الموضوع: خـــــصم خـاص .. من جيـنز كــار لفــرش السيــارات لصــقور نيسان فقط

بسم الله الرحمن الرحيم

قبل اي حاجة عاوز اوجه شكري للحاج احمد الانسان الجميل اللي استفدت منو على المستوى الشخصي و العملي الشخصي اسلوبه في التعامل مع الناس وانو مبيرضاش يفرض رايو على زبون وطبعا كل زبون ليه عقليتو وهو عندو مرونة في التعامل طبعا انا جيتلو من اسكندرية مخصوص بترشيح من ahmed tv وسالت عضوة برضو في المنتدى عنو وشكرتلي فيه جزاكم الله خير
وااحب اشكر احمد مصطفى لاني بجد كنت ححتاس بدونو الراجل مشكور استضافني في بيتو واكرمني احلى كرم بجد "رب اخ لك لم تلده امك" وربنا يديم المحبة والاخوة يا احمد

رحت يوم الاتنين العصر وخدت احمد معايا من محل عملو ورحنا ليه طبعا دي اول قشقاي تركب فرش فالموضوع مش سهل لان مفيش داتا بيس فيها صور فرش ليها فكانت عندي فكرة اني اخد كتالوج بتاع الامارات واوريه للحج احمد لان الحج احمد بعتبرو مهندس ديكور بجد يعني عندو قوة تخيل وبعد تخيل قوي جدا ما شاء الله

قلتلو انا عاوز اللون النبيتي بتاع الاماارات فشاف العربية من بعيد فطبعا استصعب الموضوع لما شاف الكتالوج وشغل الابداع عندو حس ان فيه امكانية انا بقا عشان :

اولا مليش خبرة في حاجة زي دي
ثانيا خفت افرض حاجة في نفسي وتطلع وحشة
ثالثا عارف ان الحج احمد مبدع جدا جدا
طبعا قلتلو اي حاجة على ذوقك انا راضي بيها وانا عارف اني عمري ما حندم باذن الله
جه دور الخامات قالي اختار احمد مصطفى حاول يفهمني الفرق والحج احمد كلمني برضو في تكلفة كل خامة لان في ناس ممكن تفكر في سعر الخامة اكتر منها
طبعا قلتلو انا مبفهمش في حاجة زي دي قتللو اللي يعجبك فكان في خامة نازلة جديد ب 1800 "عارف ناس حتقول حرام كتير وكسوة ب 300 جنيه زي الفل " حسيب موضوع الكسوة لاحمد مصطفى
يوميها تم الاختيار وقلتلو ياريت بس لو الفرش حتدخل فيه اي لون يكون فيه نبيتي وهو قالي ان شاء الله سيبهالي

قابلت يوميها وليد وحسين و احمد اف بي اي والاخ بسام وقعدنا مع بعض قعدة حلوة في كافتيريا قريبة
بجد دي من الحاجات اللي خلت قعدتي هناك احلى ما يكون وكنت عاوز الفرش يخلص في اسبوع
قلتلو امتى قالي بكرة 12 بالليل "عشان مفيش استمبة او باترول عندو للقشقاي" قلتلو اوك
احمد مشكورا استضافني عندو يوميها وخدني للحرفيين وبيت عندو "حبقى اعمل كل كم يوم فرش عشان اشوفك"
وتاني يوم رحت للحج احمد الظهر كده وقعدت ادردرش معاه شوية وبجد استفدت في حاجات في موضوع الجلود والفرق بين الصناعي والطبيعي وطبعا بعد الكلام ده فضلت الصناعي 100 مرة

المهم احمد مصطفى جالي وانا بصراحة كنت ماسك نفسي اني اقعد كل شوية اسال امتى حتخلصو عشان مضفطش على حد لان اي انسان محترف يحب يشتغل برواقة فراح خدني الحرفيين اشوف الدنيا ايه واستفاد لاني اول مرة اروح هناك
وبعدين رحنا القرش نتفرجو على العربيات هناك بالذات الجوك
ولا تتعليق على الجوك

الحمد لله تقريبا جت الساعة 10 او 11
رحت هناك فسكت كده والحج احمد بيحاول يصبرني ويقولي في كرسي حيطلع طبعا جابلي الكرسي اللي اتعمل واللي متعملش عشان اعمل مقارنة
وبسم الله ما شاء الله بجد حسيت انو جاب كرسي تاني وصاحبي بيقولي ده شبه فيات برافو
تسلم ايدك يا حج احمد انت والاخوة اللي شغالين هناك
طبعا الوقت ازف منهم من غير ارادتهم لان دي حاجة مفيهاش استعجال وتقدير الوقت فيها مش سهل

والحمد لله الموضوع خلص على 4 تقريبا وساعة الحساب الحاج احممد كان مرهق فقالي توكل على الله "شوفو الاخلاق" اصريت عليه يحسبها باي طريقىة عشان اقدر امشي لان دي حاجة مينفعش متتقدرش في ساعتها وانا عارف ان مهما قدرتها مش حوفيه حقه بجد
قالي بعد الخصم حوالي 1750 تقريبا قلتلو لو شلت الخصم برضو شوية عليها والله

الحمد لله بعد تجربة الكرسي القعدة مريحة جدا والجلد ما شاء الله كويس والتقفيل محترم جدا
والحج احمد لوحدو حكاية تانية تستاهل تروحلو كل يوم وتركب جلد عشان تشوفو وتكلمو

سلامي ليك يا حج احمد وشكري ليك

الف شكر يا احمد مصطفى ومفيش كلمة ولا حاجة تقدر اللي بتعملو معانا


اخوكم اسامة