افيدوني في مصيبه 307

**kekokelany** · 22-11-2011 11:26 AM

ياجماعه انا روحت اغير شنابر فتيس 307 فكل اللي عمله الراجل انه فك الفالف ونضفه وفك الفتيس وغير الشنابر وركب ولما اخدت العربيه لاقيتها لما بهدي على مطب مثلا تروح معلقه وكأنك جايب ال n
تطفي العربيه وتدورها ترجع تاني لحد اما مره واحده عملت ومش راضيه تمشي خالص بس العربيه بترجع لورا عادي لكن مبتمشيش لقدام خالص وتجيب d كانك جايب ال n
فلو فيه حد يعرف الخلل هنا في ايه يقولي عشان انا مش عارف اعمل ايه

**A.Lotfy** · 22-11-2011 12:17 PM

هو انت عملتها عند مين

**kekokelany** · 22-11-2011 06:20 PM

عملتها عند واحد المفروض انه كان فاهم في الفتيس بس المشكله دلوقت اني مش عارف ده عيب ايه ولا مين اللي ممكن ينجدني في المشكله دي

**sheko_2000eg** · 22-11-2011 10:34 PM

ارفع العربية علي ونش و انزل التوكيل منغير كلام
اوعي تخلي حد يفتيلك احسن الفتيس يروح في دهية

**ahmedb1** · 23-11-2011 12:58 PM

شوف اللينك ده في قسم رينو ممكن يفيدك ,و اللي عملهالك ده متخصص في البيجو
http://www.nilemotors.net/Nile/257940-a.html

**kekokelany** · 23-11-2011 03:55 PM

والله اللي عملهالي كان من الكلام انه متخصص بيجو غير كده فعلا وهوا بيفك ده واحد حافظ الفتيس وهوا لما فك قالي اني محتاج اغير شنابر الفتيس وهوا الراجل لما كلمته وقلتله قالي انا جايلك ومتهربش ومبيجليش اي جير بوكس فولتي هوا مره واحده اهدي ويحصل اللي انا شرحته ... طب معلش لو حد معاه رقم حد متخصص وبيفهم في الفتيس يقولهولي اساله ... وصحيح برده اخدت بالي اني لما بجيب d طبعا العربيه ما بتتحركش بس بسمع زي صوت ماتور بيلف عالفاضي كده هوا خفيف بس اخدت بالي منه

**ahmedb1** · 24-11-2011 05:41 AM

هو في واحد في المعادي او صقر قريش للفتيس البيجو بتهيألي هوه دا العنوان بتاعه عشان انا كنت كلمته من فتره وكنت جايب رقمه من النت
صيانة فتيس هيدرومتك
بس برضه يستحسن تروح التوكيل خاصا في المشاكل اللي زي دي متسلمش العربية لأي حد حتى لو قالك انا فاهم

**م.احمد زكريا** · 24-11-2011 09:52 AM

طيب يا فندم انت حطيط العربية على الجهاز بعد الشغل ده

راجع العربية كلها

ولو فيه مشكلة فيه واحد في الحرفيين تخصص بيجو اسمه احمد العسكري ولد كويس جدا

**kekokelany** · 27-11-2011 09:56 AM

الف شكر لكل من رد ,, بس الموضوع اني فعلا مبقاش عندي ثقه في الناس اللي بتشتغل في بيجو خالص ,, والله العربيه راكنها من ساعتها ومش عارف اعمل ايه , اطلع عالتوكيل اقوله شوفلي المشكله اللي في الفتيس وطبعا هتلاقي سعره هلامي ولا اطلع على اي حد وبرده لو مالوش فيها مش هيقولك ولا مركز خدمه من المراكز النصابه من غير ذكر اسامي ,, المهم يا بشمهندس عمرو لو انت واثق ان احمد ندا ده فعلا كويس اكون شاكر لو بعتلي رقمه ,
وياجماعه لو فيه حد راح التوكيل وعارف التعامل هناك بيبقى ازاي في الحاجات دي يعني التوكيل ينفع يشخص العطل وقبل ما يصلح يقولك والكلام ده فبرجوه اني يقولي واستحملوني معلش لاني والله تعبان بسبب الموضوع ده .