الموضوع: لحراره والساعه بالكمبيوتر

السلام عليكم
معي 318 2004 هاي لاين وللاسف معنديش كتالوج ليها وعندي كتالوج لل 320
ولكنه مختلف فالاوبشن بتاع تغيير من السلعه للحراره الخارجيه في 320 هو دراع النور العالي فيه زرار ولكني مش عارف الطريقه في 318 لان مفيش زرار في دراع النور
فارجو النصيحه
وياريت لو حد عنده كتالوج لل 318 هاي لاين 2004 يرفعهولي او يساعدني واصوره منه مع الشكر

المشاركة الأصلية كتبت بواسطة than387

يا استاذ هي بالفعل هاي لاين
ثم بالفعل ظهرت فجأه الحراره الخارجيه مكان الساعه ولما معرفتش ارجعها للساعه شيلت اتاش البطاريه وحطيطه تاني فرجعت الساعه
فاكيد موجود مكان لتغيير الاوبشن ده مع العلم ان عربيتي 2004
والكمبيوتر موجود اقدم منها بعشرات السنين

البورد كمبيوتر المقصود هنا ، إلي هو في التابلوه عشان تشوف من خلاله معلومات زيادة ذي الاستهلاك والسرعة المتوسطة والحرارة ، ودة حاجة تانية خالص غير الكمبيوتر إلي موجود من عشرات السنين .
النقطة التانية المهمة إن دة اوبشن يعني مش أساسي في كل العربيات إن يكون فيها بورد كمبيوتر ، حتى لو كانوا كلهم نفس الموديل ، ينعي مش كل e46 فيها ومش كل ال-318i فيها حتى لو كان نفس موديل السنة !


بالنسبة لسؤال حضرتك المفروض إن تغيير المعلومات على البورد كمبيوتر بيكون عن طريق الدراع إلي في شمال الدركسيون وبيكون فيه زرار بيعمل كدة ، لكن في الحالة بتاعتك مش موجود ودة الغريب ، خصوصاً في موديل 2004 !، ممكن تجرب الذررين إلي في التابلوه ، دوس دوسة خفيفة على كل واحد شوف بيغير البورد كمبيوتر ولا لأ ؟ ينعي هل بينقل من ساعة.. لحرارة.. لسرعة.. لإستهلاك ..... ولا الاتنين مش بيعملوا حاجة ، غير الاحتمالين بتوع الدراع والذررين دول مفيش أي حاجة تانية ممكن تتحكم في البيانات على التابلوه .


أرجو أكون وضحت الفكرة وما أكنش عملتلك لخبطة زيادة