ماهي المشكلة اني كل ما روح التوكيل ملاقيش المهندس ايهاب:36_1_2[1]: كل ما روح الاقي المهندس محمد فقوسة:120146b
عرض للطباعة
هو في ايه في ال ecu ؟؟
و كمان انا عندي حاجتين غراب ظهروا
انهارده كنت ماشي لقيت حاجه غريبه,
كنت الصبح و طبعا النور مطفي بس النور بتاع عداد الكيلومتر الديجيتال بيبقى منور على طول
لما بدوس بنزين النور بيجمد و لما اشيل رجلى من على البنزين النور بيضعف !!!!
حاجه تانيه باليل جريت بالعربيه شويه بعدين حسيت بصوت تكتكه بسيطه كده
كرّكت بنزين فراحت (كانت على سرعة 165 تقريبا)
المهم الصوت راح و جريت تاني مظهرش بس لما وصلت ووقفت بالعربيه و هي دايره حاسس ان العربيه بتترعش جامد كانها بارده اول ما ادورها مع انها سخنه (الرعشه مستمره مش بتيجي و تروح)!!!
في حاجه كمان ساعات لما العربيه تكون بارده و اكسر الدركسيون على الاخر يظهر صوت غريب قوي و عالي زي ما يكون في حاجه زنقه على حاجه و بتخبط فيها (و لما رحت الصيانه و حاولت أوريلو الصوت مظهرش لان تقريبا الصوت بيطلع و هي بارده اوقات و اوقات لا)!!!
حد عنده حل او اي افاده بعد اذنكم ؟؟!!!!
بالنسبه لموضوع الاضاءه بتاعت عداد الكيلومتر الديجيتال.. ده عادي... بتحصل عندي من زمان... بس مش دايما.
الرعشه دي في الغالب بنزين وحش... ساعات بتحصل عندي... بس بتكون متقطعه مش مستمره.
الصوت اللي لما بتكسر انت قصدك عل حاجه غير صوت الباور؟!! راجع على زيت الباور.
سؤال... عربيتك عامله كام الف؟
انا كنت امبارح في التوكيل طول اليوم,
كشف على البوجيهات و السلوك لقاهم كويسين بس البوجيهات رجلشهم شويه العربيه اتظبطت
بعدين العربيه اتغسلت,
قبل ما اطلع بيها من التوكيل العربيه رجعت تترعش اكتر من الاول حتى الناس شافوها استغربوا
ففتح و نفخ بالهوا مكان اسلاك الكهربا و نشفها خالص العربيه اتعدلت تاني,
عقبال ما روحت حسيت انها بتترعش تاني بس على خفيف قوي,
مع العلم ان البنزين كان قرب يخلص و وانا مروح مونت من توتال الي على الدائري بنزين نص 95 و النص التاني 92 عشان مقدرتش اكمل 95:shyy:
بالنسبه لصوت الدركسيون قاللي هو بيعملها معاك لما العربيه تسخن؟
قولتله لا
قاللي يبقى مفيش مشكله هي بس بتكون المكنه بارده و الزيت لسه مسخنش و اتحرك كويس في المكنه(زيت الباور) قاللي عشان كده لما بتسخن الصوت بيروح
و العربيه عامله 29000 ان شاء الله رايح كمان الف صيانة ال30 لو متظبتتش هغير طقم الكهرباء و فلتر البنزين مع اني لسه مغير طقم الكهربا الصيانه الي فاتت بس تقريبا حسيت ان المشكله منه و فلتر البنزين معاده صيانة ال40
بس مش هينفع امشي بيها كده
و هو كشف عليها بالكمبيوتر قاللي مظبوطه و مفيهاش حاجه