الموضوع: لغز حقيـــبـــــــــــة الفـــــتاة..!! (وائل عطية)

طبعا انا مقدر تفاعل الزملاء الافاضل مع الموقف .. لانه حقيقى مؤثر جدا وعلى فكرة نص مصر عايشة كدة ياجماعة تحت خط الصفر ولنا ولهم الله ويجب ان نحمد الله فى كل وقت وحين على كل النعم التى وهبنا الله .. ولكن رجاءى الا يأخذ الموضوع اكبر من قدره حتى لا يتعرض المنتدى لايه اضرار قانونية .. الموضوع مش موضوع الخمسة جنيه لكن ما سيترتب عليه جمع الخمسة جنية هذا بالاضافة الى النزاعات التى ستنشأ من جراء هذا التصرف .. ويكفى ان كل منكم يقوم بما يقدر عليه من حوله تجاه الفقراء .. وانا اولكم .. وعلى فكرة انا معاكم فى اى قرار فيه الصالح للجميع

استاذ جنيدي انا طبعا مش من الادارة ولا من المؤسسين ولا حتى قاعد في مصر بس احب اقولك حاجه مهمة قوي ان كلامك مستفز جدا وفيه قلة ذوق متناهية ويظهر انك فاضي وما وراكش حاجه غير النقار والخناق.

اعذرني اني اقولك الكلام ده بس انا متابع كل كتاباتك وكلها بتعتمد على نظرية المؤامرة وان كل الناس مستقصداك وانا بقولك الكلام ده لأن احنا هنا جايين نساهم كل واحد بطريقته انما انت معارض على طول الخط بسبب وبدون سبب.

سامحني بس انا حبيت الفت نظرك علما بأن اصل الموضوع قصة درامية احتمال تكون حقيقية وغالبا مش حقيقية انما في الآخر هى تحضنا على فعل الخير والتصدق وليس هناك اى معنى لأنك تتريق على الخمسة جنيه وتقول جنيه ونص والكلام ده !!!

ارجو ان تستوعب كلامي جيدا وان لا تأخذه على محمل شخصي وصدقني انا ومعظم الاعضاء لا يهمنا سوى تعميم الفائدة ولا نريد ان نرى كل يوم والتاني مشاحنات وخناقات ليس لها اى معنى او محل من الاعراب.

واخيرا بقولك حاجه مهمة ارحمنا بقى !!!!

وشكرا

محمد