سؤال فني بخصوص موتور الميجان 2

**Ramy_Tantawi** · 21-05-2008 11:22 PM

السلام عليكم..........
اخباركم ايه يا جماعه انا المره دي لي سؤال فني شويه اتمنى حد يساعدني فيه لئنه محيرني جداً ...........مش المفروض المواتير كلها ليها فلتر هوا وفلتر الهوا ده بياخد هوا من مكان معين يعني هاتكلم عن العربيات اللي اعرفها في الشاهين مثلاً كان في فلتر الهوا نفسه طالع منه كوع كده بتسحب منه الهواء....في الكورولا لغاية 96 بعد كده الله اعلم بيكون الفلتر فوق عمة الموتور وطالع برضه كوع كده وبياخد منه الهواء..............في موتور الميجان بقى فلتر الهواء بالطول كده ولازق فيه كمبيوتر العربيه بياخد منين الهوا بتاعه اللي بيدخل للموتور !!! انا قلبت في الموتور ومش لاقي اي حاجه خالص في كوع نازل كده بس مقفول في آخره ومفيش اي مكان تاني يبقى الهوا ده داخل من فين ؟ من فتره كان واحد اعرفه بيعمل سمكره لعربيته ميجان والسمكري قبل ما يشتغل فك الكمبيوتر وشوية حاجات كده المهم وراني حاجه كده مكعبره قاللي دي بتركب ورا الاكصدام ودي اللي بتدي هوا للموتور !!!! فا انا مش فاهم انا اللي اعرفه بالنظام ده هو التيربو ..........أنا آسف على الاطاله بس بجد محتار جداً ونفسي اعرف واستحملوا اخوكم بقى :arghh:.

**Sharky** · 21-05-2008 11:56 PM

بصراحة معرفش الموضوع دا
ياريت لو حد يعرف يفدنا

**mohamed ibiza** · 22-05-2008 12:41 AM

هي مش تربو طبعا بس الحقيقة مقدرش افتي مسمعتش عن الموضوع ده خالص

**Amr_Moh** · 24-05-2008 02:46 PM

mad7`al el hawa m3adi been el bataria wel fanoos

**ENG\AHMED** · 24-05-2008 03:23 PM

المشاركة الأصلية كتبت بواسطة Ramy_Tantawi

السلام عليكم..........
اخباركم ايه يا جماعه انا المره دي لي سؤال فني شويه اتمنى حد يساعدني فيه لئنه محيرني جداً ...........مش المفروض المواتير كلها ليها فلتر هوا وفلتر الهوا ده بياخد هوا من مكان معين يعني هاتكلم عن العربيات اللي اعرفها في الشاهين مثلاً كان في فلتر الهوا نفسه طالع منه كوع كده بتسحب منه الهواء....في الكورولا لغاية 96 بعد كده الله اعلم بيكون الفلتر فوق عمة الموتور وطالع برضه كوع كده وبياخد منه الهواء..............في موتور الميجان بقى فلتر الهواء بالطول كده ولازق فيه كمبيوتر العربيه بياخد منين الهوا بتاعه اللي بيدخل للموتور !!! انا قلبت في الموتور ومش لاقي اي حاجه خالص في كوع نازل كده بس مقفول في آخره ومفيش اي مكان تاني يبقى الهوا ده داخل من فين ؟ من فتره كان واحد اعرفه بيعمل سمكره لعربيته ميجان والسمكري قبل ما يشتغل فك الكمبيوتر وشوية حاجات كده المهم وراني حاجه كده مكعبره قاللي دي بتركب ورا الاكصدام ودي اللي بتدي هوا للموتور !!!! فا انا مش فاهم انا اللي اعرفه بالنظام ده هو التيربو ..........أنا آسف على الاطاله بس بجد محتار جداً ونفسي اعرف واستحملوا اخوكم بقى :arghh:.

حاجة عملة زى القربة وداخل فيها ماسورتين؟؟

**Ramy_Tantawi** · 24-05-2008 11:16 PM

شكراً يا جماعه على الردود وجزاكم الله خير ............انا بعد التفحيص والتفعيص والتمحيص والتفكيك الحمد لله قدرت أوصل للمفيد والحقيقه أخونا عمرو هو اللي لفت انتباهي لموضوع الخرطوم اللي بين البطاريه والفانوس وانهارده قررت اني اتتبع الخرطوم ده لقيت الآتي هو طالع من تحت الفلتر ماشي خرطوم كاوتش عادي ومن عند البطاريه كده طلع بس المره دي مش خرطوم كاوتش ده حاجه زي قماش او لباد حاجه كده وبيدخل عند الفانوس وبيختفي بعدها اكتشفت الحمد لله انه متركب فيه من أخره حاجه كده زي قمع تجمع الهوا تقريباً والله أعلم ومفتوحه من عند شبكة العربيه وخلاص كده ........... الغريب بقى ليه المشوار طويل كده وهل مفيد انه ياخد هوا من الشبكه كده ولا ايه المقصود مش عارف أكيد مش انا اللي هاعرف لئني باميز البنزين من الجاز بالعافيه اتمنى لو حد من حضراتكم فاهم حاجه يفيدني وجزاكم الله كل خير.

**mohamed ibiza** · 24-05-2008 11:38 PM

الف مبروك علي الاكتشاف كان محيرك

**Ramy_Tantawi** · 24-05-2008 11:41 PM

الله يبارك فيك يا محمد باشا وجزاك الله كل خير .

**ENG\AHMED** · 25-05-2008 12:59 AM

المشاركة الأصلية كتبت بواسطة Ramy_Tantawi

الغريب بقى ليه المشوار طويل كده وهل مفيد انه ياخد هوا من الشبكه كده ولا ايه المقصود مش عارف.

هو معمول ورا الشبكة علشان ياخد هوا بارد من برة العربية (ميسحبش هوا سخن من حوض الموتور) وكل العربيات كدة "واضحة اكتر فى الموديلات الحديثة" ودة علشان كفائة الحريق

**Ramy_Tantawi** · 25-05-2008 01:42 AM

أخي NoNaMe
شكراً جزيلاً على المعلومه وجعلها الله في ميزان حسناتك ان شاء الله.

الموضوع: سؤال فني بخصوص موتور الميجان 2

LinkBack

أدوات الموضوع

عرض

سؤال فني بخصوص موتور الميجان 2 - انشر الموضوع فى :

-

-

-

المواضيع المتشابهه

سؤال على السريع بخصوص كاسيت الميجان

سؤال بخصوص عزل الميجان ii

سؤال مهم بخصوص الميجان ii

سؤال بخصوص تعلية صوت كلاكس الميجان

سؤال ضرورى بخصوص الميجان

الكلمات الدلالية لهذا الموضوع

المفضلات

المفضلات

ضوابط المشاركة