17 PM

المشاركة الأصلية كتبت بواسطة scobedo

الله يبارك فيك .
نصيحة لوجه الله لو هتقدر تيجى على نفسك في الفلوس وتكمل الفرق هات الهاي لاين لأن الفرق يستاهل
اول حاجة واهم حاجة برنامج الثبات الإلكتروني والمساعدة في المنحدرات يساوي اكتر من 10 الاف جنيه
فرش جلد محترم ( فخامة وراحة )
كرسي السائق كهرباء وفية مساعدة لأسفل الظهر
اضاءة نهارية ليدات ( برستيج عالي اوي ) مش موجود الا في الألماني
عدادات رياضية بإضاءة قوية مختلفة عن الفئات الأخرى وكمبيوتر رحلات دائري كبير مش مستطيل صغير بيبان فيها السنسور بارك مش صوت وبس .
مرايات ذاتية التعتيم ( يعنى توماتيكي توماتيكي )
كاميرا خلفية شاشتها في المراية تشتغل اوتوماتك مع الرجوع للخلف ودي مهمة جدا نظرا لعلو العربية
بلوتووث للتليفون ( ودي بئى ناس كتير تقولك ملوش لازمة ) وجهات نظر .
فتحة سقف امامية مائلة ومتحركة وسقف زجاجي خلفي برؤية بانورامية ( وده برضوا ناس تقولك بلدنا ماينفعهاش فتحة السقف اصل الكاوتش بتاعها ممكن يسرب وكلام كدة وخلاص ) وجهات نظر برضوا .

وفي الأول والأخر هو اختيارك بس عشان متحسش ان ناقصك حاجة في العربية وترجع تقول ياريتني توكل على الله وهات الهاي لاين .

واسف للإطالة .

معلش قصدك ايه لما قلت (فتحة سقف امامية مائلة ومتحركة وسقف زجاجي خلفي برؤية بانورامية) ..؟؟؟؟ ياعنى فتحتين السقف مابيتفتحوش على الاخر؟؟؟ولا واحده بتفتح وواحده لا؟؟؟؟وياترى بيتفتحوا بزرار قدامك ولا ازاى؟؟؟؟ سؤال كمان هيا مصفحه من تحت؟؟؟؟؟ والف مبروك مره تانيه ويكفيك شرها

**Land_Cruiser** · 01-12-2011 08:34 PM

معلش اسمحولى حتى الهاى لاين بيستوردوها من غير انذار؟ بجد عيب

**scobedo** · 01-12-2011 09:20 PM

المشاركة الأصلية كتبت بواسطة occullt

معلش قصدك ايه لما قلت (فتحة سقف امامية مائلة ومتحركة وسقف زجاجي خلفي برؤية بانورامية) ..؟؟؟؟ ياعنى فتحتين السقف مابيتفتحوش على الاخر؟؟؟ولا واحده بتفتح وواحده لا؟؟؟؟وياترى بيتفتحوا بزرار قدامك ولا ازاى؟؟؟؟ سؤال كمان هيا مصفحه من تحت؟؟؟؟؟ والف مبروك مره تانيه ويكفيك شرها

مساء الخير عليكم جميعا .
اسف لوكان كلامي مش واضح بس هاحاول اوضح اكتر .
السقف من الداخل مقسم الى جزئين الجزء الأمامي ذي اي فتحة سقف بتفتحها على الوضع المائل بزاوية30 درجة ودي بتبقى مجرد تهوية وممكن تفتحها على الأخروبتتحرك للخلف وساعتها بتبقى فوق النصف الخلفي اما الجزء الخلفي فهو زجاج فقط ولا يفتح والنصفين من الداخل ( السقف الداخلي ) بهما ستارتين جلد تفتح وتغلق يدويا لحجب الأضاءة اذا اردت ويكون شكلهما مثل السقف العادي وهما مغلقين .ويوجد ذر كهربائي بين انوار الصالون الأمامية خلف حامل النظارة للتحكم في النصف الأمامي بضغطة واحدة للوضع المائل واخرى للفتح الكلي وممكن تظبط الفتحة على قد مانت عايز برضو .
ملحوظة عندما تكون فتحة السقف الأمامية مغلقة او على الوضع المائل تكون الرؤيةمن النصف الخلفي واضحة وذلك مع فتح الستارة اما في حالة فتح الزجاج الخاص بالنصف الامامي الى الخلف الروئية تكون واضحة ايضا ولكن بأضاءة اغمق شوية لأن الزجاجين فوق بغض.
هو كدة كدة النصفين زجاج فامية يمكنك من الروئية من الداخل وليس العكس .
وعندما تنظر للسيارة من الخارج اومن اعلى تشعر بأن السقف كله زجاج اسود .

السيارة مصفحة من اسفل الماتور وباقي الشاسية وحتى اخر السيارة من الخلف يوجد دعامات فيبر لحجب الطين والأوساخ عن جسم السيارة

نسيت اضيف ان الهاي لاين بها نظام المفتاح الذكي للدخول او غلق السيارة وفتحها من خلال ذرين موجودين في اوكر البابين الأماميين وكذلك فتح الشنطة بدون مفتاح ذر برضو بس كل ده بيحصل وانت قريب من العربية بمسافة لا تتجاوز70 سم . وكذلك تشغيل الموتور بزرار ولازم يكون المفتاح في جيبك او داخل السيارة .

ايه رأيكوا بقى في اللغة العربية الفصحة دي . ولا درس عربي من بتوع الأبتدائية .

**occullt** · 02-12-2011 06:44 AM

المشاركة الأصلية كتبت بواسطة scobedo

مساء الخير عليكم جميعا .
اسف لوكان كلامي مش واضح بس هاحاول اوضح اكتر .
السقف من الداخل مقسم الى جزئين الجزء الأمامي ذي اي فتحة سقف بتفتحها على الوضع المائل بزاوية30 درجة ودي بتبقى مجرد تهوية وممكن تفتحها على الأخروبتتحرك للخلف وساعتها بتبقى فوق النصف الخلفي اما الجزء الخلفي فهو زجاج فقط ولا يفتح والنصفين من الداخل ( السقف الداخلي ) بهما ستارتين جلد تفتح وتغلق يدويا لحجب الأضاءة اذا اردت ويكون شكلهما مثل السقف العادي وهما مغلقين .ويوجد ذر كهربائي بين انوار الصالون الأمامية خلف حامل النظارة للتحكم في النصف الأمامي بضغطة واحدة للوضع المائل واخرى للفتح الكلي وممكن تظبط الفتحة على قد مانت عايز برضو .
ملحوظة عندما تكون فتحة السقف الأمامية مغلقة او على الوضع المائل تكون الرؤيةمن النصف الخلفي واضحة وذلك مع فتح الستارة اما في حالة فتح الزجاج الخاص بالنصف الامامي الى الخلف الروئية تكون واضحة ايضا ولكن بأضاءة اغمق شوية لأن الزجاجين فوق بغض.
هو كدة كدة النصفين زجاج فامية يمكنك من الروئية من الداخل وليس العكس .
وعندما تنظر للسيارة من الخارج اومن اعلى تشعر بأن السقف كله زجاج اسود .

السيارة مصفحة من اسفل الماتور وباقي الشاسية وحتى اخر السيارة من الخلف يوجد دعامات فيبر لحجب الطين والأوساخ عن جسم السيارة

نسيت اضيف ان الهاي لاين بها نظام المفتاح الذكي للدخول او غلق السيارة وفتحها من خلال ذرين موجودين في اوكر البابين الأماميين وكذلك فتح الشنطة بدون مفتاح ذر برضو بس كل ده بيحصل وانت قريب من العربية بمسافة لا تتجاوز70 سم . وكذلك تشغيل الموتور بزرار ولازم يكون المفتاح في جيبك او داخل السيارة .

ايه رأيكوا بقى في اللغة العربية الفصحة دي . ولا درس عربي من بتوع الأبتدائية .

بصراحه الله ينور عليك.....ماتحرمناش من اى تطورات او تعليقات جديده لاحظتها واى تعليقات برضه على التطور فى استهلاكها للبنزين معاك وبقى يعمل التر معاك اد ايه مع الوقت...وربنا يباركلك فيها

**roffa1** · 02-12-2011 03:13 PM

ممكن أسأل حضرتك عن التسارع بعد ال 100 هل هو فعلا مش أد كده أصل العربيه عاجبانى قوى و بفاضل بينها و بين الفنتازيا و لكن الفنتازيا وحشه قبل ال100. ولكن بعد ال 100 وحش حقيقى.
كمان نفسى أسأل عن أقصى سرعه وصلتلها و أقصى سرعه يمكن الوصول اليها

**scobedo** · 02-12-2011 03:25 PM

المشاركة الأصلية كتبت بواسطة roffa1

ممكن أسأل حضرتك عن التسارع بعد ال 100 هل هو فعلا مش أد كده أصل العربيه عاجبانى قوى و بفاضل بينها و بين الفنتازيا و لكن الفنتازيا وحشه قبل ال100. ولكن بعد ال 100 وحش حقيقى.
كمان نفسى أسأل عن أقصى سرعه وصلتلها و أقصى سرعه يمكن الوصول اليها

السلام عليكم جميعا "
بالنسبة للتسارع بالنسبة ليا انا شايفة كويس جدا سواء قبل ال 100 او بعدها وعلى فكرة هي استهلاكها مع بنزين 95 افضل من ال 92 والتسارع ايضا بس مش بفرق جامد يعني بس لما بتعمل كيك داون ( تسارع مفاجئ ) استجابنها بتبقى فوق المتوقع نظرا لتقل العربية وحجمها .
اقصى سرعة جبتها كانت 150 وبصراحة جبتها وانا سرحان على المحور وكان ال ار بي ام مش واصل لل 3 الاف . وثباتها كان ممتاز الصراحة .
ولتر ا بنزين يمشيها من 9 الى 11.5 كم حسب ظروف القيادة .

**yasserelsayad** · 02-12-2011 03:46 PM

المشاركة الأصلية كتبت بواسطة wshawky

معلش اسمحولى حتى الهاى لاين بيستوردوها من غير انذار؟ بجد عيب :_alshmokh08[1]:

هى اصلا مش بتزل برا بانذار

المشاركة الأصلية كتبت بواسطة roffa1

ممكن أسأل حضرتك عن التسارع بعد ال 100 هل هو فعلا مش أد كده أصل العربيه عاجبانى قوى و بفاضل بينها و بين الفنتازيا و لكن الفنتازيا وحشه قبل ال100. ولكن بعد ال 100 وحش حقيقى.
كمان نفسى أسأل عن أقصى سرعه وصلتلها و أقصى سرعه يمكن الوصول اليها

ببنزين 92 تثبت مع الفانتازيا لحد 150 وبعد كدا الفانتازيا هتبدأ تطلع براحة