اللعب فى عداد الزلمكه ؟!

**silverlite** · 21-11-2011 05:39 PM

لما يقولك زلمكه موديل 85 وعامله 60 الف كيلو فقط !! و مرفوعه مش عارف كام سنه ..دى حاجه تتصدق !؟ وهل متاح فى المرسيدس اللعب فى العداد -يقال انك لو حاولت فى ترس بيتكسر و العداد بيبوظ...؟؟!!

**MBhead** · 22-11-2011 01:55 AM

ممكن يا فندم ليه لا!!! انا عربيتي موديل 79 و عاملة 110 الف ...لكن بغض النظر عن اللعب في العداد العربية لو عامله عداد قليل بتبقي بخيرها لسه و بيبان عليها انها فابريكة
في ناس كتير جدا جدا بتقول حكاية ان العربيات مرفوعة و ممكن ميعلبش في العداد دا ممكن يجيب واحد ب 200 جنيه يكون بتاع عربية استيراد عامله فعلا الكليوات دي فقط و يركبه بدل القديم لكن لو كانت مركونة بالفعل بيبان عليها

**silverlite** · 23-11-2011 02:03 PM

يا باشا لو مرفوعه 10 سنين يبقى باقى 15 سنه ..!!يعنى مكملتش 5 الاف فى السنه ؟؟كده يبقى صاحبها بيمشى اكتر منها !!!!ههههه - تحياتى

**MBhead** · 23-11-2011 02:22 PM

يا سيدس الفاضل ممكن تكون مش العربية الاولي ...صاحبها ممكن يكون عنده عربية تانية و راكن المرسيدس و بياخدها يمشيها كده مرة كل شهر مثلا ف ناس كتير بتعمل كده ...الله اعلم
حضرتك لا يمكن تجزم الكلام صح اوغلط الا لما تشوف العربية

**human** · 23-11-2011 02:27 PM

ممكن يكون مش بيركبها كتير عادى

**kar!m** · 23-11-2011 02:36 PM

ممكن على فكرة عادى .. أخويا عربيتة عامله 10 الاف كيلو ف 3 سنين.

و فى واحد جارنا عربيته عامله 2000 كيلو فى سنتين .. عنده عربية تانية بيمشى بيها.

و فى ناس كتير بتخلى العربيات الكبيرة للرحلات و المشاوير المهمة .. و يكون عنده عربية تانية صغيرة للمشاوير اليومية.

**nicegypt** · 23-11-2011 02:37 PM

المشاركة الأصلية كتبت بواسطة human12

ممكن يكون مش بيركبها كتير عادى

العربية ؟

ولا
المرسيدس

**WalidAdel** · 27-11-2011 03:28 AM

ياباشا لو حضرتك بتتكلم علي العربيه اللي معروضه للبيع علي كونتاكت كارز افتكر ان كلامهم صحيح العربيه الصاج بتاعها من بره باين عليه انها مركونه و معتقه كمان من الركنه و لو لاحظت في تاني صوره الكاسيت بتاع الفابريكه تقريبا اللي بينزل فيها ليسه موجود و جديد كمان مافيهوش زراير مكسره و لا حاجه حتي الشاشه بتاعته شكلها جديد ولا حتي الكتابه اللي علي زراير التكييف اتمسحت
العربيه مش قراية عداد بس لازم يبقي قراية عداد و حالة صالون و تابلوه لان 60 الف دي يبقي العربيه يعتبر ماحدش قعد فيها اصلا فهتلاقي صالونها جديد نوفي بغض النظر عن حاله العربيه من بره سواء متجدده او سايبها علي وضعها
لو مكانك و بدور علي واحده اروح ابص عليها وقتي لو فعلا العداد ده صح تبقي لقطه بالسعر ده اصلا