عندي مشكلة في WiFi الاندوريد بتاعي وياريت الاقي عند حد الحل
اولا طبعا السلام عليكم
انا تليفوني Sony Ericsson Xperia mini
http://www.nilemotors.net/Nile/25400...eria-mini.html
لسه جايبه ماكملش شهر
المشكلة باختصار اني بعد ما جبته واتشغلت كام يوم قولت اجرب الواي فاي
وكنت عملت عندي اختراع مقتبسه من واحد صاحبي
الا وهو اني جبت كارت ويرلس USB
وبخليه هو يعمل ويرلس
وعملتها بس بدخل بالتليفون يدخل ويقعد دقيقة ويقطع
وهكذا
وبصراحة قلقت ورحت تاني يوم عند واحد صاحبي عنده ويرلس ( لان انا الراوتر عند جاري وانا مش لاقط منه ويرلس )
المهم اشتغل زي الفل وفضلت قاعد يجي ساعة الاربع
واجي عندي راح قطع برضه رغم ان صاحبي معاه HTC وشغال ومش بيقطع وكل حاجة زي الفل
المهم انا قولت العيب في الاختراع دا ( العك دا )
وجبت راوتر ويرلس TP link
ودخلت فيه كابل النت الي عندي وطلعت منه كابل تاني لجهاز الكمبيوتر
واشتغل ويرلس
وشغال بس نفس الحكاية بيقطع
اتجننت
وكنت لسه في اول 14 يوم في الضمان رحت رايح وقولت هبدله طبعا
رحت وكل حاجة وجينا نجربه
فضلت شغال عليه اكتر من نص ساعة لحد ما زهقو مني
ولما بجربه في كافيه نادر لما يقطع
بس عندي بيقطع
المشكلة كده فين
لانها بصراحة مضايقاني اوي
انا الموبايل معايا زي الفل في كل حاجة وبصراحة عاجبني اوي وممكن ارشحه لاي حد
وحاسس ان العيب دا مش في الموبايل
بس مش عارف فين
ياريت لو حد يعرف يفيدني