الموضوع: غيرت من موبيل وان الى ليكوي مولي وإليكم تقريري

المشاركة الأصلية كتبت بواسطة محمد الجرجاوي

• نوع العربية :ميتسوبيشي لانسر
• موديل العربية: 2000 ( الكريستالة ) 1300 cc مانيوال
• عدد الكيلومترات المقطوعه اجمالي: 204000
• عدد الكيلومترات المقطوعه باستخدام الزيت: 2000
• نوع الزيت المستخدم: Mobil 1 من الزيرو
• نوع الزيت الجديد : Liqui moly top tec 4100

• استعملت في الاول motor cleaning حوالي 10 دقائق والعربية في وضع عدم التعشيق ( ممورة ) وبعد كدا نزلت الزيت القديم بالفلتر وتم التغيير للزيت الجديد والفلتر واستعملت حوالي 3 لتر وربع بالفلتر ومعايا لتر الا ربع :)

الملاحظات

• في اول 500 كم صوت الموتور كان عالي مع الحرق على الغيارات مقارنة بموبيل وان وبعد كدا الصوت ظبط والحمد لله
  
• اللزوجة قلت والصراحة مش عجباني مقارنة بلزوجة الزيت المتبقي ( الغير مستخدم )
  
• المفاجأة استهلاك البنزين تحسن بعد اول 500 كم واحيانا يرجع زي الاول مش عارف ليه يعني ممكن تفويلة اه وتفويلة عادي ( الاستهلاك القديم )
• احيانا صوت الموتور يكون خشن شوية وصوته عالي بس دا والجو بارد وخصوصا اليومين اللي فاتوا والصبح ( ود مكنش موجود في موبيل وان )
• ان شاء الله ناوي احط سيارتك يمكن الدنيا تظبط شوية عشان الكيلو متر العالي
• وعلى فكرة اللينك بتاع الشركة كان اول اختيار ليه هو زيت سوبر لايت لاف ورقم 2 كان توب تك 4100
• وطبعا عشان انا بستعمل موبيل وان ( تخليقي ) استعملت توب تك 4100
  
• وجاري متابعة الزيت كل 500 كم واللزوجة
  

مبروك على الزيت الجديد وايه حكاية الاستهلاك ده شكله مرض فى البنزينات انا برضوا تفويلة تقعد 270 كيلو فى الصفيحة والثانية تقعد 200 كيلو فرق شاسع ومش عارف من ايه بالنسبة لصوت الموتور طبيعى انه يكون عالى فى الشتاء بس شم بصفة مستمرة وطبعا انا كان اعتراضى من الاول على موضوع زيت تخليقى ايا كان نوعه ايه وشوف كده لو حطيت السيراتيك اخبار الموتور ايه اكيد الصوت هاينخفض والتسارع هايكون احسن وبالتالى استهلاك البنزين هايكون حلو باذن الله وجرب تمون من نفس الطرمبة اللى انت مونت منها لما وفرت بنزين رغم انى اعتقد انها خزعبلات بس الواحد بيحاول وطبيعى ان اللزوجة تخف لو العربية سخنة شوية وبعدين ده تخليقى يعنى خفيف جدا وخليك فاكر كلمتى لو غيرت لنوع نصف تخليقى ونصف معدنى هايحصل حاجتين صوت الموتور هايكون احسن واللزوجة هاتتقل وتبقى عربيتك طبيعية ايا كان نوع الزيت مش شرط نوع معين وعربيتك ماشاء الله ربنا يباركلك فيها ماشية 200 الف يعنى رقم مش صغير والخلوص بتاع الموتور زاد اكيد دى من 11 سنة وبالتوفيق ان شاء الله تحياتى

مبروووك التغيير و ابقا تابع بقا علشان هغير زيت قريب انا كمان لو اثبت معاك كفائة قول
بس هو الزيت ده كام كيلو يعنى 3الاف ولا كام

المشاركة الأصلية كتبت بواسطة prisoner

مبروك على الزيت الجديد وايه حكاية الاستهلاك ده شكله مرض فى البنزينات انا برضوا تفويلة تقعد 270 كيلو فى الصفيحة والثانية تقعد 200 كيلو فرق شاسع ومش عارف من ايه بالنسبة لصوت الموتور طبيعى انه يكون عالى فى الشتاء بس شم بصفة مستمرة وطبعا انا كان اعتراضى من الاول على موضوع زيت تخليقى ايا كان نوعه ايه وشوف كده لو حطيت السيراتيك اخبار الموتور ايه اكيد الصوت هاينخفض والتسارع هايكون احسن وبالتالى استهلاك البنزين هايكون حلو باذن الله وجرب تمون من نفس الطرمبة اللى انت مونت منها لما وفرت بنزين رغم انى اعتقد انها خزعبلات بس الواحد بيحاول وطبيعى ان اللزوجة تخف لو العربية سخنة شوية وبعدين ده تخليقى يعنى خفيف جدا وخليك فاكر كلمتى لو غيرت لنوع نصف تخليقى ونصف معدنى هايحصل حاجتين صوت الموتور هايكون احسن واللزوجة هاتتقل وتبقى عربيتك طبيعية ايا كان نوع الزيت مش شرط نوع معين وعربيتك ماشاء الله ربنا يباركلك فيها ماشية 200 الف يعنى رقم مش صغير والخلوص بتاع الموتور زاد اكيد دى من 11 سنة وبالتوفيق ان شاء الله تحياتى

الله يبارك فيك يا برنس واستهلاك البنزين عندي مش مظبوط مرة الصفيحة تعمل 250 ومرة تعمل 200 مش عارف فيه ايه بس عموما هيا مع زيت موبيل مكنتش بتوصل ل 250 خالص غير في السفر او مشاوير طوالي والمرة الجاية هستعمل سوبر لايت لاف دا لزوجته زي الماجنتك كدا

المشاركة الأصلية كتبت بواسطة sasa3

مبروووك التغيير و ابقا تابع بقا علشان هغير زيت قريب انا كمان لو اثبت معاك كفائة قول
بس هو الزيت ده كام كيلو يعنى 3الاف ولا كام

المشاركة الأصلية كتبت بواسطة mohammedabdallh

مبروك ياباشا
وتبعنا دايما علشان هغير زيت برده قريب

المشاركة الأصلية كتبت بواسطة sameh2009

تقرير رائع والف شكر ليك بجد انا برضة كنت حاطط موبيل 1 وبفكر اغير لاى نوع زيت وفكرت طبعا فى شيل لان الكل بيقول انة دلوقت افضل من موبيل بس طبعا سمعت عن ليكوى مولى وكنت بفكر اجربة

الله يبارك فيكوا وان شاء الله هتابع الزيت ولو في جديد هبلغكوا :)

المشاركة الأصلية كتبت بواسطة sonasteel

محمد بيك ..... كيفيك وكيف أحوالك
مبدئيا اعتقد انك كنت المفروض تاخد الفورميلا مش التوب تيك ....... لان الماتور ماشاء الله عامل كيلوهات كتير
ياريت لو تجرب برده الفورميلا اكيد هايفيدك اكتر من التوب تيك
وكمان لما بتقول اللزوجة قلت ... يبقي اكيد الماتور فيه جزاء كتير متأكلة ولما بيحك حديد في حديد بيسخن ويقلل اللزوجة
وده رأي ممكن يكون غلط او صح
وكنت جربت السيراتيك يحافظ علي الماتور برده

كلوا تما حسين بك
ان شاء الله هجرب السوبر لايت لاف المرة القادمة