ياريت تنصحونى بخصوص شراء الاوكتافيا..مهم جدا ليا

يا جماعه انا متلخبط جدا ف قرار شراء العربيه انا شفت عربيه a5 موديل 2007 عامله 60 الف كيلو ورشه من الجناب مرمات بسيطه مش باينه وصاحبها بيقول فيه ورنيش على الكبوت والشنطه (بس مش فاهم ايه لازمته)بس العربيه شكلها كويس من بره معقول يعنى..العربيه هاى لاين فتحه سقف زينون مثبت سرعه..الكاسيت مش تتش ومن غير شاشه

العربيه انا ركبتها وجربت الكماليات بتاعتها بس فيه حاجه لفتت نظرى لما شغلت التكييف حسيت فالاول انه مش بيبرد كويس فقلت لصاحبها فجه قعد مكانى وفضل يدوس على دواسه البنزين وبعدها بدات فتحات التهويه تجيب هواء ساقع بس مش الهواء البارد اوى (انتوفاهمنى) يعنى بارد اه بس مش ساقع اوى وطبعا ده قلقنى شويه لان احنا ف الصيف بتبقى الدنيا نار ومينفعش يبقى التكييف مش اوى فهل ده هو تكييف الاوكتافيا ولا التكييف مش كويس ف العربيه نفسها وازاى اعرف ان التكييف بيعمل بكفاءه ..

المطلوب فى العربيه 113 الف جنيه فهل المبلغ ده كتير ولا معقول

ياريت يا جماعه تفيدونى لانى مش عارف اعمل ايه

مفيش ردود ليه يا جماعه؟؟ارجو الاهتمام والمساعده

شوف غيرها يكون 2008 بحد أدني.لأن لحد 2007 فيها مشكلة في التكييف بتتحل بـ 3000 جنيه.

خد بالك من التفيس

الفتيس

اقتباس:

---

المشاركة الأصلية كتبت بواسطة rozzario82

فجه قعد مكانى وفضل يدوس على دواسه البنزين وبعدها بدات فتحات التهويه تجيب هواء ساقع بس مش الهواء البارد اوى (انتوفاهمنى) يعنى بارد اه بس مش ساقع اوى

---

ألكباس محتاج تغيير

على فكرة التكييف مش بيسقع الا لما العربية تمشى
موضوع الحاجات الكتير اللى راشة دى مش حلو
اكشف فى التوكيل اللى فى العبور احسن علشان واضح انه مش بيحافظ عليها
بالتوفيق

اقتباس:

---

على فكرة التكييف مش بيسقع الا لما العربية تمشى
موضوع الحاجات الكتير اللى راشة دى مش حلو
اكشف فى التوكيل اللى فى العبور احسن علشان واضح انه مش بيحافظ عليها
بالتوفيق

---

+1

بس انا مش عارف ايه الاحسن ادفع 113 الف فى اوكتافيا2007 ولا ادفع اقل منهم فى سيراتو 2010 ولا 2011 ايه الاحسن ؟؟؟

ما قولناش سيراتو بس شوف a5 انضف وفابريكة بنفس السعر هتلاقى

هو 113 لموديل 2007 كويس مش وحش بس انت بتقول العربيه راشه ...... انا متباع قدام منى موديل 2008 ب 120 الف هاى لاين بحالة الزيرو ....... وبعدين مش تقارن سيراتو بالاوكتافيا .... حتى لو دى زيرو ودى مستعمله ....... قارن الزيرو بالزيرو .... والمستعمل بالمستعمل وفى نفس الفئه والموديل

السلام عليكم
أنصح حضرتك بالصبر للحصول على حاجة تكون فابريقة بالكامل وكيلومتر قليل عشان موضوع الفيتيس ده مهم وخطير بدل ما تغير الصمام الرئيسي للفتيس (body valve) وده ثمنه 10000ج.م ... أيوة عشر آلاف جنيه. وده مش عيب في العربية ولكن بيحصل بسبب إن المستخدم بيطنش تغيير زيت الأوتوماتيك الأصلي، إنما A5 عربية تمام ومحترمة ولو لقيت موديل أعلى يكون أفضل علما بأن السعر المطلوب عالي حبتين والكويس منها كتير. وبالتوفيق

انا قصدى يا جماعه هل الراحه الفرق بين اوكتافيا وحالتها كويسه موديل 07 او 08 احسن من الزيرو سيراتو لانى كنت مع صاحب معرض عربيات وفضل يقولى احساس الزيرو مختلف عن المستعمل حتى لو اوكتافيا وقالى هيشوف اوكتافيا مستعمل ليا

بس انا بتكلم ف متعه السواقه والامان والاوبشن والتكييف (مهم جدا) بالنسبه ليا ف الحر مين كفته ارجح؟؟؟

انصحونى لانى بجد دماغى هتضرب وخايف اندم على الاختيار

والله يا أخى
اخوك دافع 110 فى موديل 2006 الفئه الاولى كمان
من اسبوعين بس
بس العربيه هى عامله 70000 كيلو من واحد اعرفه كويس بيحافظ جدا على العربيه لدرجه ان العربيه مفياهاش خدش وصيانتها بالتوكيل واخدت منه فواتير الصيانه ومنهم صيانه ال60000 لاتأكد من تغيير زيت الفتيس
بس الحق يتقال غير لى الاربعه كاوتش جديد والبطاريه وغيار زيت 10000 واعطى لى معاها دى فى دى تى فى وبلوتوث بيعمل حوالى 2500جنيه ورخص لى 3 سنوات
بيتهيئلى السعر عالى شويه بس فضلت ادفع زياده بس فى عربيه انا ضامنها
وياريت الاخوه يقولوا لى العربيه تقريبا بالمواصفات دى تعمل كام

لازم صاحب المعرض يقولك كده لان هو مش عنده اوكتافيا بس اكيد عنده سيراتو انما لو عنده اوكتافيا وانت عاوز سيراتو هايقولك سيراتو ايه دي اي كلام وبعدين اوكتافيا تكسب السيراتو بمراحل ونصيحه اخيره اوعي تشتري من تجااااااااااااااار اوعي تشتري من تجار حتي لو كان اخوك وهايدفع معاك في العربيه وربنا يكرمك

بالنسبة للاستاذ توتى ما شاء الله السعر حلو جدااا وربنا يباركلك فى العربية

اقتباس:

---

المشاركة الأصلية كتبت بواسطة tootte

والله يا أخى
اخوك دافع 110 فى موديل 2006 الفئه الاولى كمان
من اسبوعين بس
بس العربيه هى عامله 70000 كيلو من واحد اعرفه كويس بيحافظ جدا على العربيه لدرجه ان العربيه مفياهاش خدش وصيانتها بالتوكيل واخدت منه فواتير الصيانه ومنهم صيانه ال60000 لاتأكد من تغيير زيت الفتيس
بس الحق يتقال غير لى الاربعه كاوتش جديد والبطاريه وغيار زيت 10000 واعطى لى معاها دى فى دى تى فى وبلوتوث بيعمل حوالى 2500جنيه ورخص لى 3 سنوات
بيتهيئلى السعر عالى شويه بس فضلت ادفع زياده بس فى عربيه انا ضامنها
وياريت الاخوه يقولوا لى العربيه تقريبا بالمواصفات دى تعمل كام

---

ربنا يباركلك فيها وسعر العربيه كويس جدا كفايه ان حضرتك عارف اصلها و فصلها